ഹൈക്കോടതി ഇടപെട്ടു ; അസമിൽ മൊബൈൽ ഇന്റർനെറ്റ് സേവനങ്ങൾ പുന:സ്ഥാപിച്ചു
ഗുവാഹത്തി: പൗരത്വ ഭേദഗതി നിയമത്തിനെതിരായ അക്രമാസക്തമായ പ്രതിഷേധത്തെ തുടര്ന്ന് റദ്ദാക്കിയ ഇന്റര്നെറ്റ് സേവനങ്ങള് അസമില് പുനസ്ഥാപിച്ചു. തിരഞ്ഞെടുത്ത ജില്ലകളില് ഡിസംബര് 11 മുതല് ഏര്പ്പെടുത്തിയ മൊബൈല്, ഇന്റര്നെറ്റ് സേവനങ്ങളുടെ നിരോധനമാണ് അധികൃതര് പിന്വലിച്ചിരിക്കുന്നത്. പ്രതിഷേധം രൂക്ഷമായതിനെ തുടര്ന്ന് സംസ്ഥാനമൊട്ടാകെ നിരോധനം വ്യാപിപ്പിച്ചിരുന്നു. എന്നാല് ഇന്റര്നെറ്റ് സേവനങ്ങളുടെ നിരോധനം ഏര്പ്പെടുത്തിയിട്ടും വ്യാഴാഴ്ചയും സംസ്ഥാനമൊട്ടാകെ സിഎഎയ്ക്കെതിരായ പ്രതിഷേധം തുടര്ന്നു.
ഇന്റര്നെറ്റ് സേവനങ്ങള്ക്ക് ഏര്പ്പെടുത്തിയ നിയന്ത്രണം നീക്കം ചെയ്യാന് ഗുവാഹത്തി ഹൈക്കോടതി ഇന്നലെയാണ് സംസ്ഥാന സര്ക്കാരിന് നിര്ദ്ദേശം നല്കിയത്. വിവിധ സോഷ്യല് മീഡിയ പ്ലാറ്റ്ഫോമുകള് വഴി പ്രതിഷേധക്കാര് അക്രമത്തെ പ്രേരിപ്പിക്കാനും സ്ഫോടനാത്മക സന്ദേശങ്ങളും വീഡിയോകളും പ്രചരിപ്പിക്കുന്നത് തടയാന് ഭരണകൂടത്തിന് സ്വാതന്ത്ര്യമുണ്ടെന്ന് സംസ്ഥാന സര്ക്കാര് കോടതിയെ അറിയിച്ചു. എന്നാല് ജസ്റ്റിസ് മനോജിത് ഭൂയാന്, ജസ്റ്റിസ് സൗമിത്ര സൈകിയ എന്നിവരടങ്ങിയ ബെഞ്ച് ഈ വാദം തള്ളി. വൈകീട്ട് അഞ്ച് മണിക്ക് മുന്പ് ഇന്റര്നെറ്റ് സേവനം പുനസ്ഥാപിക്കണമെന്നായിരുന്നു ഗുവാഹത്തി ഹൈക്കോടതി സര്ക്കാരിന് നിർദ്ദേശം നൽകിയത്.
പുതുതായി ഭേദഗതി ചെയ്ത നിയമ പ്രകാരം സംസ്ഥാനത്തേക്ക് കുടിയേറുന്നവരുടെ എണ്ണത്തില് വര്ധനയുണ്ടാകുമെന്ന് ഭയന്നാണ് അസമിലെ നിരവധി ഗ്രൂപ്പുകള് സിഎഎയ്ക്കെതിരെ പ്രതിഷേധിക്കുന്നത്. നൂറിലധികം പ്രതിഷേധക്കാരെ സംസ്ഥാനത്ത് നിന്നും പൊലീസ് അറസ്റ്റ് ചെയ്തിരുന്നു. മാത്രമല്ല ഭരണകക്ഷിയിലെ പ്രധാന പാര്ട്ടികളായ ബിജെപിയും അസം ഗണ പരിഷത്തും നിയമത്തെച്ചൊല്ലി ഇടഞ്ഞു. നിയമത്തിനെതിരെയുള്ള ജനരോഷം മനസ്സിലാക്കാന് സര്ക്കാറിന് സാധിച്ചില്ലെന്നാണ് ഇവരുടെ വാദം. ബിജെപി അസം ഘടകത്തില് നിന്നും നിരവധി പേര് പാര്ട്ടി വിടുകയും ചെയ്തു. 1980 മുതല് തുടരുന്ന പ്രക്ഷോഭത്തിന്റെ ഭാഗമാണ് അസം ഗണ പരിഷത്ത് ഉള്പ്പെടെയുള്ള സംഘടനകള് നടത്തുന്ന ഇപ്പോഴത്തെ പ്രതിഷേധവും.
-
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ഏപ്രില് 1ന് രാത്രി 8 മണിക്ക് അത് സംഭവിക്കും; സുപ്രധാന പ്രഖ്യാപനവുമായി ഇറാന്, സ്തംഭിക്കും -
ഖത്തറിന്റെ കടുത്ത നടപടി; വിസ ഓണ് അറൈവല് റദ്ദാക്കി, യാത്രക്കാര്ക്ക് നിര്ദേശവുമായി പാക് എംബസി -
ഫോർട്ട് കൊച്ചി- വൈപ്പിൻ ഭൂഗർഭ തുരങ്കപാത; കാത്തിരിപ്പ് നീളുന്നു, 30 മാസം വേണം പൂർത്തിയാവാൻ, ഇനിയെന്ത്? -
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
റിപ്പോർട്ടർ ചാനൽ ഇപ്പോൾ പൂട്ടിപ്പോകും, പ്രശ്നം ഗുരുതരമാണ്, ആൻ്റോയുടെ പേരിൽ ലൈസൻസ് ഇല്ല'; അഖിൽ മാരാർ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം -
'രഞ്ജിത്ത് തന്റെ സിനിമയിലെ സ്ത്രീ വിരുദ്ധത നിത്യ ജീവിതത്തിലും പ്രായോഗികവൽക്കരിക്കുന്നു'; ഡോ. ബിജു
Click it and Unblock the Notifications
Sign in with Google