2 കോടി വരെയുള്ള വായ്പകള്ക്ക് പലിശ എഴുതി തള്ളുമെന്ന് കേന്ദ്രം സുപ്രീംകോടതിയില്
ദില്ലി: രണ്ടു കോടി വരെയുള്ള വായ്പകളുടെ പലിശ എഴുതി തള്ളാന് കേന്ദ്രസര്ക്കാര് തീരുമാനിച്ചു. ഇക്കാര്യം കേന്ദ്രം സുപ്രീംകോടതിയെ അറിയിച്ചു. രണ്ടു കോടി രൂപ വരെയുള്ള വായ്പകളുടെ ആറ് മാസം മൊറട്ടോറിയം കാലയളവിലെ പലിശയാണ് എഴുതി തള്ളുക. ബാങ്കുകളുടെ പ്രവര്ത്തനത്തെ ബാധിക്കും എന്ന് ചൂണ്ടിക്കാട്ടി നേരത്തെ പലിശ എഴുതി തള്ളാന് കേന്ദ്രം തയ്യാറായിരുന്നില്ല. എന്നാല് ഇപ്പോള് നിലപാട് മാറ്റിയിരിക്കുകയാണ്. ഒട്ടേറെ പേര്ക്ക് നേട്ടമാകുന്നതാണ് പുതിയ തീരുമാനം.ചെറുകിട ഇടത്തം സംരംഭകര് വിദ്യാഭ്യാസം, പാര്പ്പിടം, ഓട്ടോ, ക്രെഡിറ്റ് കാര്ഡ് കുടിശിക എന്നിവക്ക് എടുക്കുന്ന വായ്പകള്ക്ക് പലിശ ഇളവ് ലഭിക്കും.
Recommended Video
കൊവിഡ്-19 പ്രതിസന്ധി നിലനില്ക്കുന്ന സാഹചര്യത്തില് പലിശയുടെ ബാധ്യത കേന്ദ്രസര്ക്കാര് ഏറ്റെടുക്കുകയെന്നതാണ് ഒരേ ഒരു പരിഹാരമെന്ന് കേന്ദ്രം സുപ്രീം കോടതിയില് സമര്പ്പിച്ച സത്യവാങ്മൂലത്തില് പറഞ്ഞു. എന്നാല് ഇത്തരത്തിലൊരു നീക്കം ബാങ്കിന്റെ പ്രവര്ത്തനത്തെ ബാധിക്കുമെന്നായിരുന്നു കേന്ദ്രസര്ക്കാരിന്റെ നിലപാട്. എന്നാല് വായപയെടുക്കുന്നവര്ക്ക് ഇളവ് അനുവദിക്കാന് സുപ്രീംകോടതി കേന്ദ്രത്തോട് ആവശ്യപ്പെടുകയായിരുന്നു. തുടര്ന്ന് സര്ക്കാര് ഒരു പാനല് രൂപികരീക്കുകയായിരുന്നു.
രണ്ടും കല്പ്പിച്ച് രാഹുലും പ്രിയങ്കയും; വീണ്ടും ഹത്രാസിലേക്ക്, കൂടെ എംപിമാരും, പോലീസ് തടയുമോ?
ഡൊണാള്ഡ് ട്രംപിനെ സൈനിക ആശുപത്രിയിലേക്ക് മാറ്റി; റിപബ്ലിക്കന് പാര്ട്ടി പ്രചാരണം പ്രതിസന്ധിയില്
നിയമസഭാ തിരഞ്ഞെടുപ്പിൽ 55 സീറ്റിൽ ബിജെപി വെല്ലുവിളി, സിപിഎം റിപ്പോർട്ടിലെ കണ്ടെത്തലെന്ന് ജന്മഭൂമി