കോണ്ഗ്രസ്-ജെഡിഎസ് സഖ്യത്തില് മുറുമുറുപ്പ് ശക്തം, സഖ്യത്തിനെതിരെ കൂടുതല് നേതാക്കള്
ബെംഗളൂരു: കര്ണാടകത്തില് കോണ്ഗ്രസ്-ദള് സഖ്യത്തിനെതിരെ കൂടുതല് കോണ്ഗ്രസ് നേതാക്കള് രംഗത്ത്. ലോക്സഭ തിരഞ്ഞെടുപ്പിലെ കോണ്ഗ്രസിന്റെ തകര്ച്ചയ്ക്ക് വഴിവെച്ചത് ജെഡിഎസുമായുള്ള സഖ്യമാണെന്ന് മുതിര്ന്ന കോണ്ഗ്രസ് നേതാവ് കെഎച്ച് മുനിയപ്പ പറഞ്ഞു. വീരപ്പ മൊയ്ലിയുടെ വിമര്ശനത്തിന് പിന്നാലെയാണ് മറ്റൊരു കോണ്ഗ്രസ് നേതാവ് കൂടി സഖ്യത്തിനെതിരെ തുറന്നടിച്ച് രംഗത്തെത്തിയത്.
കര്ണാടകത്തില് കോളാര് മണ്ഡലത്തില് നിന്നുള്ള എംപിയാണ് മുനിയപ്പ. ദേവഗൗഡയെ പോലൊരു വന്മരമാണ് തിരഞ്ഞെടുപ്പില് വീണത്. വിമര്ശനമല്ല , പക്ഷേ ഭാവിയിലേക്ക് ഒരു തിരുത്തലാണ് വേണ്ടത് മുനിയപ്പ പറഞ്ഞു. ജെഡിഎസുമായി സഖ്യത്തില് അല്ല മത്സരിച്ചിരുന്നതെങ്കില് കര്ണാടകത്തില് കോണ്ഗ്രസ് 16 സീറ്റുകള് വരെ നേടുമായിരുന്നുവെന്നായിരുന്നു കഴിഞ്ഞ ദിവസം വീരപ്പ മൊയ്ലി പറഞ്ഞത്.
സഖ്യത്തിനുള്ളില് അതൃപ്തി ശക്തിമായിരിക്കുകയാണ് തെളിയിക്കുന്നതാണ് നേതാക്കളുടെ പ്രതികരണം. നേരത്തേ ജെഡിഎസ് തലവന് എച്ച്ഡി ദേവഗൗഡ തന്നെ സഖ്യത്തിനെതിരെ രംഗത്തെത്തിയിരുന്നു. ഇതാണ് സാഹചര്യമെങ്കില് സര്ക്കാര് കാലാവധി പൂര്ത്തിയാക്കില്ലെന്നായിരുന്നു ദേവഗൗഡയുടെ പ്രതികരണം. ഇടക്കാല തിരഞ്ഞെടുപ്പിന് സാഹചര്യം ഒരുങ്ങുകയാണെന്ന സൂചനയും ദേവഗൗഡ നല്കിയിരുന്നു.
എന്നാല് ദേവഗൗഡയുടെ പ്രതികരണത്തെ തള്ളി കോണ്ഗ്രസും രംഗത്തെത്തിയിരുന്നു. സര്ക്കാരിന് യാതൊരു ഭീഷണിയില്ലെന്നും കാലാവധി തികയ്ക്കുമെന്നും സംസ്ഥാന കോണ്ഗ്രസ് അധ്യക്ഷന് ദിനേഷ് ഗുണ്ടുറാവു പറഞ്ഞിരുന്നു.
Click it and Unblock the Notifications
Sign in with Google