'ജയിലിലാണെങ്കിലും മതസൗഹര്ദമുണ്ട്..'; ഹിന്ദു തടവുകാര്ക്കൊപ്പം നവരാത്രി വ്രതം ആചരിച്ച് മുസ്ലീം തടവുകാര്
മുസഫര് നഗര്: നവരാത്രി വ്രതം ആചരിച്ച് മുസ്ലീം തടവുകാര്. മുസഫര് നഗര് ജയിലിലെ 200 ല് അധികം മുസ്ലീം തടവുകാര് ആണ് ഹിന്ദു തടവുകാരോടൊപ്പം ഒമ്പത് ദിവസത്തെ നവരാത്രി വ്രതം ആചരിക്കുന്നത്. മുസഫര് നഗര് ജില്ലാ ജയിലിലെ തടവുകാരാണ് മതസൗഹാര്ദത്തിന് മാതൃകയായി നവരാത്രി വ്രതത്തില് പങ്ക് ചേരുന്നത്.
റംസാന് മാസത്തില് നോമ്പെടുക്കുന്ന മുസ്ലീം തടവുകാരുടെ ഈ പ്രവൃത്തി മാതൃകാപരമാണ് എന്ന് ഒരു ജയില് ഉദ്യോഗസ്ഥന് പറഞ്ഞു. മുസഫര്നഗര് ജില്ലാ ജയിലിലെ 3000 തടവുകാരില് 1100 ഓളം ഹിന്ദുക്കളും 218 മുസ്ലീങ്ങളും നവരാത്രി വ്രതം അനുഷ്ഠിക്കുന്നുണ്ടെന്ന് മുതിര്ന്ന ജയില് ഉദ്യോഗസ്ഥന് കൂട്ടിച്ചേര്ത്തു.
വ്രതം അനുഷ്ഠിക്കുന്നവരുടെ ഭക്ഷണ ആവശ്യങ്ങള് കണക്കിലെടുത്ത് ജയില് അധികൃതര് കാന്റീനില് പ്രത്യേക ക്രമീകരണങ്ങള് ഏര്പ്പെടുത്തിയിട്ടുണ്ട് എന്നും അദ്ദേഹം പറഞ്ഞു. അന്തേവാസികള്ക്കായി പഴങ്ങള്, പാല്, ചായ, പൂരികള് എന്നിവ കാന്റീനില് ലഭ്യമാക്കിയിട്ടുണ്ട് എന്ന് മുസഫര്നഗര് ജയില് സൂപ്രണ്ട് സീതാറാം ശര്മ പറഞ്ഞു.
അതേസമയം മതസൗഹാര്ദത്തിലും സംസ്കാരത്തിലും ആഴത്തില് വേരൂന്നിയ വിശ്വാസമാണ് തന്നെ നോമ്പെടുക്കാന് പ്രേരിപ്പിച്ചതെന്ന് നോമ്പ് ആചരിക്കുന്ന തടവുകാരില് ഒരാള് പറഞ്ഞതായി ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നു.
ജയിലില് എങ്ങനെ ആണ് സാമുദായിക സൗഹാര്ദം പാലിക്കുന്നത് എന്ന് ജനങ്ങള് പഠിക്കണം. ഒരേ സാംസ്കാരിക ചുറ്റുപാടില് നമുക്ക് എല്ലാവര്ക്കും ഒരുമിച്ച് ജീവിക്കാനും സഹാനുഭൂതിയുള്ളവരായി തീരാനും കഴിയണം എന്നും അദ്ദേഹം പറഞ്ഞു.
അതേസമയം സാമുദായിക സൗഹാര്ദ്ദത്തിന്റെ മാതൃക കാണിക്കുന്നതില് തങ്ങള്ക്ക് അഭിമാനമുണ്ട് എന്ന് മറ്റൊരു അന്തേവാസി കൂട്ടിച്ചേര്ത്തു. ഹിന്ദു സഹോദരന്മാര്ക്ക് റമദാനില് വ്രതമെടുക്കാമെങ്കില്, നവരാത്രിയില് നമുക്കും വ്രതം ആചരിക്കാം. സ്നേഹത്തിനുള്ള ഉത്തരം സ്നേഹം മാത്രമാണ്, വെറുപ്പല്ല എന്നും അദ്ദേഹം പറഞ്ഞു.
അതേസമയം അന്തേവാസികള്ക്ക് ഇടയില് സാമുദായിക സൗഹാര്ദം വളര്ത്തിയെടുക്കാന് സഹായിക്കുന്നതിനാല് ഇത്തരം നടപടികളെ തങ്ങള് പ്രോത്സാഹിപ്പിക്കാറുണ്ട് എന്ന് ജയില് സൂപ്രണ്ട് സീതാറാം ശര്മ വ്യക്തമാക്കി.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google