അമ്മായിയമ്മ മരുമകളെയും അമ്മയെയും കഴുത്തറുത്തു കൊലപ്പെടുത്തി പോലീസില്‍ കീഴടങ്ങി !

മുബൈ: മരുമകളെയും അമ്മയെയും ക്രൂരമായി കൊലപ്പെടുത്തി അമ്മായി അമ്മ പോലീസില്‍ കീഴടങ്ങി.മുംബൈയിലെ നാരായണണ്‍ നഗറിലാണ് സംഭവം. കൊല നടത്താനുപയോഗിച്ച ആയുധങ്ങളുമായി പ്രതിയായ റാഷിദ വാസനി (56) പോലീസില്‍ കീഴടങ്ങുകയായിരുന്നു.

സല്‍മ (24) ,ഷമീം ഷെയ്ക്ക് (54) എന്നിവരാണ് കൊല്ലപ്പട്ടത്. ഭക്ഷണത്തില്‍ വിഷം ചേര്‍ത്ത് നല്‍കി ഇരുവരുടയും കഴുത്തറുത്തു കൊലപ്പെടുത്തുകയായിരുന്നു. 45 ദിവസം പ്രായമുളള കുഞ്ഞിന്റെ അമ്മയാണ് സല്‍മ.

കുഞ്ഞിനെ നോക്കാനെത്തിയ മാതാവ്

കൊല്ലപ്പെട്ട സല്‍മയും റാഷിദയുമായി എപ്പോഴും വഴക്കു കൂടാറുണ്ടായിരുന്നു. വീട്ടില്‍ കുഞ്ഞിനെ നോക്കാനെത്തിയതായിരുന്നു സല്‍മയുടെ മാതാവ്.

മൂത്ത കുട്ടിയുടെ മുന്നില്‍ വെച്ച് അമ്മയുടെ കഴുത്തറുത്തു

റാഷിദ കൊലനടത്താന്‍ നേരത്തേ പദ്ധതിയിട്ടിരുന്നെന്നാണ് പോലീസ് പറയുന്നത്. ഇവര്‍ക്ക് നല്‍കിയ ഭക്ഷണത്തില്‍ വിഷം ചേര്‍ക്കുകയായിരുന്നു. തുടര്‍ന്ന് ബോധം നഷ്ടപ്പെട്ട ഇരുവരുടെും കഴുത്തറുത്തു കൊലനടത്തുകയും ചെയ്തു. മകന്റെ രണ്ടര വയസ്സുള്ള മൂത്ത കുട്ടിയുടെ മുന്നില്‍ വച്ചാണ് ഇവര്‍ കൃത്യം നടത്തിയത്.

പോലീസില്‍ കീഴടങ്ങി

കൊലപാതകത്തിനു ശേഷം കൃത്യം നടത്താനുപയോഗിച്ച ആയുധവുമായാണ് റാഷിദ പോലീസില്‍ കീഴടങ്ങിയത്. യുവതിയെ പിന്നീട് കോടതിയില്‍ ഹാജരാക്കി.

മകന്റെ കുടുംബം വീട്ടില്‍ താമസിക്കുന്നതില്‍ പരാതി

കൊലനടത്തിയതിന്റെ യഥാര്‍ത്ഥ കാരണം ഇനിയും വ്യക്തമല്ല. മകനും കുടുംബവും വീട്ടില്‍ താമസിക്കുന്നതിനോട് തനിക്ക് യോജിപ്പില്ലായിരുന്നുവെന്നാണ് യുവതി പോലീസിനോട് പറഞ്ഞിരിക്കുന്നത്.

English summary

An angry woman hacked her daughter-in-law and her mother after serving them food laced with sedatives. She later turned herself in to the police, along with the weapons used for the crime.