Click it and Unblock the Notifications
Just In
Don't Miss
-
കാലമെത്ര കഴിഞ്ഞാലും ഭര്ത്താവിന് കറകളഞ്ഞ സ്നേഹം, ഭാര്യക്ക് മാത്രം മനസ്സിലാവും പ്രത്യേക ലക്ഷണങ്ങള് -
സുന്ദരി കോത എന്നും കാവ്യ മാധവന് തന്നെ! ഒരുപാട് ശത്രുക്കളെ ഉണ്ടാക്കുന്ന ചോദ്യമായി പോയെന്ന് സലിം കുമാര് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഗെയിം കളിച്ചുകൊണ്ടിരിക്കെ മൊബൈല്‍ പൊട്ടിത്തെറിച്ച് 7 വയസുകാരന്റെ വിരലുകളറ്റു
ഭോപാല്‍: അച്ഛന്റെ ഫോണില്‍ ഗെയിം കളിച്ചുകൊണ്ടിരിക്കെ പൊട്ടിത്തെറിച്ചതിനെ തുടര്‍ന്ന് ഏഴു വയസുകാരന്റെ അഞ്ചുവിരലുകള്‍ നഷ്ടമായി. ഭോപാലനടുത്ത് ബിലാപുര ഗ്രാമത്തില്‍ ബുധനാഴ്ച രാവിലെയാണ് സംഭവം. ഹരിപ്രസാദ് എന്നയാളുടെ മകനായ അജയ്ക്ക് ആണ് ഗുരുതരമായ പരിക്കേറ്റത്.
അപകടം നടന്നയുടന്‍ കുട്ടിയെ സമീപത്തുള്ള ആശുപത്രിയില്‍ പ്രവേശിപ്പിച്ചിരുന്നെങ്കിലും തുന്നിച്ചേര്‍ക്കാന്‍ കഴിയാത്തവിധം വിരലുകള്‍ക്ക് മുറിവേറ്റിരുന്നതായി ഡോക്ടര്‍മാര്‍ പറഞ്ഞു. മൊബൈല്‍ ഫോണ്‍ ചാര്‍ജ് ചെയ്തുകൊണ്ടിരിക്കെയായിരുന്നു കുട്ടി ഗെയിം കളിച്ചതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.
മൊബൈല്‍ ചാര്‍ജ് ചെയ്യുന്നതിനൊപ്പം ഗെയിം കളിക്കുകയും ചെയ്തതോടെ ഫോണ്‍ അമിതമായി ചൂടായി പൊട്ടിത്തെറിക്കുകയായിരുന്നെന്നാണ് വിവരം. സംഭവത്തില്‍ പോലീസ് ഇതുവരെ കേസ് രജിസ്റ്റര്‍ ചെയ്തിട്ടില്ല. ഏതു കമ്പനിയുടെ ഫോണ്‍ ആണ് പൊട്ടിത്തെറിച്ചതെന്നതിനെക്കുറിച്ചും സൂചനയില്ല.
മൊബൈല്‍ ഫോണ്‍ ചാര്‍ജ് ചെയ്തുകൊണ്ടിരിക്കുമ്പോള്‍ ബാറ്ററി പൊട്ടിത്തെറിച്ച് അപകടം സംഭവിക്കുന്നത് ഇതാദ്യമല്ല. ലോകത്തിന്റെ പലഭാഗത്തും ഇത്തരം ഒട്ടേറെ കേസുകള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. ചാര്‍ജ് ചെയ്തുകൊണ്ടിരിക്കുമ്പോള്‍ ഫോണില്‍ സംസാരിക്കുക, വീഡിയോ കാണുക, ചാറ്റ് ചെയ്യുക, ഗെയിം കളിക്കുക തുടങ്ങിയവയെല്ലാം അപകടത്തിനിടയാക്കിയിട്ടുണ്ട്. ചാര്‍ജ് ചെയ്തുകൊണ്ടിരിക്കുന്നതിനിടയില്‍ മൊബൈല്‍ ഫോണ്‍ ഉപയോഗിക്കേണ്ടിവരികയാണെങ്കില്‍ പ്ലഗ്ഗില്‍ നിന്നും ചാര്‍ജര്‍ ഡിസ്‌കണക്ട് ചെയ്യണമെന്ന വിദഗ്ധരുടെ നിര്‍ദ്ദേശം അവഗണിക്കുന്നത് പലപ്പോഴും അപകടം ക്ഷണിച്ചുവരുത്തുന്നു.
