Click it and Unblock the Notifications
Just In
Don't Miss
-
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇന്ത്യയിലെ കൊറോണ രോഗികളില്‍ പകുതിയും ഈ മൂന്നിടങ്ങളില്‍; വ്യാപിക്കുന്നത് കണ്ണായ നഗരങ്ങളില്‍
ദില്ലി: സമൂഹ വ്യാപനം നടന്നിട്ടില്ലെന്ന് കേന്ദ്രസര്‍ക്കാരും സംസ്ഥാനങ്ങളും ആവര്‍ത്തിക്കുമ്പോഴും രാജ്യത്ത് കൊറോണ രോഗികളുടെ എണ്ണം ദിനംപ്രതി കൂടിവരികയാണ്. ഏറ്റവും കൂടുതല്‍ രോഗം റിപ്പോര്‍ട്ട് ചെയ്യുന്നത് മൂന്ന് സംസ്ഥാനങ്ങളിലാണ്. ഗുജറാത്ത്, മഹാരാഷ്ട്ര, ദില്ലി സംസ്ഥാനങ്ങളിലാണ് രാജ്യത്തെ പകുതിയിലധികം രോഗികളുള്ളത്. 52 ശതമാനം കൊറോണ രോഗികളും ഈ മൂന്ന് സംസ്ഥാനങ്ങളിലാണ്. മഹാരാഷ്ട്രയില്‍ മുംബൈ, പൂനെ തുടങ്ങിയ പ്രധാന നഗരങ്ങളിലാണ് രോഗം വ്യാപിക്കുന്നത്. ഗുജറാത്തില്‍ അഹമ്മദാബാദ് ഉള്‍പ്പെടെയുള്ള സ്ഥലങ്ങളിലാണ്. ദില്ലിയിലും പ്രധാന മേഖലകളിലെല്ലാം കടുത്ത നിയന്ത്രണങ്ങള്‍ക്കിടെയും രോഗം വ്യാപിക്കുകയാണ്.
രാജ്യത്തെ 33 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും രോഗം റിപ്പോര്‍ട്ട് ചെയ്തിട്ടുണ്ട്. മൊത്തം രോഗികളുടെ എണ്ണം 30000 കവിഞ്ഞു. മരണം ആയിരം കവിഞ്ഞു. രോഗം പൂര്‍ണമായി പിന്‍മാറിയെന്ന് പറയാന്‍ സാധിക്കുന്ന പ്രദേശങ്ങള്‍ കുറവാണ്. നേരത്തെ രോഗ ഭീതി നീങ്ങിയെന്ന് കരുതിയിരുന്ന പ്രദേശങ്ങളില്‍ രോഗം വീണ്ടും കാണുന്നത് ആരോഗ്യ വകുപ്പ് ഉദ്യോഗസ്ഥരെ ആശങ്കയിലാക്കുന്നുണ്ട്. രാജ്യത്ത് 7600ലധികം പേര്‍ക്ക് രോഗം ഭേദമായി എന്നത് ആശ്വാസം നല്‍കുന്നതാണ്.
മഹാരാഷ്ട്ര, ദില്ലി, ഗുജറാത്ത് എന്നീ സംസ്ഥാനങ്ങള്‍ക്ക് പുറമെ കഴിഞ്ഞ രണ്ടാഴ്ചയായി കൂടുതല്‍ രോഗം റിപ്പോര്‍ട്ട് ചെയ്യുന്ന സംസ്ഥാനങ്ങളാണ് മധ്യപ്രദേശും തമിഴ്‌നാടും. കൊറോണയെ നേരിടാന്‍ മാര്‍ച്ച് 25 മുതല്‍ രാജ്യം ലോക്ക് ഡൗണിലാണ്. ആദ്യ ഘട്ട ലോക്ക് ഡൗണ്‍ ഏപ്രില്‍ 14 വരെയും രണ്ടാംഘട്ടം മെയ് മൂന്ന് വരെയും പ്രഖ്യാപിച്ചിട്ടും രോഗം പൂര്‍ണമായി അകന്നിട്ടില്ല. ഈ സാഹചര്യത്തില്‍ ലോക്ക് ഡൗണ്‍ നീട്ടണമെന്ന് അഭിപ്രായം ഉയര്‍ന്നിട്ടുണ്ട്. രണ്ടാഴ്ച കൂടി ലോക്ക് ഡൗണ്‍ നീട്ടണമെന്നാണ് ആരോഗ്യ വിദഗ്ധരുടെ അഭിപ്രായം.
Recommended Video
എന്നാല്‍ ഇനിയും ലോക്ക് ഡൗണ്‍ തുടര്‍ന്നാണ് വിപണിയില്‍ തിരിച്ചടിയുണ്ടാകുമെന്ന് സാമ്പത്തിക വിദഗ്ധര്‍ മുന്നറിയിപ്പ് നല്‍കുന്നു. ഈ സാഹചര്യത്തില്‍ സാമ്പത്തിക മേഖലയില്‍ നിയന്ത്രണങ്ങളോടെ ഇളവ് നല്‍കുന്ന കാര്യം സര്‍ക്കാരിന്റെ പരിഗണനയിലാണ്. ഏപ്രില്‍ 20 ന് ശേഷമുള്ള ഇളവുകളുടെ കാര്യത്തില്‍ സംസ്ഥാനങ്ങള്‍ക്ക് തീരുമാനമെടുക്കാന്‍ കേന്ദ്രം അധികാരം നല്‍കിയിട്ടുണ്ടെങ്കിലും പൂര്‍ണമായി നിയന്ത്രണം പിന്‍വലിക്കരുതെന്നാണ് നിര്‍ദേശം.
