ദേവെഗൗഡയ്ക്ക് മോദിയുടെ കോൾ.. 37എംഎൽമാരുടെ പിന്തുണയ്ക്കല്ല, ഇത് കാര്യം വേറെയാണ്!!

ബെംഗളൂരു: കര്‍ണാടകത്തിലെ രാഷ്ട്രീയ നീക്കങ്ങള്‍ കൊടുംപിരികൊള്ളുന്നതിനുടെ ജെഡിഎസ് നേതാവ് എച്ച്ഡി ദേവഗൗഡയെ വിളിച്ച് പ്രധാനമന്ത്രി നരേന്ദ്ര മോദി ജന്‍മദിനാശംസകള്‍ നേര്‍ന്നു. ദേവഗൗഡയെ താന്‍ വിളിച്ച് സംസാരിച്ചുവെന്നും അദ്ദേഹത്തിന് ജന്‍മദിനാശംസകള്‍ അറിയിച്ചെന്നും മോദി തന്നെയാണ് തന്‍റെ ട്വിറ്ററില്‍ കുറിച്ചത്. അദ്ദേഹത്തിന് മെച്ചപ്പെട്ട ആരോഗ്യവും ദീര്‍ഘായുസും നേരുന്നെന്നും മോദി ട്വീറ്റ് ചെയ്തു.

ഗവര്‍ണര്‍ക്ക് നല്‍കിയ ബിജെപിയുടെ പിന്തുണ കത്ത് സുപ്രീം കോടതി പരിശോധിക്കുന്നതിനിടെയാണ് മോദിയുടെ ജന്‍മദിനാശംസ എത്തിയത്. ജെഡിഎസ്-കോണ്‍ഗ്രസ് സഖ്യത്തില്‍ നിന്ന് എംഎല്‍എമാരെ റാഞ്ചാന്‍ ബിജെപി കിണഞ്ഞ് പരിശ്രമിക്കുന്നതിനിടെയാണ് ദേവഗൗഡയെ അദ്ദേഹം വിളിച്ചതെന്നത് ഏറെ രാഷ്ട്രീയ പ്രാധാന്യം അര്‍ഹിക്കുന്നുണ്ട്. ജെഡിഎസിന്‍റെ പിന്തുണ ഉറപ്പാക്കാനുള്ള മോദിയുടെ തന്ത്രങ്ങളായും വിളിയെ രാഷ്ട്രീയ നിരീക്ഷകര്‍ വിലയിരുത്തുന്നുണ്ട്.

Spoke to our former Prime Minister Shri HD Deve Gowda Ji and conveyed birthday wishes to him. I pray for his good health and long life.

— Narendra Modi (@narendramodi) 18 May 2018

തെരഞ്ഞെടുപ്പിന് മുന്‍പും ദേവഗൗഡയെ പ്രീതിപ്പെടുത്താനുള്ള തന്ത്രങ്ങള്‍ മോദി പയറ്റിയിരുന്നു. ഇന്ത്യയിലെ തന്നെ മുതിര്‍ന്ന നേതാക്കളില്‍ ഒരാളായ ദേവഗൗഡയെ കോണ്‍ഗ്രസ് അപമാനിക്കാന്‍ ശ്രമിക്കുകയായിരുന്നെന്നും അതേസമയം താന്‍ വളരെ ബഹുമാനത്തോടെ മാത്രമേ അദ്ദേഹത്തോട് പെരുമാറിയിട്ടുള്ളൂവെന്നും മോദി പറഞ്ഞിരുന്നു.

English summary

modi called devagauda amidst crisis in karnataka