നാഗ്പൂര് കലാപം; നാശനഷ്ടം അക്രമികളില് നിന്ന് ഈടാക്കുമെന്ന് ഫഡ്നാവിസ്
മുംബൈ: നാഗ്പൂര് സംഘര്ഷത്തില് നാശനഷ്ടമുണ്ടായ സ്വത്തുക്കളുടെ വില കലാപകാരികളില് നിന്ന് ഈടാക്കുമെന്നും പണം നല്കാത്തത് അവരുടെ സ്വത്തുക്കള് കണ്ടുകെട്ടി വില്ക്കുന്നതിലേക്ക് നയിക്കുമെന്നും മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്. സി സി ടി വി ക്യാമറകളിലെ വീഡിയോകളും ദൃശ്യങ്ങളും വിശകലനം ചെയ്ത ശേഷം ഇതുവരെ 104 കലാപകാരികളെ തിരിച്ചറിഞ്ഞിട്ടുണ്ട്.
12 പ്രായപൂര്ത്തിയാകാത്തവര് ഉള്പ്പെടെ 92 പേര്ക്കെതിരെ നിയമ പ്രകാരം നടപടി സ്വീകരിച്ചിട്ടുണ്ടെന്നും ഫഡ്നാവിസ് പറഞ്ഞു. മധ്യ നാഗ്പൂര് പ്രദേശങ്ങളില് കഴിഞ്ഞ തിങ്കളാഴ്ച നടന്ന അക്രമം പ്രധാനമന്ത്രി നരേന്ദ്ര മോദിയുടെ സന്ദര്ശനത്തെ ബാധിക്കില്ലെന്നും ഫഡ്നാവിസ് പറഞ്ഞു. പൊലീസ് ഉദ്യോഗസ്ഥരെ ആക്രമിച്ച കലാപകാരികള്ക്കെതിരെ കര്ശന നടപടി സ്വീകരിക്കും എന്നും അദ്ദേഹം വ്യക്തമാക്കി.
പൊലീസിനെ ആക്രമിച്ചവരെ കണ്ടെത്തി കര്ശനമായി നടപടിയെടുക്കുന്നതുവരെ സര്ക്കാര് വിശ്രമിക്കില്ലെന്നും ആഭ്യന്തര മന്ത്രി കൂടിയായ ഫഡ്നാവിസ് പറഞ്ഞു. അന്വേഷണം പുരോഗമിക്കുന്നതിനാല് കലാപത്തില് വിദേശികളുടേയോ ബംഗ്ലാദേശി പൗരന്മാരുടേയോ പങ്കുണ്ടോ എന്നതിനെക്കുറിച്ച് അഭിപ്രായം പറയാന് സാധിക്കില്ല എന്നും അദ്ദേഹം പറഞ്ഞു. സംഭവത്തെ ഇന്റലിജന്സ് പരാജയം എന്ന് വിളിക്കാന് കഴിയില്ല എന്നും അദ്ദേഹം കൂട്ടിച്ചേര്ത്തു.
സ്വത്തുക്കള് വീണ്ടെടുക്കന് ആവശ്യമുള്ളിടത്തെല്ലാം ബുള്ഡോസറുകളും ഉപയോഗിക്കും എന്നും ഫഡ്നാവിസ് പറഞ്ഞതായി എ എന് ഐ റിപ്പോര്ട്ട് ചെയ്തു. ഛത്രപതി സംഭാജിനഗറിലെ മുഗള് ചക്രവര്ത്തി ഔറംഗസേബിന്റെ ശവകുടീരം നീക്കം ചെയ്യണമെന്ന് ആവശ്യപ്പെട്ട് വി എച്ച്പി നടത്തിയ പ്രതിഷേധത്തിനിടെ വിശുദ്ധ ലിഖിതങ്ങള് പതിച്ച ഒരു 'ചാദര്' കത്തിച്ചുവെന്ന അഭ്യൂഹത്തെ തുടര്ന്ന് മാര്ച്ച് 17 ന് മധ്യ നാഗ്പൂരില് സംഘര്ഷം പൊട്ടിപ്പുറപ്പെട്ടിരുന്നു.
സംഘര്ഷത്തില് മൂന്ന് ഡെപ്യൂട്ടി കമ്മീഷണര്മാര് ( ഡി സി പി ) ഉള്പ്പെടെ നിരവധി പൊലീസ് ഉദ്യോഗസ്ഥര്ക്ക് പരിക്കേറ്റു, നിരവധി വാഹനങ്ങള്ക്കും വീടുകള്ക്കും കേടുപാടുകള് സംഭവിച്ചു. ശനിയാഴ്ച ആശുപത്രിയില് ചികിത്സയിലിരിക്കെ 40 വയസുള്ള ഒരാള് മരിക്കുകയും ചെയ്തിരുന്നു.
സോഷ്യല് മീഡിയയില് കിംവദന്തികള് പ്രചരിപ്പിക്കുന്നവരെയും കൂട്ടുപ്രതികളാക്കും എന്നും ഇതുവരെ 68 സോഷ്യല് മീഡിയ പോസ്റ്റുകള് തിരിച്ചറിഞ്ഞ് ഇല്ലാതാക്കിയിട്ടുണ്ട് എന്നും മുഖ്യമന്ത്രി പറഞ്ഞു. അതേസമയം കലാപത്തിനിടെ വനിതാ കോണ്സ്റ്റബിള്മാരെ പീഡിപ്പിച്ചുവെന്ന റിപ്പോര്ട്ടുകള് ശരിയല്ലെന്നും അദ്ദേഹം പറഞ്ഞു. വനിതാ പോലീസ് കോണ്സ്റ്റബിള്മാര്ക്ക് നേരെ കല്ലെറിഞ്ഞു എന്നതാണ് വാസ്തവമെന്നും അദ്ദേഹം കൂട്ടിച്ചേര്ത്തു.
-
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണ വില പവന് 42,000 രൂപ വരെ ഉയരും? ഒറ്റയടിക്ക് പ്രവചനം തിരുത്തി വിദഗ്ധർ..40 ശതമാനം വർധനവ് -
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സ്വര്ണവില ഇടിഞ്ഞു; ആഭരണം വാങ്ങുന്നവര് എത്ര രൂപ നല്കണം? അറിയാം ഇന്നത്തെ പവന്, ഗ്രാം വില -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
തമിഴകം പിടിക്കാൻ വിജയ്; സ്ഥാനാർത്ഥി പട്ടികയിലെ വമ്പൻ സർപ്രൈസ്; ഞെട്ടലിൽ രാഷ്ട്രീയ ലോകം -
മലപ്പുറം വിഭജിക്കും,ജയിലിൽ നോണ് വെജും കൂലിയും കൊടുക്കില്ല'; സന്തോഷ് പണ്ഡിറ്റ് മുഖ്യമന്ത്രിയായാൽ -
'മീനാക്ഷിയെ നോക്കുന്നത് പണിയാണല്ലോ..വിവാഹം കഴിച്ച് കാണിച്ച് കൊടുത്തൂടെ';മഞ്ജു വാര്യർക്ക് അധിക്ഷേപം -
ഏപ്രിൽ 1 മുതൽ കളി മാറും! പാൻ കാർഡ് നിയമങ്ങളിൽ വൻ മാറ്റം; അറിഞ്ഞില്ലെങ്കിൽ പണി കിട്ടും -
ദുബായിയും അബുദാബിയും ഇല്ലാതാകും! യുഎഇ ചെയ്യുന്നത് മണ്ടത്തരം; ഉപദേശിച്ച് യുഎസ് സാമ്പത്തിക വിദഗ്ധന് -
ഇറാനെ വിഴുങ്ങാൻ അമേരിക്കൻ പട? പെന്റഗണിന്റെ 'രഹസ്യ' നീക്കം പുറത്ത്
Click it and Unblock the Notifications
Sign in with Google