മോദിയുടെ പുതിയ അഭിമുഖവും മുന്‍കൂട്ടി തയ്യാറാക്കിയത്, തെളിവായി വീഡിയോ പുറത്ത്

ദില്ലി: നരേന്ദ്രമോദി പ്രധാനമന്ത്രിയുടെ അധികാര കസേരയിലെത്തിയിട്ട് നാലുവർഷമായിട്ടും ഇതുവരെ മാധ്യമങ്ങളെ അഭിമുഖീകരിക്കാത്തത് ഏറെ വിവാദമായിരുന്നു. മുൻകൂട്ടി തയ്യാറാക്കിയ അഭിമുഖങ്ങള്‍ക്കപ്പുറത്ത് ചോദ്യങ്ങളെ അഭിമുഖീകരിക്കാനുള്ള ശേഷി മോദിക്കില്ലെന്നായിരുന്നു വിമർശകരുടെ വാദം. ഈ വാദത്തെ വീണ്ടും ശരിവെച്ചുള്ള റിപ്പോര്‍ട്ടുകളാണ് ഇപ്പോള്‍ പുറത്തുവരുന്നത്.

ന്യൂസ് നാഷന് നല്‍കിയ പുതിയ അഭിമുഖവും മുന്‍കൂട്ടി തയ്യാറാക്കിയതാണെന്നതിനുള്ള തെളിവുകള്‍ എഡിറ്റിങ്ങിലെ പിഴവ് മൂലം പുറത്തായിരിക്കുകയാണ്. മോദിക്ക് മുന്‍കൂട്ടി നല്‍കിയ ചോദ്യവും ഉത്തരവും അടങ്ങി പേപ്പറുകള്‍ അഭിമുഖത്തിന്‍റെ വീഡിയോയില്‍ തെളിഞ്ഞ് കാണുന്നുണ്ട്. സംഭവത്തില്‍ വന്‍ പരിഹാസമാണ് ഉയരുന്നത്.

ന്യൂസ് നാഷന് നല്‍കിയ അഭിമുഖവും സ്ക്രിപ്റ്റഡ് ആണെന്നത് തെളിഞ്ഞെന്ന് വ്യക്തമാക്കി കോണ്‍ഗ്രസ് നേതാവ് ദിവ്യ സ്പന്ദനയും അഭിമുഖത്തിന്‍റെ വീഡിയോ പങ്കുവെച്ചിട്ടുണ്ട്. എന്തുകൊണ്ടാണ് മോദി പത്രസമ്മേളനം നടത്താന്‍ തയ്യാറാകാത്തത് എന്ന് വ്യക്തമായില്ലേയെന്നും ദിവ്യ ട്വിറ്ററില്‍ കുറിച്ചു.

അതേസമയം ന്യൂസ് നാഷന് പുറത്തുവിട്ട അഭിമുത്തിനെതിരെ നിരവധി പരിഹാസങ്ങളാണ് ഉയരുന്നത്. ബാലക്കോട്ട് തിരിച്ചടി സമയത്ത് പാകിസ്താന്‍ സേനയുടെ റഡ‍ാറുകളില്‍ നിന്ന് ഇന്ത്യന്‍ വിമാനങ്ങളെ മറയ്ക്കാന്‍ അപ്പോഴുണ്ടായിരുന്നു മേഘങ്ങള്‍ക്ക് സാധിക്കുമെന്നായിരുന്നന്ന്ന് താന്‍ വ്യോമസേനയെ ഉപദേശിച്ചുവെന്നായിരുന്നു ന്യൂസ് നാഷന് നല്‍കിയ അഭിമുഖത്തില്‍ മോദി പറഞ്ഞത് വലിയ പരിഹാസങ്ങള്‍ക്കാണ് വഴിവെച്ചത്. 988ല്‍ ഇ മെയില്‍, ക്യാമറ എന്നിവ പുറത്തിറങ്ങും മുമ്പ് ഉപയോഗിച്ചെന്ന മോദിയുടെ അഭിമുഖത്തിലെ വാദങ്ങളെയും ട്വിറ്ററില്‍ പ്രമുഖര്‍ പൊളിച്ചടുക്കിയിരുന്നു.

So the @narendramodi interview with @NewsNationTV was *badly* scripted just like his other interviews,but here’s proof!Pause the video at 3 seconds & take a good look, it has the question & *ahem* the answers too!Now you know why no press conference or debate with @RahulGandhi pic.twitter.com/6zgQsQTt2F

— Divya Spandana/Ramya (@divyaspandana) 12 May 2019

English summary

modis news nation interview is scripted one, social media mocks, video