തന്റെ നഗ്നചിത്രം പ്രചരിപ്പിച്ചെന്നു 45കാരി, ചെയ്തത് മുന് 'ഗേള്ഫ്രണ്ട് ', പിന്നീട് നടന്നത്...
കുറ്റം ആരോപിക്കപ്പെടുന്ന സ്ത്രീയെ പോലീസ് അറസ്റ്റ് ചെയ്തു
മുംബൈ: തന്റെ നഗ്നചിത്രം ഓണ്ലൈനിലൂടെ പ്രചരിപ്പിച്ചെന്ന് ചൂണ്ടിക്കാട്ടി ലെസ്ബിയന് പങ്കാളിക്കെതിരേ 45കാരി പോലീസില് പരാതി നല്കി. മുംബൈയിലാണ് ഈ ഞെട്ടിക്കുന്ന സംഭവം നടന്നത്.
കഴിഞ്ഞ 10 വര്ഷമായി ഒരുമിച്ചാണ് രണ്ടു പേരും താമസിച്ചിരുന്നത്. നഗരത്തിലെ ഒരു പ്രധാനപ്പെട്ട സ്വകാര്യ ആശുപത്രിയിലെ ജീവനക്കാര് കൂടിയാണ് ഇരുവരും.
ഇത്തരത്തില് ഒരു കേസ് രജിസ്റ്റര് ചെയ്യപ്പെടുന്നത് ആദ്യമായാണെന്നു മുംബൈ പോലീസ് ചൂണ്ടിക്കാട്ടി. മുംബൈയിലെ നവ്ഗര് സ്റ്റേഷനിലാണ് കേസ് രജിസ്റ്റര് ചെയ്തിരിക്കുന്നത്. ഐപിസി സെക്ഷന് 354, 506, 509 വകുപ്പുകളാണ് ആരോപിക്കപ്പെടുന്ന സ്ത്രീക്കെതിരേ ചുമത്തിയിരിക്കുന്നത്.
രണ്ടു സ്ത്രീകളില് ഒരാള് വിവാഹിതയായിരുന്നുവെന്ന് പോലീസ് പറഞ്ഞു. പിന്നീട് ഇവര് വിവാഹമോചിതയായി. ഇതോടെയാണ് ദീര്ഘകാലം ഒരുമിച്ച് ജോലി ചെയ്ത രണ്ടു സ്ത്രീകളും തമ്മിലുള്ള ബന്ധം ദൃഢമായത്. തുടര്ന്ന് ഇരുവരും ഒരുമിച്ച് താമസിക്കാന് തീരുമാനിക്കുകയായിരുന്നു.
ഏകദേശം ആറു മാസങ്ങള്ക്കു മുമ്പാണ് ഇരുവരുടെയും ബന്ധത്തില് വിള്ളല് വീണുതുടങ്ങിയത്. ഇതിനുശേഷം 45കാരിയുടെ ചിത്രങ്ങള് ഫേസ്ബുക്ക് ഉള്പ്പെടെയുള്ള സമൂഹമാധ്യമങ്ങളിലൂടെ പ്രചരിപ്പിക്കുകയായിരുന്നുവെന്ന് പോലീസ് പറഞ്ഞു.
2016 നവംബറില് താന് അവളുമായി ഏറ്റുമുട്ടിയെന്ന് 45കാരി പോലീസിനോട് വെളിപ്പെടുത്തി. അവള് സ്വന്തം വാട്സാപ്പ് പ്രൊഫൈലില് തന്റെ നഗ്നചിത്രം വച്ചതായിരുന്നു കാരണം. തുടര്ന്ന് ചിത്രങ്ങള് സോഷ്യല് മീഡിയകളിലൂടെ പ്രചരിപ്പിക്കുമെന്ന് ഭീഷണി മുഴക്കി അവള് വീട് വിട്ടുപോവുകയായിരുന്നുവെന്നും സ്ത്രീ പരാതിയില് വിശദമാക്കി.
തന്റെ നഗ്നചിത്രം പ്രചരിപ്പിക്കരുതെന്ന് അവരോട് അപേക്ഷിച്ചതായും എന്നാല് ഇതിനു കൂട്ടാക്കാതിരുന്നതിനെ തുടര്ന്നാണ് പോലീസിനെ സമീപിക്കേണ്ടിവന്നതെന്നും 45കാരി പറഞ്ഞു.