നവ‍ജാത ശിശുവിനെ അമ്മ കഴുത്തറുത്ത് കൊലപ്പെടുത്തി: നഖം രാകിമിനുക്കി കൃത്യം നിര്‍വഹിച്ചു, കുറ്റസമ്മതം!

Published: Monday, April 23, 2018, 13:09 [IST]

മുംബൈ: രാജ്യത്ത് കുട്ടികള്‍ക്കെതിരെയുള്ള ക്രൂരത വര്‍ധിച്ചുവരുന്ന സാഹചര്യത്തില്‍ നവജാത ശിശുവിനെ കൊലപ്പെടുത്തിയ യുവതി അറസ്റ്റില്‍. കയ്യിലെ നഖം കൂര്‍പ്പിച്ച ശേഷം നവജാത ശിശുവിനെ കഴുത്തറുത്ത് കൊലപ്പെടുത്തുകയായിരുന്നു. ഒരാഴ്ച മുമ്പാണ് സംഭവം. സംഭവത്തില്‍ വൈശാലി പ്രധാന്‍ എന്ന 27കാരിയാണ് അറസ്റ്റിലായത്. താനെയിലെ ഉമ്പാര്‍ഡെയിലാണ് സംഭവം. കയ്യിലെ നഖം കൂര്‍പ്പിച്ച ശേഷം പെണ്‍കുഞ്ഞിനെ കഴുത്തറുത്ത് കൊലപ്പെടുത്തുകയായിരുന്നുവെന്നാണ് പോലീസ് വ്യക്തമാക്കിയത്.

അഞ്ചും മൂന്നും വയസ് പ്രായമുള്ള രണ്ട് മക്കളുടെ അമ്മയാണ് അറസ്റ്റിലായ 27കാരി. സാമ്പത്തിക പ്രശ്നങ്ങള്‍ മൂലം മൂന്നാമതൊരു കുഞ്ഞ് വേണ്ടെന്ന തോന്നലിനെ തുടര്‍ന്നാണ് കുഞ്ഞിനെ കൊലപ്പെടുത്തിയതെന്നാണ് പോലീസ് കണ്ടെത്തിയിട്ടുള്ളത്. ഖഡക്പാഡ പോലീസാണ് കൊലപാതക കുറ്റം ചുമത്തിയ ശേഷം യുവതിയെ അറസ്റ്റ് ചെയ്തത്. യുവതിയുടെ ഭര്‍ത്താവ് മദ്യപാനിയാണെന്നും പോലീസ് പറയുന്നു. ചോദ്യം ചെയ്യലില്‍ അവര്‍ കുറ്റം സമ്മതിക്കുകയും ചെയ്തിട്ടുണ്ട്.

കഞ്ഞിന്റെ കഴുത്തില്‍ നിന്ന് രക്തസ്രാവമുണ്ടായ ശേഷവും ആശുപത്രിയിലെത്തിക്കാത്തതിനെ തുടര്‍ന്ന് സമീപവാസിയാണ് വിവരം പോലീസില്‍ അറിയിച്ചത്. എന്നാല്‍ കുഞ്ഞിനെ കൊലപ്പെടുത്തിയ ശേഷം കുഞ്ഞുമായി യുവതി താനെയിലെ സിവില്‍ ആശുപത്രിയില്‍ എത്തുകയായിരുന്നു. ഡോക്ടര്‍മാരും പോലീസില്‍ വിവരമറിയിക്കുകയായിരുന്നു.

Published On April 23, 2018