യുവാവിനെ ജനക്കൂട്ടം അടിച്ചുകൊന്നു; ശേഷം പോലീസിന് മുന്നിലിട്ട് കത്തിച്ചു... കാരണം ആ മരം
റാഞ്ചി: ജാര്ഖണ്ഡില് യുവാവിനെ ജനക്കൂട്ടം തല്ലിക്കൊന്നു കത്തിച്ചു. പോലീസിന് മുന്നിലിട്ടാണ് യുവാവിനെ കത്തിച്ചത്. 150ഓളം പേരാണ് യുവാവിനെ മര്ദ്ദിക്കാനെത്തിയത്. ഇതിന് മുമ്പ് ഇവര് യോഗം ചേര്ന്ന് യുവാവിനെ കൊലപ്പെടുത്താന് തീരുമാനിക്കുകയായിരുന്നു. പ്രദേശത്തുകാര്ക്ക് മതപരമായി വിശുദ്ധമാണെന്ന് കരുതുന്ന മരം മുറിച്ചതാണ് യുവാവിനെതിരായ ആക്രമണത്തിന് കാരണം. ജാര്ഖണ്ഡിലെ സിംഡേഗയിലാണ് ചൊവ്വാഴ്ച ഉച്ചയ്ക്ക് ശേഷം ക്രൂരകൃത്യം നടന്നത്.
മുണ്ട സമുദായത്തില്പ്പെട്ടവര് വിശുദ്ധമായി കരുതുന്ന മരമാണ് സഞ്ജു പ്രധാന് എന്ന വ്യക്തി മുറിച്ചതത്രെ. ആദ്യം ഇത് ശ്രദ്ധയില്പ്പെട്ട വേളയില് മരം മുറിക്കരുതെന്ന് താക്കീത് നല്കിയിരുന്നു. ആവര്ത്തിച്ചപ്പോള് ഗ്രാമീണര് യോഗം ചേര്ന്ന് സഞ്ജു പ്രധാന വകവരുത്താന് തീരുമാനിക്കുകയായിരുന്നു. എല്ലാവരും സഞ്ജുവിന്റെ വീട്ടിലേക്ക് ഇരച്ചെത്തുകയും വടി കൊണ്ടടിക്കുകയും കല്ലെറിയുകയും ചെയ്തു. ബോധരഹിതനായി വീണ സഞ്ജുവിനെ കത്തിക്കുകയായിരുന്നു. ഈ സമയം പോലീസ് സംഭവസ്ഥലത്തുണ്ടായിരുന്നുവെന്നും റിപ്പോര്ട്ടുകള് വ്യക്തമാക്കുന്നു.
മൃതദേഹം പോസ്റ്റ്മോര്ട്ടത്തിന് അയച്ചു. മര്ദ്ദനമേറ്റപ്പോള് തന്നെ യുവാവ് മരിച്ചുവെന്നാണ് പോലീസ് കരുതുന്നത്. പ്രതികളെ തിരിച്ചറിയാനുള്ള ശ്രമങ്ങള് നടന്നുവരികയാണ്. കേസെടുത്ത് അന്വേഷണം തുടങ്ങിയെന്നും കൃത്യം നടന്നതിന്റെ വീഡിയോ പരിശോധിച്ചുവരികയാണെന്നും എസ്പി ഡോ. ഷംസ് തബ്രീസ് പറഞ്ഞു. ജാര്ഖണ്ഡില് മുമ്പും ആള്ക്കൂട്ട കൊലപാതകം നടന്നിരുന്നു. പലപ്പോഴായി സമാന സംഭവങ്ങള് ആവര്ത്തിച്ചതോടെ സര്ക്കാര് ആള്ക്കൂട്ട കൊലപാതകങ്ങള്ക്കെതിരെ നിയമം കൊണ്ടുവരുന്നു. കഴിഞ്ഞ മാസമാണ് ബില്ല് നിയമസഭ പാസാക്കിയത്. ഇതിന് ശേഷം നടക്കുന്ന ആദ്യ ആള്ക്കൂട്ട കൊലയാണ് സിംഡേഗയിലേത്.
ആള്ക്കൂട്ട ആക്രമണത്തില് പരിക്കേല്പ്പിച്ച സംഭവത്തില് തടവ് ശിക്ഷയും അതില് ഭാഗമായവര്ക്ക് പിഴ ശിക്ഷയും നിര്ദേശിക്കുന്ന ബില്ലാണ് പാസാക്കിയിട്ടുള്ളത്. ആക്രമണങ്ങളുടെ ഭാഗമാകുന്നവര്ക്ക് 3 ലക്ഷത്തില് താഴെ പിഴ ഈടാക്കാന് അനുമതി നല്കുന്ന ബില്ലാണിത്. ആള്ക്കൂട്ട ആക്രമണങ്ങള് തടയുന്നതിനും ഇത്തരം കേസുകള് പരിശോധിക്കുന്നതിനും ഒരു നോഡല് ഓഫീസറെ നിയമിക്കും. ഐജിയുടെ റാങ്കില് കുറയാത്ത ഉദ്യോഗസ്ഥനായിരിക്കും നോഡല് ഓഫീസര്. സംസ്ഥാന പോലീസ് മേധാവിയാണ് നോഡല് ഓഫീസറെ നിയമിക്കുക. മാസത്തിലൊരിക്കല് ഓഫീസറുടെ കീഴില് ഉദ്യോഗസ്ഥരുടെ യോഗം നടക്കണം. ഇത്തരം സംഭവങ്ങളുടെ വാര്ത്തകള് വന്നാല് സ്വമേധയാ കേസെടുക്കാന് നോഡല് ഓഫീസര്ക്ക് അധികാരമുണ്ടാകും. സോഷ്യല് മീഡിയയില് ആക്രമണ വീഡിയോകള് പ്രചരിപ്പിക്കുന്നതും ശിക്ഷ ലഭിക്കാവുന്ന കുറ്റമായി മാറുമെന്നും പുതിയ നിയമത്തില് പറയുന്നു.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ദിലീപിൻ്റെ റിയൽ എസ്റ്റേറ്റ് ബിസിനസിൽ നിന്ന് പിൻമാറാൻ കാരണം; കാവ്യ മാധവൻ പറഞ്ഞത്..'മനസിലേറ്റ മുറിവ് മാറുമോ' -
മീനാക്ഷിയെ പോലെ പണം വാരുന്ന ഡോക്ടറാണോ? അച്ഛന്റെ സ്വപ്നം സഫലമാക്കി ശ്രീലക്ഷ്മി, കലാഭവൻ മണിയുടെ മകൾക്ക് കയ്യടി -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ് -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ -
സ്വർണ വില അഞ്ചാം ദിനവും മൂക്കും കുത്തി താഴെ; പവന് 60,000 രൂപയെന്ന ആഗ്രഹമൊക്കെ നടക്കുമോ?അറിയാം -
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
'കോട്ടാത്തലേ, ചാണകപ്പുഴു..പേപ്പട്ടികള് കെട്ടിയിട്ടിടത്തു നിന്ന് കുരയ്ക്കും';അഖിൽ മാരാർക്കെതിരെ ഷിയാസ് കരീം -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
മിനിറ്റുകൾക്കുള്ളിൽ സർവ്വനാശം: ലോകാവസാന മിസൈൽ പരീക്ഷിച്ച് യുഎസ്
Click it and Unblock the Notifications
Sign in with Google