Click it and Unblock the Notifications
Just In
Don't Miss
-
മകളെ ഉപേക്ഷിക്കരുതെന്ന് പറയാനോ? നടന് ധനുഷിനെ വീണ്ടും കണ്ട് സൂപ്പര്താരം രജനികാന്ത്! -
എന്ത് വിശ്വസിച്ച് വിമാനത്തിൽ കയറും, ഇന്ധനം കാലിയാകുന്നത് വരെ പറപ്പിച്ചു നോക്കി ഇൻഡിഗോ പൈലറ്റ് -
സ്ഥിര നിക്ഷേപത്തിന് ഉയർന്ന പലിശ, കോര്പ്പറേറ്റ് സ്ഥിര നിക്ഷേപത്തില് മികച്ചത് ഏത്, വിശദമായി അറിയാം -
കുട്ടികള്ക്കും ഇഷ്ടപ്പെടും, വായിലിട്ടാല് അലിഞ്ഞുപോകും, കിടിലന് രുചിയില് സേമിയ അട -
IPL 2024: ബട്ലറല്ല, ആര്ആറിനെ ജയിപ്പിച്ചത് പവല്! ടീം തന്ത്രം വെളിപ്പെടുത്തി വിന്ഡീസ് താരം -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
അമേരിക്കയില്‍ നിന്നെത്തിയ എംഎല്‍എ ആഘോഷങ്ങളില്‍ പങ്കെടുത്ത് അടിച്ചുപൊളിച്ചു, ഒടുവില്‍ മുട്ടന്‍പണിയും
ഹൈദരാബാദ്: ആഴ്ചകള്‍ക്ക് മുമ്പ് അമേരിക്കയില്‍ നിന്നെത്തിയിട്ടും 14 ദിവസം നിരീക്ഷണത്തില്‍ കഴിയണമെന്ന നിര്‍ദ്ദേശങ്ങള്‍ കാറ്റില്‍ പറത്തിയ തെലങ്കാന എംഎല്‍എയ്ക്ക് നോട്ടീസ്. ആസിഫാബാദ് ജില്ലാ കളക്ടറാണ് എംഎല്‍എയ്ക്ക് നോട്ടീസ് നല്‍കിയത്. ഇദ്ദേഹം നിര്‍ദ്ദേശങ്ങള്‍ വകവയ്ക്കാതെ പാര്‍ട്ടി അണികളുമായി സംവദിക്കുകയും വിവാഹത്തില്‍ പങ്കെടുക്കുകയും ചെയ്തു. ട്രെയിനില്‍ യാത്ര ചെയ്തതായും കണ്ടെത്തിയിട്ടുണ്ട്.
തെലങ്കാന മുഖ്യമന്ത്രി ചന്ദ്രശേഖര റാവുവിന്റെ പാര്‍ട്ടിയായ ടിആര്‍എസിലെ അംഗമാണ് ഇദ്ദേഹം 3000 പേര്‍ പങ്കെടുത്ത ഒരു അമ്പലത്തിലെ പരിപാടിയിലും ഇദ്ദേഹം പങ്കെടുത്തിട്ടുണ്ട്. കൂടാതെ ഖാഗസ്‌കര്‍ മുനിസിപ്പാലിറ്റിയിലെ കൗണ്‍സില്‍ അംഗങ്ങളുമായി ഇടപഴകുന്നുമുണ്ട്. ഇതിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.
അമേരിക്കന്‍ സന്ദര്‍ശനത്തിന് പോയ എംഎല്‍എയും ഭാര്യയും ചൊവ്വാഴ്ചയാണ് മടങ്ങിയെത്തിയത്. വന്നതിന് ശേഷം സ്വയം നിരീക്ഷണത്തില്‍ കഴിയുകയാണെന്ന് സമ്മതപത്രത്തില്‍ ഒപ്പിടുകയും ചെയ്തിട്ടുണ്ട്. എന്നാല്‍ ഇതെല്ലാം കാറ്റില്‍ പറത്തി പൊതുജനങ്ങളുമായി സമ്പര്‍ക്കം പുലര്‍ത്തുന്ന പ്രവൃത്തികളാണ് ഇദ്ദേഹത്തിന്റെ ഭാഗത്ത് നിന്നുണ്ടായത്.
സെക്കന്തരബാദില്‍ നിന്ന് ഇദ്ദേഹം ഖാഗസ്‌നഗറിലേക്ക് തെലങ്കാന എക്സ്പ്രസില് യാത്ര ചെയ്തിട്ടുണ്ട്. അവിടെ സ്വീകരിക്കാനെത്തിയ പാര്‍ട്ടി അനുയായികള്‍ക്ക് അദ്ദേഹം ഹസ്തദാനം നല്‍കിയിട്ടുമുണ്ട്. ഇതിന്റെ വീഡിയോ സമൂഹ മാധ്യമങ്ങളില്‍ വൈറലായിട്ടുണ്ട്. വിദേശത്ത് നിന്ന് എത്തുന്നവര്‍ നിര്‍ബന്ധമായും 14 ദിവസം നിരീക്ഷണത്തില്‍ കഴിയണമെന്ന് കേന്ദ്രസര്‍ക്കാര്‍ നിര്‍ദ്ദേശമാണ് എംഎല്‍എ കാറ്റില്‍ പറത്തിയത്.
അതേസമയം, ഇന്ത്യയില്‍ ഇതുവരെ 283 കേസുകള്‍ പോസിറ്റീവായി. ഇന്ന് മാത്രം 34 കേസുകളാണ് സ്ഥിരീകരിച്ചത്. അഞ്ച് പേര്‍ രാജ്യത്ത് മരണപ്പെട്ടപ്പോള്‍ 23 പേര്‍ക്ക് രോഗം ഭേദമായി. 255 പേര്‍ ഇപ്പോഴും ചികിത്സയിലാണ്. കര്‍ണാടകയില്‍ പുതിയ മൂന്നു പോസിറ്റീവ് കേസുകളൈാണ് ഇന്ന് റിപ്പോര്‍ട്ട് ചെയ്തത്. സംസ്ഥാനത്ത് ആകെ കൊറോണ ബാധിതര്‍ 18. കര്‍ണാടകയിലുള്ളവര്‍ കൂടുതല്‍ ജാഗ്രത കാണിക്കണമെന്ന് ആരോഗ്യ മന്ത്രി ബി ശ്രീരാമലു പറഞ്ഞു.
This #SirpurMLA #konerukonappa returned from US, signed self- declaration saying he along with wife will confine to home isolation; but next day he took #Telangana Express train from Secunderabad to Kaghaznagar railway station meeting 100s of people #coronavirus @ndtv @ndtvindia pic.twitter.com/6xp0Kg0t9b
— Uma Sudhir (@umasudhir) March 20, 2020
ഇതിനിടെ വൈറസ് പോസിറ്റീവായ ഗായിക കനിക കപൂറിനെതിരെ ഉത്തര്‍പ്രദേശ് പോലീസ് കേസെടുത്തു. ബ്രിട്ടനില്‍ നിന്ന് വന്നതിന് പിന്നാലെ ഇവര്‍ മൂന്ന് പാര്‍ട്ടികളില്‍ പങ്കെടുത്തതായി തെളിഞ്ഞിരുന്നു. ഇതിന് പിന്നാലെയാണ് പോലീസ് ഇവര്‍ക്കെതിരെ കേസെടുത്തത്. യുപിയില്‍ 23 പേര്‍ക്കാണ് കൊറോണ വൈറസ് രോഗം സ്ഥരീകരിച്ചത്. ഇതില്‍ ഒമ്പത് പേര്‍ രോഗമുക്തി നേടി.ദില്ലിയില്‍ നിന്നും പുറപ്പെട്ട രാമകുണ്ടത്തിലേക്കുള്ള എപി സമ്പര്‍ക്കക്രാന്തി എക്സ്പ്രസില് യാത്ര ചെയ്തിരുന്ന എട്ട് പേര്‍ക്ക് കൊറോണ സ്ഥിരീകരിച്ചു. മാര്‍ച്ച് 13നാണ് ഇവര്‍ യാത്ര ചെയ്തിരുന്നത്.
