• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അംബേദ്കര്‍ വിഭാവനം ചെയ്ത കാര്യങ്ങള്‍ മോദി സര്‍ക്കാര്‍ പൂര്‍ത്തീകരിച്ചു; അവകാശവാദവുമായി നദ്ദ

ദില്ലി: ഡോ: ബി ആര്‍ അംബേദ്ക്കറിന്റെ ജന്മവാര്‍ഷിക ദിനം ആചരിക്കുകയാണ് രാജ്യം. ഇന്ത്യന്‍ ഭരണഘടനയുടെ ശില്‍പിയായ ബി ആര്‍ അംബേദിക്കറിന്റെ 129ാം ജന്മദിനം. അംബേദ്ക്കറുടെ ജന്മദിനത്തില്‍ ആദരസൂചകമായി ഭരണഘടനയുടെ ആമുഖം വായിച്ചിരുന്നു കര്‍ണ്ണാടക കോണ്‍ഗ്രസ്. ഒപ്പം രാജ്യചത്തെ പ്രധാനപ്പെട്ട നേതാക്കളെല്ലാം തന്നെ അംബേദ്ക്കര്‍ ജയന്തിയില്‍ ആശംസയും നേര്‍ന്നിരുന്നു.

എന്നാല്‍ കോണ്‍ഗ്രസ് ബിആര്‍ അംബേദ്ക്കറിനെ ഒരിക്കല്‍ പോലും ബഹുമാനിച്ചിട്ടില്ലെന്ന വാദവുമായി രംഗത്തെത്തിയിരിക്കുകയാണ് ബിജെപി അധ്യക്ഷന്‍ ജെപി നദ്ദ.

അംബേദ്ക്കറിന്റെ കാഴ്ച്ചപ്പാടുകള്‍ നരേന്ദ്രമോദി സര്‍ക്കാര്‍ നിറവേറ്റിയെന്നും അദ്ദേഹം കാട്ടി തന്ന വഴിയിലൂടെയാണ് ഇപ്പോള്‍ സഞ്ചരിക്കുന്നതെന്നും ജെപി നദ്ദ അവകാശപ്പെട്ടു. അംബേദ്ക്കര്‍ ജയന്തി ദിനത്തില്‍ അദ്ദേഹത്തിന് ആദരാജ്ഞലികള്‍ അര്‍പ്പിച്ച് സംസാരിക്കുകയായിരുന്നു ജെപി നദ്ദ.

വലിയ അതിര്‍പ്പുകള്‍ ഉണ്ടായിട്ടും ബിആര്‍ അംബേദ്ക്കര്‍ ഒരിക്കലും താന്‍ പിന്തുടര്‍ന്നു വന്ന മൂല്യങ്ങളില്‍ വിട്ടവീഴ്ച്ച വരുത്തിയിട്ടില്ലെന്നും സാമൂഹിക അസമത്വവും വിവേചനത്തിനുമെതിരെ അദ്ദേഹം പോരാടിയെന്നും നദ്ദ പറഞ്ഞു.

ഈ ഗെയിമില്‍ ഇന്ത്യ എവിടെയുമില്ല; ലാവോസിനും ഹോണ്ടുറാസിനുമൊപ്പമെന്ന് രാഹുല്‍ ഗാന്ധി

ബാബാസാഹേബിന്റെ കാലത്ത് കോണ്‍ഗ്രസ് അധികാരത്തിലുണ്ടായിരുന്ന സയമത്ത് അവര്‍ അദ്ദേഹത്തിന് ഒരിക്കല്‍ പോലും ബഹുമാനം നല്‍കിയിരുന്നില്ല. അദ്ദേഹത്തിന് മരണത്തിനും നാല് പതിറ്റാണ്ട് ശേശമാണ് അദ്ദേഹത്തിന് ഭാരത രത്‌ന നല്‍കിയതെന്നതും നിര്‍ഭാഗ്യകരമാണ്. ബിജെപി പ്രവര്‍ത്തകരോട് അംബേദ്ക്കര്‍ പ്രത്യയശാസ്ത്രം പിന്‍തുടരാനും ജെപി നദ്ദ ആവശ്യപ്പെട്ടു.

നരേന്ദ്രമോദി സര്‍ക്കാര്‍ ബിആര്‍ അംബേദ്ക്കറിന്റെ ജനന-മരണ സ്ഥലങ്ങള്‍ ഉള്‍പ്പെടെയുള്ള ഇടങ്ങള്‍ അഞ്ച് തീര്‍ത്ഥാടന സ്ഥലങ്ങളായി പ്രഖ്യാപിച്ചിട്ടുണ്ടെന്നും സമൂഹത്തിലെ പിന്നാക്ക വിഭാഗക്കാരുടെ ഉന്നമനത്തിനായി പ്രവര്‍ത്തിക്കുന്ന ബിജെപിക്ക് അദ്ദേഹം ഒരു മാതൃകയാണെന്നും നദ്ദ പറഞ്ഞു.

ബിആര്‍ അംബേദ്ക്കര്‍ ജന്മദിനത്തില്‍ ഈ ആരോഗ്യപ്രതിസന്ധി നേരിടുന്ന കാലഘട്ടത്തില്‍ ജനങ്ങള്‍ക്ക് ഭക്ഷണം വിതരണം ചെയ്യാനും ബിജെപി ആഹ്വാനം ചെയ്തിട്ടുണ്ടെന്നും ഇത് അദ്ദേഹത്തോടുള്ള ബഹുമാനാര്‍ത്ഥം ചെയ്തതാണെന്നും നദ്ദ പറഞ്ഞു. ബി ആര്‍ അംബേദ്കര്‍ വിഭാവനം ചെയ്ത കാര്യങ്ങള്‍ മോദി സര്‍ക്കാര്‍ പൂര്‍ത്തീകരിച്ചുവെന്നും സമൂഹത്തിലെ എല്ലാ വിഭാഗങ്ങളുടെയും ക്ഷേമത്തിനായി പ്രവര്‍ത്തിക്കാന്‍ അദ്ദേഹം കാണിച്ച പാത പിന്തുടര്‍ന്നിട്ടുണ്ടെന്നും നദ്ദ കൂട്ടിച്ചേര്‍ത്തു.

അംബേദ്ക്കര്‍ ജന്മദിനത്തില്‍ കോണ്‍ഗ്രസ് നേതാവ് രാഹുല്‍ ഗാന്ധി തന്റെ ആദരം അറിയിച്ചു കൊണ്ട് ട്വീറ്റ് ചെയ്തിരുന്നു. പ്രധാനമന്ത്രി നരേന്ദ്ര മോദിയും രാഷ്ട്രപതി രാംനാഥ് കോവിന്ദും ആശംസകള്‍ അറിയിച്ചിരുന്നു.

English summary
Modi Government Fulfilled BR Ambedkar Vision Said JP Nadda
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X