മിസോറാമില് സോറം തരംഗം, അധികാരത്തിലേക്ക്; തകര്ന്നടിഞ്ഞ് എംഎന്എഫ്
ഐസ്വാള്: മിസോറാമില് സോറം പീപ്പിള്സ് മൂവ്മെന്റ് അധികാരത്തിലേക്ക്. 13 സീറ്റില് വിജയിച്ച സോറം പീപ്പിള്സ് മൂവ്മെന്റ് 14 സീറ്റില് ലീഡ് ചെയ്യുന്നുണ്ട്. 21 സീറ്റാണ് കേവലഭൂരിപക്ഷത്തിന് വേണ്ടത് എന്നിരിക്കെ നിലവില് 27 സീറ്റുകളില് സോറം പീപ്പിള്സ് മൂവ്മെന്റ് മുന്നേറുന്നുണ്ട്. അതേസമയം ഭരണകക്ഷിയായ എം എന് എഫ് (മിസോ നാഷണല് ഫ്രണ്ട്) വലിയ തിരിച്ചടിയാണ് നേരിട്ടിരിക്കുന്നത്.
നിലവില് ഏഴ് സീറ്റില് വിജയിച്ച എം എന് എഫ് മൂന്ന് സീറ്റിലാണ് ലീഡ് ചെയ്യുന്നത്. ആകെ 10 സീറ്റുകളില് മാത്രമാണ് എം എന് എഫ് മുന്നേറുന്നത്. ബി ജെ പി രണ്ട് സീറ്റില് വിജയിച്ചിട്ടുണ്ട്. ആറ് പാര്ട്ടികളുടെ സഖ്യമായ സോറാം പീപ്പിള്സ് മൂവ്മെന്റ് മിസോറാമില് സ്വന്തമായി സര്ക്കാര് രൂപീകരിക്കാനുള്ള നീക്കത്തിലാണ്. രണ്ട് സിറ്റിംഗ് മന്ത്രിമാര് ഉള്പ്പെടെ എംഎന്എഫിന്റെ പ്രമുഖ നേതാക്കള്ക്കെതിരെയാണ് സെഡ്പിഎമ്മിന്റെ വിജയങ്ങള്.
നിലവിലെ മുഖ്യമന്ത്രി സോറംതംഗ അടക്കം തോറ്റവരില് ഉള്പ്പെടുന്നു. അതേസമയം സംസ്ഥാനത്ത് സര്ക്കാര് രൂപീകരിക്കാനുള്ള അവകാശവാദം ഉന്നയിച്ച് ചൊവ്വാഴ്ച ഗവര്ണറെ കാണുമെന്ന് സോറം പീപ്പിള്സ് മൂവ്മെന്റിന്റെ മുഖ്യമന്ത്രി സ്ഥാനാര്ത്ഥി ലാല്ദുഹോമ പറഞ്ഞു. 'നാളെയോ മറ്റന്നാളോ ഞാന് ഗവര്ണറെ കാണും. സത്യപ്രതിജ്ഞ ഈ മാസത്തിനകം ഉണ്ടാകും,' ലാല്ദുഹോമ പറഞ്ഞു.
മിസോറം സാമ്പത്തിക പ്രതിസന്ധികളെ അഭിമുഖീകരിക്കുകയാണ് എന്നും അതില് നിന്നും സംസ്ഥാനത്തെ മോചിപ്പിക്കും എന്നും ലാല്ദുഹോമ അവകാശപ്പെട്ടു. സംസ്ഥാനത്ത് കേവലഭൂരിപക്ഷത്തോടെ സര്ക്കാര് രൂപീകരിക്കുമെന്നും പ്രധാന മുന്ഗണന കൃഷിയായിരിക്കും എന്നും സോറം പീപ്പിള്സ് മൂവ്മെന്റ് ഉപാധ്യക്ഷന് ഡോ കെന്നത്ത് ചാംഗ്ലിയാന പറഞ്ഞു. ഭക്ഷ്യ ഉല്പ്പാദനത്തില് സ്വയം പര്യാപ്തത നേടുക എന്നതായിരിക്കും തങ്ങളുടെ ലക്ഷ്യമെന്നും അദ്ദേഹം കൂട്ടിച്ചേര്ത്തു.
2018 ഒറ്റ സീറ്റും ഇല്ലാതിരുന്നിടത്ത് നിന്നാണ് സോറം പീപ്പിള്സ് മൂവ്മെന്റ് ചരിത്രം വിജയം സ്വന്തമാക്കിയത്. അതേസമയം എം എന് എഫിന് 2018 ല് 27 സീറ്റുകള് ലഭിച്ചിരുന്നു. ഒരു സീറ്റ് ലഭിച്ചിരുന്ന ബി ജെ പി നില മെച്ചപ്പെടുത്തിയപ്പോള് നാല് സീറ്റ് കഴിഞ്ഞ തവണ ലഭിച്ചിരുന്ന കോണ്ഗ്രസ് നിരാശപ്പെടുത്തി. നിലവില് ഒരു സീറ്റില് ലീഡ് മാത്രമാണ് കോണ്ഗ്രസിനുള്ളത്. ഇന്നലെ നാല് സംസ്ഥാനങ്ങളില് മൂന്നിലും കോണ്ഗ്രസിന് നിരാശയായിരുന്നു ഫലം.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google