ഭര്‍ത്താവില്‍ ഈ ഭാര്യയ്ക്കുള്ള വിശ്വാസം അത്ഭുതപ്പെടുത്തുന്നു, നെഞ്ചിടിപ്പേറ്റുന്ന വീഡിയോ കാണൂ

ഹൈദരാബാദ്: ദാമ്പത്യബന്ധത്തില്‍ പരസ്പര വിശ്വാസത്തിന് എത്രത്തോളം സ്ഥാനമുണ്ടെന്ന് അറിയണമെങ്കില്‍ ആന്ധ്രപ്രദേശിലെ പ്രകാശം ജില്ലക്കാരായ ഭ്രംഹാരംബയേയും ബാലശങ്കറിനേയും അറിയണം. ഇരുവരും തമ്മിലുള്ള പരസ്പര വിശ്വാസത്തിന് ഇവരില്‍ ഒരാളുടെ ജീവന്റെ വില തന്നെയുണ്ട്. ദന്പതിമാര്‍ ജീവന്‍ പണയം വച്ച് നടത്തുന്ന സാഹസിക പ്രവര്‍ത്തനത്തിലാണ് വിശ്വാസം എല്ലാമായി മാറുന്നത്.

ഇനി എന്താണ് സാഹസികതയെന്നല്ലേ. ബാല ശങ്കര്‍ ബുഡാടി തന്റെ ഭാര്യയുടെ കഴുത്തില്‍ നാളികേരം വച്ച് അവ മൂര്‍ച്ചയേറിയ വാള്‍ കൊണ്ട് വെട്ടി മുറിയ്ക്കും. നോട്ടമൊന്ന് പിഴച്ചാല്‍, നെഞ്ചൊന്ന് കാളിയാല്‍ നാളികേരത്തിന് പകരം ചിന്നിച്ചിതറുന്നത് ഭ്രംബാരംബയുടെ കഴുത്താകും.ഭര്‍ത്താവ് വാളോങ്ങുമ്പോള്‍ അതൊരിയ്ക്കലും തന്റെ കഴുത്ത് തകര്‍ക്കില്ലെന്ന ഭാര്യയുടെ വിശ്വാസമാണ് ഈ ദമ്പതിമാരെ മുന്നോട്ട് നയിക്കുന്നത്.

ദന്പതിമാരുടെ സാഹസിക പ്രകടനം ഇതിനോടകം തന്നെ പാശ്ചാത്യ മാധ്യമങ്ങളില്‍ വാര്‍ത്തയായി. വേള്‍ഡ് മോസ്റ്റ് ടാലന്റഡ് എന്ന റിയാലിറ്റി ഷോയുടെ അവതാരകനായ ജൊനാഥന്‍ റോസ് ആണ് ദമ്പതിമാരെ കണ്ടെത്തിയത്. ഇവരെ പരിപാടിയിലേയ്‌ക്കെടുക്കുകയും ചെയ്തു. മാര്‍ച്ച് 31 ന് ദമ്പതിമാര്‍ തങ്ങളുടെ അത്ഭുത പ്രകടനവുമായി ലോകത്തിന് മുന്നിലെത്തും വേള്‍ഡ് മോസ്റ്റ് ടാലന്റഡിലൂടെ.

English summary

Indian woman allows husband to smash coconut balanced on her throat... with a machete