മോഹന്‍ലാലിന് സൈന്യത്തിന്റെ പ്രശംസാപത്രം

ജമ്മു: സൂപ്പര്‍ സ്റ്റാര്‍ മോഹന്‍ലാല്‍ എവിടെപ്പോയെന്നായിരുന്നു സോഷ്യല്‍ മീിയകളില്‍ ഈയിടെ ചര്‍ച്ച. താരവും കുടുംബവും ജപ്പാനിലേയക്ക് പോയി എന്നായിരുന്നു വാര്‍ത്തകള്‍. എന്നാല്‍ തത്കാലം ലാല്‍ ഇപ്പോള്‍ എവിടേയും പോയിട്ടില്ല!

ടെറിട്ടോറിയല്‍ ആര്ഡമിയില്‍ ലെഫ്റ്റനന്റ് കേണല്‍ ആയ മോഹന്‍ലാല്‍ ജമ്മുവില്‍ ഉണ്ടെന്ന് അദ്ദേഹം തന്നെ തന്റെ ഫേസ്ബുക്ക് പേജില്‍ ഇട്ട ചിത്രങ്ങളിലൂടെ തെളിയിച്ചു. ഔദ്യോഗിക കൃത്യനിര്‍വ്വഹണത്തിന്റെ ഭാഗമായിട്ടാണ് അദ്ദേഹം ജമ്മുവില്‍ എത്തിയത്.

സോഷ്യല്‍ മീഡിയയില്‍ കുറ്റം പറഞ്ഞ് നടന്നവര്‍ ഒരു കാര്യം കൂടി അറിയുന്നത് നല്ലതാണ്. മികച്ച സേവനത്തിന് മോഹന്‍ലാലിന് സൈന്യം പ്രശംസാപത്രവും നല്‍കി. ലഫ്റ്റനന്റ് ജനറല്‍ ഹൂഡയാണ് ലാലിന് പ്രശംസാ പത്രം സമ്മാനിച്ചത്.

തന്റെ കമാന്റിങ് ഓഫീസറായ കേണല്‍ ഹര്‍മഞ്ജിത്ത് സിംഗിനൊപ്പം നില്‍ക്കുന്ന ചിത്രങ്ങള്‍ ലാല്‍ ഫേസ്ബുക്കില്‍ പോസ്റ്റ് ചെയ്തിരുന്നു. രഞ്ജിത്ത് സംവിധാനം ചെയ്യുന്ത ലോഹം എന്ന സിനിമയുടെ ചിത്രീകരണത്തിന് ശേഷമാണ് ലാല്‍ ജമ്മുവിലേയ്ക്ക് പോയത് എന്നാണ് റിപ്പോര്‍ട്ടുകള്‍.

English summary

Mohanlal visits soldiers in Jammu.