കനത്ത മഴ; വെള്ളത്തിൽ മുങ്ങി മുംബൈ നഗരം! വിമാനങ്ങൾ റദ്ദാക്കി... കേരളത്തിലും മഴക്കെടുതി...
കടലുണ്ടിയിൽ റെയിൽവേ ട്രാക്കിൽ മരം വീണ് ട്രെയിൻ ഗതാഗതം താറുമാറായി. മംഗലാപുരം ഭാഗത്തേക്കുള്ള ട്രെയിനുകൾ മണിക്കൂറുകളോളം വൈകിയാണ് ഓടുന്നത്.
തിരുവനന്തപുരം/മുംബൈ: കാലാവസ്ഥ പ്രവചനങ്ങൾ ശരിവച്ച് കേരളം ഉൾപ്പെടെയുള്ള സംസ്ഥാനങ്ങളിൽ കനത്ത മഴ തുടരുന്നു. കാലവർഷം ആരംഭിച്ച ആദ്യദിവസം തന്നെ പെയ്ത മഴയിൽ മുംബൈ നഗരം വെള്ളത്തിൽ മുങ്ങി. നഗരത്തിലെ താഴ്ന്ന പ്രദേശങ്ങളും റോഡുകളും വെള്ളത്തിനടിയിലായി. കനത്ത മഴയെ തുടർന്ന് മുംബൈ നഗരത്തിലെ റോഡ്, റെയിൽ, വ്യോമ ഗതാഗതവും താറുമാറായി.
ദിവസങ്ങൾക്ക് മുൻപ് കാലവർഷം ആരംഭിച്ച കേരളത്തിൽ ശനിയാഴ്ചയും ശക്തമായ മഴ ലഭിച്ചു. പലയിടത്തും രാവിലെ മുതൽ മണിക്കൂറുകളോളം നിർത്താതെ മഴ പെയ്തു. കോഴിക്കോട് കടലുണ്ടിയിൽ റെയിൽവേ ട്രാക്കിൽ മരം വീണ് ട്രെയിൻ ഗതാഗതം താറുമാറായി. മംഗലാപുരം ഭാഗത്തേക്കുള്ള ട്രെയിനുകൾ മണിക്കൂറുകളോളം വൈകിയാണ് ഓടുന്നത്.
മഴക്കെടുതി...
കേരളത്തിന്റെ വിവിധ ഭാഗങ്ങളിൽ മഴക്കെടുതിയിൽ ജനങ്ങൾ വലഞ്ഞു. കണ്ണൂർ ബസ് സ്റ്റാൻഡിൽ ശക്തമായ കാറ്റിൽ പരസ്യബോർഡ് തകർന്ന് വീണു വാഹനങ്ങൾക്കും കടകൾക്കും കേടുപാട് സംഭവിച്ചു. ഇടുക്കിയിൽ കനത്ത മഴയിലും കാറ്റിലും വൻ കൃഷിനാശമുണ്ടായി. മേൽപ്പാറയിൽ വീടിന് മുകളിൽ മരംവീണ് നാല് പേർക്ക് പരിക്കേറ്റു. നെടുങ്കണ്ടം, പൈനാവ്, കുളമാവ് എന്നിവിടങ്ങളിൽ വൻ മരങ്ങൾ കടപുഴകി വീണു. കല്ലാർകുട്ടി ഡാമിൽ ജലനിരപ്പ് ഉയർന്നതിനാൽ സമീപവാസികൾ ജാഗ്രത പാലിക്കണമെന്ന് നിർദേശം നൽകിയിട്ടുണ്ട്. കനത്ത മഴയോടൊപ്പം ശക്തമായ കാറ്റിനും സാദ്ധ്യതയുള്ളതിനാൽ മത്സ്യത്തൊഴിലാളികൾക്കും മുന്നറിയിപ്പ് നൽകി.
മറ്റു സംസ്ഥാനങ്ങളിൽ...
കേരളത്തിന് പുറമേ കർണാടക, ഗോവ, മഹാരാഷ്ട്ര എന്നീ സംസ്ഥാനങ്ങളിലും കാലവർഷം ശക്തിപ്രാപിക്കുമെന്നായിരുന്നു കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ശനിയാഴ്ച ആരംഭിച്ച കാലവർഷത്തിൽ മുംബൈ നഗരത്തിൽ കനത്ത മഴ ലഭിച്ചു. രാവിലെ മുതൽ ശക്തമായ മഴ പെയ്ത മുംബൈയിലെ റോഡുകളെല്ലാം വെള്ളത്തിനടിയിലായി. വാഹനങ്ങൾ നടുറോഡിൽ കുടുങ്ങി. ഗതാഗതകുരുക്ക് മണിക്കൂറുകളോളം നീണ്ടുനിന്നു.
ട്രെയിനുകളും...
കനത്ത മഴയെ തുടർന്ന് റെയിൽ, വ്യോമ ഗതാഗതവും താറുമാറായി. മുംബൈ വിമാനത്താവളത്തിൽ നിന്നുള്ള രണ്ട് അന്താരാഷ്ട്ര വിമാനങ്ങൾ റദ്ദാക്കി. 12 വിമാന സർവ്വീസുകൾ മണിക്കൂറുകൾ വൈകിയേ മുംബൈയിൽ നിന്ന് പുറപ്പെടൂ. ഇരുപത് ആഭ്യന്തര വിമാനങ്ങളും മണിക്കൂറുകളോളം വൈകി. ലോക്കൽ, സബർബൻ ട്രെയിനുകളും വൈകിയാണ് ഓടുന്നത്. പലയിടത്തും റെയിൽവേ ട്രാക്കിൽ വെള്ളം കയറിയതാണ് ട്രെയിൻ ഗതാഗതം താറുമാറാക്കിയത്.
നാളെ വരെ...
നാളെ വൈകീട്ട് വരെ മുംബൈയിൽ കനത്ത മഴ പെയ്യുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. 2005ൽ ലഭിച്ചതിനെക്കാൾ കൂടുതൽ മഴ ഇത്തവണ കാലവർഷത്തിൽ ലഭിക്കുമെന്നും മുന്നറിയിപ്പിൽ പറയുന്നു. കനത്ത മഴയും കാറ്റും കണക്കിലെടുത്ത് ബ്രിഹാൻമുംബൈ മുനിസിപ്പൽ കോർപ്പറേഷൻ ജാഗ്രതാ നിർദേശം നൽകിയിട്ടുണ്ട്. നഗരവാസികൾക്കായി പ്രത്യേക ഹെൽപ് ലൈനുകളും ആരംഭിച്ചു. അത്യാവശ്യ കാര്യങ്ങൾക്കല്ലാതെ വാഹനവുമായി പുറത്തിറങ്ങരുതെന്ന് മുംബൈ പോലീസ് നിർദേശം നൽകിയിട്ടുണ്ട്. മുന്നറിയിപ്പ് കണക്കിലെടുത്ത് നാവികസേനാംഗങ്ങളും മുംബൈയിൽ ക്യാമ്പ് ചെയ്യുന്നുണ്ട്. നാളെ വൈകീട്ടോടെ മഴയുടെ ശക്തി കുറയുമെന്നാണ് പ്രവചനം.
-
പരീക്ഷകളില് വിജയിക്കും, വ്യാപാരം ലാഭകരമാകും, സന്തോഷവാര്ത്ത കേള്ക്കും, ദാമ്പത്യ സന്തോഷം, നാൾഫലം -
സ്വർണം വിറ്റോളൂ, പവന് ഒരു ലക്ഷമെങ്കിലും കിട്ടണമെങ്കിൽ ചെയ്യേണ്ടത്..മേരി ജോർജ് പറയുന്നു -
സ്വർണ വില പവന് 1.50 ലക്ഷത്തിന് വാങ്ങാൻ തയ്യാറാണോ? ഇല്ലെങ്കിൽ ഇപ്പോൾ വിട്ടോ ജ്വല്ലറിയിലേക്ക്..വ്യാപാരി പറയുന്നു -
കേരളത്തില് വീണ സ്വര്ണം ദുബായില് കുതിച്ചു, ഒറ്റയടിക്ക് 10 ദിര്ഹം കൂടി, 22 കാരറ്റും 600 ദിര്ഹത്തിലേക്ക് -
'ഉർവശി എന്തിനാണ് ഇങ്ങനെ പച്ചനുണ പറയുന്നത്..നിൽപ്പിലും നടപ്പിലുമുണ്ട് 10 പൈസയുടെ കുറവ്';ശാന്തിവിള ദിനേശ് -
രമേശ് പിഷാരടി-ശോഭ സുരേന്ദ്രന് പോരില് ആര് ജയിക്കും; പാലക്കാട് ഇത്തവണ തീപാറും, പുതിയ വിവരങ്ങള് -
സ്വർണ വില ഉച്ചക്ക് കുറഞ്ഞില്ല, പകരം കുതിച്ച് കയറി..ഇനിയൊരു തിരിച്ചുവരവില്ലേ? നെഞ്ച് പൊള്ളി ആഭരണപ്രേമികൾ -
ലോക മഹാ യുദ്ധത്തിലേക്ക്? ഇറാനെതിരെ ഒന്നിച്ച് ഗൾഫ്-യൂറോപ്യൻ രാജ്യങ്ങൾ! -
സൗദി അരാംകോ റിഫൈനറി അടച്ചു; യുഎസ് യുദ്ധ വിമാനങ്ങള് വീണു എന്ന് കുവൈത്ത്, എംബസിയില് പുക -
വാഹന ഉടമകൾ ശ്രദ്ധിക്കുക; ഏപ്രിൽ ഒന്ന് മുതൽ പെട്രോൾ പമ്പുകളിൽ വൻ മാറ്റം -
'ദിലീപിനെ അറസ്റ്റ് ചെയ്യാൻ ശക്തമായി നിന്നത് പിണറായി, പൊരുതിയത് ഞാനും നികേഷും, നടിയെ വരെ തെറ്റിദ്ധരിപ്പിച്ചു' -
യുദ്ധം അവസാനിച്ചാലും സ്വര്ണവില ഇടിഞ്ഞുതാഴില്ല! ഒന്നുകില് കുത്തനെ കൂടും, അല്ലെങ്കില് ചാഞ്ചാടും!
Click it and Unblock the Notifications
Sign in with Google