യുവനടിയുടെ സ്വകാര്യ ചിത്രങ്ങള് കൈക്കലാക്കി; ഗോവയില് എത്തിച്ച് പീഡനം... വ്യവസായി അറസ്റ്റില്
ഹൈദരാബാദ്: യുവ നടിയെ ക്രൂരമായി പീഡിപ്പിച്ച വ്യവസായിയെ പോലീസ് പൊക്കി. വിവാഹ വാഗ്ദാനം നല്കി ബന്ധം സ്ഥാപിക്കുകയും ശേഷം പീഡിപ്പിക്കുകയുമായിരുന്നു. ഗോവയിലെത്തിച്ചും പീഡിപ്പിച്ചുവെന്ന് നടി പോലീസില് നല്കിയ പരാതിയില് പറയുന്നു. 24കാരിയായ തെലുങ്ക് നടിക്കാണ് ദുരനുഭവം. വിവാഹത്തെ കുറിച്ച് നടി ആവര്ത്തിച്ചപ്പോഴാണ് പ്രതി കാലുമാറിയത്.
ശേഷം സ്വകാര്യ ചിത്രം കാണിച്ച് പലപ്പോഴായി ബലാല്സംഗം ചെയ്തു. നടിയുടെ മാതാപിതാക്കള്ക്ക് അശ്ലീലം കലര്ന്ന സന്ദേശങ്ങള് അയക്കുക കൂടി ചെയ്തതോടെയാണ് നടി പോലീസിനെ സമീപിച്ചത്. വ്യവസായിയായ ആദിത്യ അജയ് കപൂറിനെയാണ് പോലീസ് അറസ്റ്റ് ചെയ്തിരിക്കുന്നത്. ദേശീയ തലത്തില് വലിയ ചര്ച്ചയായ ഈ സംഭവത്തിന്റെ വിശദാംശങ്ങള് ഇങ്ങനെ...
കരാറുകാരനും ഫിറ്റ്നസ് ട്രെയിനറും
വ്യവസായിയാണ് ആദിത്യ അജയ് കപൂര്. അറിയപ്പെട്ട കരാറുകാരനും ഫിറ്റ്നസ് ട്രെയിനര് കൂടിയാണ്. ഇയാളെ മുംബൈ പോലീസ് അറസ്റ്റ് ചെയ്തിരിക്കുകയാണിപ്പോള്. നടി നല്കിയ പരാതിയില് പ്രാഥമിക അന്വേഷണം നടത്തിയിരുന്നു പോലീസ്. പരാതിയില് കഴമ്പുണ്ടെന്ന് ബോധ്യമായതിനെ തുടര്ന്നാണ് അറസ്റ്റ് രേഖപ്പെടുത്തിയത്. കൂടുതല് അന്വേഷണം നടത്തിവരികയാണെന്നും പോലീസ് അറിയിച്ചു.
പരിചയപ്പെട്ട ശേഷം
നിരവധി തെലുങ്ക് ചിത്രങ്ങളില് അഭിനയിച്ച നടി നേരത്തെ സീരിയലുകളിലും വേഷമിട്ടിരുന്നു. ബാന്ദ്രയിലെ വീട്ടിലാണ് ഇവര് താമസിച്ചിരുന്നത്. പരിചയപ്പെട്ട ശേഷം ഫോണ് നമ്പര് കൈമാറുകയും സൗഹൃദത്തിലാകുകയും ചെയ്തു. ഇരുവരും ശാരീരിക ബന്ധത്തിലേര്പ്പെട്ടുവെന്നും പോലീസിന് വിവരം ലഭിച്ചു. വിവാഹം ചെയ്യുമെന്ന ഉറപ്പിന്മേലാണ് ശാരീരിക ബന്ധം തുടര്ന്നതെന്ന് പോലീസിന് മൊഴി ലഭിച്ചിട്ടുണ്ട്.
വീട്ടില് വച്ചാണ് ആദ്യം
കപൂറിന്റെ കഫെ പരേഡിലെ വീട്ടില് വച്ചാണ് ആദ്യം ബലാല്സംഗം ചെയ്തതെന്ന് യുവതി പറയുന്നു. പിന്നീടാണ് ഭീഷണിപ്പെടുത്തി ഗോവയില് കൊണ്ടുപോയി പീഡിപ്പിച്ചത്. വിവാഹം കഴിക്കണമെന്ന് നടി ആവശ്യപ്പെട്ടു. എന്നാല് നിലവിലുള്ള രീതിയില് ബന്ധം തുടരാമെന്നാണ് കപൂര് പ്രതികരിച്ചത്. എന്നാല് ഇത്തരം ബന്ധത്തിന് ആഗ്രഹമില്ലെന്ന് യുവതി തീര്ത്തുപറഞ്ഞു.
നടി വഴങ്ങില്ലെന്ന് ബോധ്യമായതോടെ
നടി വഴങ്ങില്ലെന്ന് ബോധ്യമായതോടെ പ്രതി മര്ദ്ദിക്കാനും ബലാമായി പീഡിപ്പിക്കാനും തുടങ്ങി. നടിയുടെ മാതാപിതാക്കള്ക്ക് പ്രതി അശ്ലീല സന്ദേശങ്ങള് അയക്കുകയും ചെയ്തു. നടിയുടെ സ്വകാര്യ ചിത്രങ്ങള് കൈവശമുണ്ടെന്നും പരസ്യമാക്കുമെന്നും ഭീഷണിപ്പെടുത്തി. വഴങ്ങിയില്ലെങ്കില് കൊല്ലുമെന്നും പറഞ്ഞു. തുടര്ന്നാണ് നടി പോലീസില് പരാതിപ്പെട്ടത്.
കേസ് പോലീസ് കൈമാറി
മുംബൈയിലെ എന്എം ജോഷി മാര്ഗ് പോലീസ് സ്റ്റേഷനിലാണ് യുവതി പരാതി നല്കിയത്. കേസെടുത്ത പോലീസ് പരാതി കഫെ പരേഡ് പോലീസിന് കൈമാറി. ഈ പോലീസ് സ്റ്റേഷന് പരിധിയില് വച്ചാണ് പീഡനം നടന്നത് എന്നതിനാലാണ് പരാതി കൈമാറിയതെന്ന് പോലീസ് ഓഫീസര് പറഞ്ഞു. ബലാല്സംഗം ഉള്പ്പെടെ ഇന്ത്യന് ശിക്ഷാ നിയമത്തിലെ വിവിധ വകുപ്പുകള് പ്രകാരമാണ് കേസ് എന്നും പോലീസ് അറിയിച്ചു.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത
Click it and Unblock the Notifications
Sign in with Google