Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഹിമാന്‍ഷു റോയ് ആത്മഹത്യ ചെയ്തു, മഹാരാഷ്ട്ര എടിഎസിന്റെ മുന്‍ തലവന്‍!! റിവോള്‍വര്‍ കൊണ്ട് നിറയൊഴിച്ചു
ഹിമാന്‍ഷു റോയ് ആത്മഹത്യ ചെയ്തു
മുംബൈ: മുതിര്‍ന്ന ഐപിഎസ് ഓഫീസര്‍ ഹിമാന്‍ഷു റോയ് ആത്മഹത്യ ചെയ്തു. രാജ്യത്തെ ഏറ്റവും പ്രശസ്തമായ മഹാരാഷ്ട്ര തീവ്രവാദ വിരുദ്ധ സേനയുടെ മുന്‍ തലവനായിരുന്നു. അര്‍ബുദത്തെ തുടര്‍ന്ന് സര്‍വീസില്‍ നിന്ന് ദീര്‍ഘ അവധിയെടുത്തിരിക്കുകയായിരുന്നു അദ്ദേഹം. സര്‍വീസ് റിവോള്‍വറില്‍ നിന്ന് സ്വയം നിറയൊഴിച്ചാണ് ആത്മഹത്യ ചെയ്തതെന്ന് പോലീസ് പറഞ്ഞു. രാജ്യത്തെ പിടിച്ചുകുലുക്കിയ നിരവധി കേസുകളുടെ അന്വേഷണ ചുമതല വഹിച്ചിരുന്ന ഉദ്യോഗസ്ഥനാണ് ഹിമാന്‍ഷു റോയ്.
1988 ബാച്ച് ഐപിഎസ് ഓഫീസറാണ് അദ്ദേഹം. അതേസമയം ആത്മഹത്യയുടെ കാരണം വ്യക്തമല്ല. അര്‍ബുദത്തെ തുടര്‍ന്ന് ചികിത്സയിലായിരുന്ന അദ്ദേഹം വിഷാദത്തെ തുടര്‍ന്നാണ് ആത്മഹത്യ ചെയ്തതെന്നാണ് നിഗമനം. നിലവില്‍ അഡീഷണല്‍ ഡയറക്ടര്‍ ജനറല്‍ ഓഫ് പോലീസാണ് അദ്ദേഹം. 2013ല്‍ രാജ്യത്തെ ക്രിക്കറ്റ് ലോകത്തെ പിടിച്ചുകുലുക്കിയ ഐപിഎല്‍ വാതുവെപ്പ് കേസ് അന്വേഷിച്ചിരുന്നത് ഹിമാന്‍ഷു റോയുടെ നേതൃത്വത്തിലായിരുന്നു. പല്ലവി പുര്‍കയസ്ഥ കൊലപാതകം, മാധ്യമപ്രവര്‍ത്തകനായ ജെഡെയുടെ കൊലപാതകം എന്നീ വിവാദങ്ങളായ കേസുകളും അദ്ദേഹമാണ് കൈകാര്യം ചെയ്തത്.
അമേരിക്കന്‍ സ്‌കൂളില്‍ സ്‌ഫോടനം നടത്താന്‍ പദ്ധതിയിട്ട സംഭവത്തില്‍ അനീസ് അന്‍സാരിയെ അറസ്റ്റ് ചെയ്ത സംഭവം ഹിമാന്‍ഷുവിനെ അതിപ്രശസ്തനാക്കി മാറ്റിയിരുന്നു. അതേസമയം മഹാരാഷ്ട്ര പോലീസ് സേനയ്ക്ക് തീരാനഷ്ടമാണ് ഹിമാന്‍ഷു റോയുടെ മരണം കൊണ്ടുണ്ടാവുന്നതെന്ന് എംഎന്‍ സിംഗ് പറഞ്ഞു. 2015ല്‍ മഹാരാഷ്ട്ര സര്‍ക്കാരിനെതിരെ വമ്പന്‍ ആരോപണങ്ങളും ഹിമാന്‍ഷു ഉന്നയിച്ചിരുന്നു. പോലീസ് ഉദ്യോഗസ്ഥരുടെ ട്രാന്‍സ്ഫറുകളില്‍ സര്‍ക്കാര്‍ രാഷ്ട്രീയം കളിക്കുന്നുവെന്നായിരുന്നു അദ്ദേഹത്തിന്റെ ആരോപണം. വേണ്ടപ്പെട്ടവര്‍ക്ക് മാത്രം സ്ഥലംമാറ്റം നല്‍കുന്ന സമ്പ്രദായമാണ് സര്‍ക്കാര്‍ നടപ്പിലാക്കുന്നതെന്നും അദ്ദേഹം ആരോപിച്ചിരുന്നു.
