ഉത്തരേന്ത്യയില് ഇന്ന് മുതല് മഴ കനക്കും.. ഗുജറാത്തിലും ശക്തമായ മഴയ്ക്ക് സാധ്യത
ജൂണ് 26 മുതല് ഉത്തരേന്ത്യയിലെ വിവിധ ഇടങ്ങളില് ശക്തമായ കാറ്റിനും മഴയ്ക്കും സാധ്യത ഉണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കനത്ത ചൂട് തുടരുന്ന ദില്ലിയില് ജൂണ് 28 മുതല് മഴ ലഭിച്ചേക്കും. ജമ്മു-കശ്മീര്, ഹിമാചല് പ്രദേശ്, ഉത്തരാഖണ്ഡ്, മധ്യപ്രദേശ്, ഛത്തീസ്ഗഡ്, ജാര്ഖണ്ഡ്, അസം, മേഘാലയ, തെലങ്കാന, തമിഴ്നാട്, പുതുച്ചേരി എന്നിവിടങ്ങളില് ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ മഴയ്ക്ക് സാധ്യത ഉണ്ട്.
ഗുജറാത്ത്, കൊങ്കണ്, ഗോവ, ആസം, മേഘാലയ, മണിപ്പൂര്, നാഗാലെന്റ്, മണിപ്പൂര്, മിസോറാം, ത്രിപുര, പശ്ചിമബംഗാള്, സിക്കിം, ഒഡിഷ എന്നിവിടങ്ങളിലെ ഒറ്റപ്പെട്ട സ്ഥലങ്ങളില് മഴയ്ക്ക് സാധ്യത ഉണ്ട്. കര്ണാടകയുടെ ഉള്പ്രദേശങ്ങള്, ആന്ധ്രാപ്രദേശ്, സൗരാഷ്ട്ര -കച്ച് മേഖലകള്, ബിഹാര് എന്നിവിടങ്ങളിലും മഴ പെയ്തേക്കാന് സാധ്യത ഉണ്ട്.
കൊങ്കന്, ഗോവ മേഖലകള്, ഗുജറാത്തിലെ ഒറ്റപ്പെട്ട സ്ഥലങ്ങള്, മധ്യപ്രദേശ്, മഹാരാഷ്ട്ര എന്നിവിടങ്ങളില് തിങ്കളാഴ്ച കനത്ത മഴ ലഭിച്ചിരുന്നു. കഴിഞ്ഞ ദിവസം പെയ്ത കനത്ത മഴയില് മുംബൈ വെള്ളത്തിനടിയിലായി. ഇതുവരെ മൂന്ന് പേരാണ് മരിച്ചത്. ഇന്നലെ വൈകീട്ട് ആരംഭിച്ച മഴ ഇന്നും തുടരുകയാണ്.