മോദി തന്നെ അനുകരിക്കുന്നു: മുലായം സിംഗ് യാദവ്
ലക്നൗ: നരേന്ദ്ര മോദിക്കെതിരെ സമാജ്വാദി പാര്ട്ടി അദ്ധ്യക്ഷന് മുലായം സിംഗ് യാദവ് രംഗത്ത്. നരേന്ദ്ര മോദി തന്നെ കോപ്പി അടിച്ചു എന്ന പരാതിയുമായാണ് അദ്ദേഹം രംഗത്തു വന്നിരിക്കുന്നത്. ഗ്രാമങ്ങള് ദത്തെടുക്കുകയും ശൗചാലയങ്ങള് നിര്മ്മിക്കുകയും ചെയ്യുന്ന മോദി തന്നെ കോപ്പിയടിക്കുകയാണ് ഇതിലൂടെ ചെയ്യുന്നത്. 1990ല് താന്തുടങ്ങി വച്ച പദ്ധതിയാണ് ഇതെന്ന് ലക്നൗവില് മുലായം ആരോപിച്ചു.
മോദി ഈ പദ്ധതി അനുകരിക്കുന്നതിനു മുന്പ് ഇന്ത്യയില് ഉള്ള പട്ടിണി മാറ്റുകയാണ് ആദ്യം ചെയ്യേണ്ടത് എന്നും അദ്ദേഹം പറഞ്ഞു. 1990ല് വീടുകളില് ശുചിമുറികള് നിര്മിക്കുന്നത് താന് നടപ്പാക്കിയതാണ്. ഈ പദ്ധതി തന്റേതാണെന്നാണ് മോദി അവകാശപ്പെടുന്നത്. ഇന്ത്യയിലെ ദാരിദ്ര്യം ഇല്ലാതായാല് മാലിന്യം തനിയെ ഇല്ലാതാകുമെന്നും മുലായം പറഞ്ഞു.
മന്ത്രിമാരും എംഎല്എമാരും കുറഞ്ഞത് രണ്ട് ഗ്രാമങ്ങളെങ്കിലും ദത്തെടുക്കണമെന്നും അവിടെ വികസന പ്രവര്ത്തനങ്ങള് നടത്തിയാലേ നിങ്ങളുടെ ചുമതല കാണാന് സാധിക്കുകയുള്ളൂ എന്നും മുലായം പറഞ്ഞു. നിങ്ങളുടെ പ്രദേശത്ത് നിങ്ങള് ജോലി ചെയ്യുകയും ഉത്തരവാദിത്വങ്ങള് നിറവേറ്റുകയും ചെയ്താല് അതിന്റെ ഫലം ലഭിക്കുമെന്നും മുലായം കൂട്ടിച്ചേര്ത്തു.
നരേന്ദ്ര മോദിയുടെ വിദേശ സന്ദര്ശനങ്ങള് നല്ലതാണ്. അയല് രാജ്യങ്ങളും ആയി എപ്പോഴും നല്ല ബന്ധം കാത്തു സൂക്ഷിക്കണം എന്നും അദ്ദേഹം പറഞ്ഞു. മോദി എത്ര രാജ്യങ്ങളും ആയി ബന്ധം സ്ഥാപിച്ചു എന്നും അദ്ദേഹം ആരഞ്ഞു.