ജനങ്ങളോട് യുദ്ധം ചെയ്യുന്ന സര്ക്കാര്; ദുരന്ത വര്ഷം!! മോദി ഭരണത്തിനെതിരെ ആഞ്ഞടിച്ച് കോണ്ഗ്രസ്
ദില്ലി: നിരാശയുടെ ഒരു വര്ഷമാണ് കഴിഞ്ഞുപോയതെന്ന് കോണ്ഗ്രസ്. രണ്ടാം നരേന്ദ്ര മോദി സര്ക്കാരിന്റെ ഒന്നാം വാര്ഷികത്തില് പ്രതികരിക്കുകയായിരുന്നു കോണ്ഗ്രസ് നേതാവ് കെസി വേണുഗോപാല്. നിരാശയുടെയും ദുര്ഭരണത്തിന്റെയും നാളുകളാണ് കഴിഞ്ഞുപോയത്. വര്ഗീയതയും വിഭാഗീയതയും വര്ധിച്ചു. സാഹോദര്യം ഇല്ലാതായെന്നും വേണുഗോപാല് വിലയിരുത്തി.
കൊറോണ വൈറസ് വ്യാപന കാലത്ത് കോണ്ഗ്രസ് രാഷ്ട്രീയം കളിക്കുന്നുവെന്നാണ് ബിജെപിയുടെ ആരോപണം. എവിടെയാണ് ഞങ്ങള് രാഷ്ട്രീയം കളിച്ചത്. ഒട്ടേറെ നിര്ദേശങ്ങള് സമര്പ്പിക്കുകയാണ് തങ്ങള് ചെയ്തത്. അതാണ് ഉത്തരവാദിത്തമുള്ള പ്രതിപക്ഷം ചെയ്യേണ്ടതും. സാധാരണക്കാര് നേരിടുന്ന പ്രശ്നങ്ങള് ഉയര്ത്തിക്കാണിക്കുകയാണ് പ്രതിപക്ഷം ചെയ്യേണ്ടത്. സര്ക്കാരിന്റെ വീഴ്ച തുറന്നുകാട്ടുക എന്നത് തങ്ങളുടെ ഉത്തരവാദിത്തമാണെന്നും കെസി വേണുഗോപാല് പറഞ്ഞു. ആലോചിക്കാതെയാണ് സര്ക്കാര് പ്രവര്ത്തിക്കുന്നത്. കുടിയേറ്റ തൊഴിലാളികളുടെയും കര്ഷകരുടെ കാര്യത്തില് ഇത് വ്യക്തമായതാണെന്നും കെസി വേണുഗോപാല് പറഞ്ഞു.
കൊറോണയേക്കാള് വീര്യമുള്ള വൈറസ്!! 400 കോടി ജനങ്ങള് മരിക്കും, വ്യാപിക്കുക കോഴിഫാമുകളില് നിന്ന്
മോദി സര്ക്കാര് രാജ്യത്തെ ജനങ്ങളുമായി യുദ്ധം ചെയ്യുന്നതാണ് കഴിഞ്ഞ ആറ് വര്ഷം കാണാന് കഴിഞ്ഞതെന്ന് കോണ്ഗ്രസ് വക്താവ് രണ്ദീപ് സുര്ജേവാല പറഞ്ഞു. എല്ലാ സംഭവങ്ങളിലും പരിക്കേറ്റത് ജനങ്ങള്ക്കാണെന്നും അദ്ദേഹം കുറ്റപ്പെടുത്തി. ഭാരത മാതാവിന് പരിക്കേറ്റിരിക്കുന്നു. തിരഞ്ഞെടുത്ത ധനികര്ക്ക് വേണ്ടിയാണ് സര്ക്കാരിന്റെ പ്രവര്ത്തനം. പാവപ്പെട്ടവര്ക്ക് കൂടുതല് വേദനയാണ് സമ്മാനിച്ചതെന്നും സുര്ജേവാല പറഞ്ഞു.
നരേന്ദ്ര മോദിയുടെ ആഡംബര ജീവിതം!! ഫോട്ടോ പുറത്തുവിട്ട് കോണ്ഗ്രസ് വെട്ടിലായി, രൂക്ഷ വിമര്ശനം
Recommended Video
പാര്ലമെന്റ് സമ്മേളനം വീഡിയോ കോണ്ഫറന്സ് വഴി വിളിച്ചുചേര്ക്കണം. സുപ്രധാന വിഷയങ്ങള് ചര്ച്ച ചെയ്യണം. രാജ്യം പ്രത്യേക സാഹചര്യത്തിലൂടെയാണ് കടന്നുപോകുന്നത്. വിവിധ പാര്ലമെന്ററി സമിതികള് യോഗം ചേരുന്നില്ലെന്നും സുര്ജേവാല പറഞ്ഞു. ഒട്ടേറെ നേട്ടങ്ങള് കഴിഞ്ഞ ഒരു വര്ഷത്തിനിടെ നേടാന് സാധിച്ചുവെന്നാണ് ബിജെപി ദേശീയ അധ്യക്ഷന് ജെപി നദ്ദ പ്രതികരിച്ചത്.
മാസങ്ങള്ക്ക് ശേഷം പൃഥ്വിരാജ് വീട്ടിലേക്ക് മടങ്ങി; എങ്കിലും തീര്ന്നില്ല... താരത്തിന്റെ പ്രതികരണം...