Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോണ്‍ഗ്രസിന്റെ ആ പദ്ധതി അടിച്ചുമാറ്റാം... സാമ്പത്തിക പ്രതിസന്ധിയില്‍ ഉപദേശവുമായി രാഹുല്‍
ദില്ലി: രാജ്യത്തെ സാമ്പത്തിക പ്രതിസന്ധിയില്‍ ബിജെപിയെ രൂക്ഷമായി പരിഹസിച്ച് രാഹുല്‍ ഗാന്ധി. നരേന്ദ്ര മോദിക്കും നിര്‍മലാ സീതാരാമനും കോണ്‍ഗ്രസിന്റെ ലോക്‌സഭാ തിരഞ്ഞെടുപ്പിലെ പ്രകടന പത്രികയില്‍ നിന്ന് സാമ്പത്തിക നിര്‍ദേശങ്ങള്‍ അടിച്ചുമാറ്റാമെന്നും രാഹുല്‍ പറഞ്ഞു. അതേസമയം സര്‍ക്കാര്‍ സമ്പദ് വ്യവസ്ഥയുടെ കാര്യത്തില്‍ എന്തു ചെയ്യണമെന്ന് അറിയാത്ത അവസ്ഥയിലാണെന്നും രാഹുല്‍ പറഞ്ഞു.
സാമ്പത്തിക പ്രതിസന്ധിയില്‍ കോണ്‍ഗ്രസും മോദി സര്‍ക്കാരും തമ്മിലുള്ള വാക്‌പോരിന് പുതിയ തലം നല്‍കിയിരിക്കുകയാണ് രാഹുല്‍. കഴിഞ്ഞ ദിവസം എല്ലാം വിറ്റുതുലയ്ക്കുന്ന ബേച്ചേന്ദ്ര മോദിയെന്ന് പ്രധാനമന്ത്രിയെ രാഹുല്‍ പരിഹസിച്ചിരുന്നു. ഇത് വലിയ ഹിറ്റായി മാറിയിരുന്നു. അതിന് പിന്നാലെയാണ് പുതിയ പരിഹാസം. ലോക്‌സഭാ തിരഞ്ഞെടുപ്പിന്റെ സമയത്ത് കോണ്‍ഗ്രസിന്റെ മിനിമം വേതനം പദ്ധതിയായ ന്യായ് വളരെയധികം ശ്രദ്ധിക്കപ്പെട്ടിരുന്നു.
നേരത്തെ ഗ്രാമീണ മേഖലയിലെ വളര്‍ച്ച നഗരമേഖലയിലെ വളര്‍ച്ചയേക്കാളും മുന്‍പിലാണെന്ന് റിപ്പോര്‍ട്ടുണ്ടായിരുന്നു. എന്നാല്‍ ഈ സാമ്പത്തിക പാദത്തില്‍ ഇത് കുറഞ്ഞെന്നും, ഗ്രാമീണ മേഖലയിലെ വളര്‍ച്ച ഏറ്റവും താഴെയാണെന്നും റിപ്പോര്‍ട്ട് വന്നിരുന്നു. ഇതിനെയാണ് രാഹുല്‍ വിമര്‍ശിച്ചത്. ഇന്ത്യയുടെ വളര്‍ച്ചാ നിരക്ക് വര്‍ധിപ്പിക്കുന്ന നിരവധി കാര്യങ്ങള്‍ കോണ്‍ഗ്രസിന്റെ സാമ്പത്തിക പാക്കേജില്‍ ഉണ്ടായിരുന്നു.
ഗ്രാമീണ മേഖല വലിയ പ്രതിസന്ധിയിലാണ്. സാമ്പത്തിക മേഖല തകര്‍ന്നു. എന്നാല്‍ സര്‍ക്കാരിന് ഇത് എങ്ങനെ പരിഹരിക്കണമെന്ന് അറിയില്ല. കോണ്‍ഗ്രസിന്റെ പ്രകടന പത്രികയിലെ കാര്യങ്ങള്‍ അവര്‍ മോഷ്ടിക്കണം. അതില്‍ നാണക്കേട് തോന്നേണ്ട കാര്യമില്ല. ഞങ്ങള്‍ പ്രതിസന്ധിയെ മുന്‍കൂട്ടി കണ്ട് പ്രശ്‌നങ്ങള്‍ക്കുള്ള പരിഹാരം അതില്‍ നിര്‍ദേശിച്ചിട്ടുണ്ട്. അത് സര്‍ക്കാരിന് ഉപകാരപ്രദമാകുമെന്നും രാഹുല്‍ പറഞ്ഞു.
