സ്കാനിങ് മെഷീനുള്ളില് കുടുങ്ങി യുവാവ് മരിച്ചു, അപകടം ഓക്സിജന് സിലിണ്ടറുമായി മെഷീനടുത്ത് പോയതോടെ
മുംബൈ: ബിവൈഎല്നായര് ചാരിറ്റബിള് ആസ്പത്രിയിലാണ് സംഭവം. രാജേഷ് മരു എന്ന എന്ന യുവാവാണ് മരിച്ചത്. രോഗിയായ ബന്ധുവിനൊപ്പം സ്കാനിങ് മുറിയിലേക്ക് പോയപ്പോഴാണ് അപകടം നടന്നത്.
ബന്ധുവിനൊപ്പം ആസ്പത്രി ജീവനക്കാരന്റെ നിര്ദ്ദേശം അനുസരിച്ച് ഓക്സിജന് സിലിണ്ടറുമായി മരു സ്കാനിങ് മുറിയിലേക്ക് പോകുകയായിരുന്നു. ഓക്സിജന് സിലിണ്ടറിനെ സ്കാനിങ് മെഷീന് ഉള്ളിലുള്ള കാന്തിക വലയം വലിച്ചെടുക്കുകയായിരുന്നു. സിലിണ്ടറിനൊപ്പം മെഷിനീല് യുവാവ് കുടുങ്ങി പോയി. സിലിണ്ടര് ഉടന് തന്നെ പൊട്ടിത്തെറിച്ചു.
മുറിയിലുണ്ടായിരുന്ന മറ്റുള്ളവര് രാജേഷിനെ മെഷീനില് നിന്ന് വലിച്ചെടുക്കാന് നോക്കിയപ്പോഴേക്കും ഇയാളുടെ രക്തം മുഴുവന് വാര്ന്ന് പോയിരുന്നു. ഉടന് തന്നെ അത്യാസന്ന വിഭാഗത്തില് പ്രവേശിപ്പിച്ചെങ്കിലും മരിക്കുകയായിരുന്നു. ആസ്പത്രിയിലെ സുരക്ഷാ പിഴവാണ് മരണകാരണമെന്ന് ബന്ധുക്കള് ആരോപിച്ചു.