നീലച്ചിത്ര നിർമ്മാണം: നടി ശിൽപാ ഷെട്ടിക്ക് പങ്കുണ്ടോയെന്ന് മുംബൈ പോലീസ് അന്വേഷിക്കുന്നു

Updated: Thursday, July 22, 2021, 1:22 [IST]

മുംബൈ: ബോളിവുഡിനെ ഞെട്ടിച്ച് കൊണ്ട് നീലച്ചിത്ര നിര്‍മ്മാണ കേസില്‍ രാജ് കുന്ദ്ര അറസ്റ്റിലായതിന് പിന്നാലെ ഭാര്യയും നടിയുമായ ശില്‍പ ഷെട്ടിക്ക് സംഭവത്തില്‍ പങ്കുണ്ടോ എന്നതും മുംബൈ പോലീസ് പരിശോധിക്കുന്നു. തിങ്കളാഴ്ച രാത്രിയോടെയാണ് രാജ് കുന്ദ്രയെ മുംബൈ പോലീസ് അറസ്റ്റ് ചെയ്തത്. ശില്‍പ ഷെട്ടിയെ ചോദ്യം ചെയ്യാന്‍ ഇതുവരെ പോലീസ് വിളിപ്പിച്ചിട്ടില്ല. ശില്‍പ ഷെട്ടിക്ക് സംഭവത്തില്‍ പങ്കില്ല എന്നാണ് അന്വേഷണ സംഘത്തിന് ലഭിച്ചിരിക്കുന്ന പ്രാഥമിക വിവരം.

ശില്‍പ ഷെട്ടിക്ക് സംഭവത്തില്‍ പങ്കില്ല എന്നാണ് അന്വേഷണ സംഘത്തിന് ലഭിച്ചിരിക്കുന്ന പ്രാഥമിക വിവരം. എങ്കിലും പോലീസ് അക്കാര്യം വിശദമായി പരിശോധിച്ചേക്കും എന്നാണ് റിപ്പോര്‍ട്ടുകള്‍. ബോളിവുഡിലെ അറിയപ്പെടുന്ന സെലിബ്രിറ്റി കുടുംബമാണ് നടി ശില്‍പ ഷെട്ടിയുടേയും വ്യവസായിയായ രാജ് കുന്ദ്രയുടേയും. നീലച്ചിത്ര നിര്‍മ്മാണവുമായി ബന്ധപ്പെട്ട് രാജ് കുന്ദ്രയ്ക്ക് എതിരെ നേരത്തെ തന്നെ ആരോപണം ഉയര്‍ന്നിരുന്നു.

നടിമാരെയും മോഡലുകളേയും പുതുമുഖങ്ങളേയും അടക്കം ഉപയോഗിച്ച് നീലച്ചിത്രങ്ങള്‍ നിര്‍മ്മിച്ച് ആപ്പ് വഴി വില്‍പന നടത്തുന്ന സംഘത്തിന്റെ മുഖ്യസൂത്രധാരന്‍ രാജ്കുന്ദ്രയാണ് എന്നാണ് മുംബൈ പോലീസ് കണ്ടെത്തിയിരിക്കുന്നത്. കേസില്‍ രാജ് കുന്ദ്ര ഉള്‍പ്പെടെ പതിനൊന്ന് പേരാണ് ഇതിനകം പിടിയിലായിരിക്കുന്നത്. രാജ് കുന്ദ്രയെ കോടതി ജുലൈ 23 വരെ പോലീസ് കസ്റ്റഡിയില്‍ റിമാന്‍ഡ് ചെയ്തിരിക്കുകയാണ്.