Click it and Unblock the Notifications
Just In
Don't Miss
-
വിപണിയിലെ ഇടിവ് തുടരാൻ സാധ്യത, ഈ ഓഹരികൾ വാങ്ങിയാൽ നേട്ടമുണ്ടാക്കാം, ടാർഗെറ്റ് വില അറിയാം -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട് -
തിരിച്ചുവരവ് ശംഭീരമാക്കാൻ ഫോർഡ്; പുത്തൻ എസ്യുവിക്ക് കൂട്ടായി ഒരു ഫാമിലി എംപിവിയും -
'കയ്യിൽ ഉമ്മവെച്ചതും കടിച്ചതുമായ സംഭവം, ഇനി എന്നെ വെച്ച് ഡെമോ ചെയ്യരുത്...'; സിബിന് താക്കീതുമായി ശ്രീതു! -
IPL 2024: 7ല് 6ലും തോറ്റു, ഒടുവില് കണ്ണീരണിഞ്ഞ് കോലി; ആരും കാണാതെ തുടച്ചു! വീഡിയോ -
ദിവസങ്ങള് ഉല്പ്പാദനക്ഷമവും വിജയകരവുമാക്കാന് വേണം മികച്ച പ്രഭാത ശീലങ്ങള് -
വൺപ്ലസ് 11 ന് വീണ്ടും വില കുറഞ്ഞു; നിങ്ങളിത് വാങ്ങുമോ? ഡിസ്കൗണ്ട് കാശുകൊണ്ട് മറ്റൊരു ഫോൺകൂടി വാങ്ങാം!
സച്ചിനെ പ്രശംസിച്ച് മോദിയുടെ ട്വീറ്റ്
ദില്ലി: ക്രിക്കറ്റ് ഇതിഹാസവും രാജ്യസഭ എം പിയുമായ സച്ചിന് തെണ്ടുല്‍ക്കറെ പ്രശംസിച്ച് പ്രധാനമന്ത്രി നരേന്ദ്ര മോദിയുടെ ട്വീറ്റ്. തന്റെ വെല്ലുവിളി സ്വീകരിച്ച് സ്വച്ഛ് ഭാരത് അഭിയാനില്‍ പങ്കാളിയായതിനാണ് മോഡി സച്ചിനെ പ്രശംസിച്ചത്. മൈക്രോ ബ്ലോഗിംഗ് വെബ്‌സൈറ്റായ ട്വിറ്ററിലൂടെയായിരുന്നു മോദി സച്ചിനെ അഭിനന്ദിച്ചത്.
ഗ്രേറ്റ് വര്‍ക്ക് സച്ചിന് തെണ്ടുല്‍ക്കര്‍. താങ്കളുടെ ശ്രമങ്ങള്‍ സ്വച്ഛ് ഭാരത് അഭിയാന് ശക്തമായ പിന്തുണയും പ്രോത്സാഹനവുമാണ് -മോദി ട്വിറ്ററില്‍ എഴുതി. സച്ചിന്റെ പ്രവൃത്തി കണ്ട് പ്രചോദിതരാകണമെന്ന് മോദി മറ്റൊരു ട്വീറ്റില്‍ രാജ്യത്തെ ജനങ്ങളോട് അഭ്യര്‍ഥിച്ചു. സച്ചിന് തെണ്ടുല്‍ക്കര്‍ ചൂലുമായി നില്‍ക്കുന്ന വീഡിയോ പ്രസിദ്ധീകരിച്ച സച്ചിന്റെ ഫേസ്ബുക്ക് പേജിലേക്കുള്ള ലിങ്കും മോദി ട്വിറ്ററില്‍ ഷെയര്‍ ചെയ്തു.
മാലിന്യങ്ങള്‍ അടിഞ്ഞുകൂടി ആളുകള്‍ നടക്കാന്‍ പോലും മടിച്ചുനില്‍ക്കുന്ന ബാന്ദ്രയിലെ ബസ് ഡിപ്പോയാണ് സച്ചിനും കൂട്ടരും വൃത്തിയാക്കാനായി തിരഞ്ഞെടുത്തത്. പൊതുജനങ്ങള്‍ക്കും വഴിയാത്രക്കാര്‍ക്കും ശല്യമാകാത്ത വിധത്തിലായിരുന്നു സച്ചിന്റെയും കൂട്ടരുടെയും വൃത്തിയാക്കല്‍ പരിപാടികള്‍. ഒക്ടോബര്‍ രണ്ടിനാണ് മോദി ക്ലീന്‍ ഇന്ത്യ ക്യാംപെയ്ന്‍ ഉദ്ഘാടനം ചെയ്തത്.
ക്രിക്കറ്റ് താരം സഹീര്‍ ഖാന്‍, ബാഡ്മിന്റണ്‍ ചാമ്പ്യന്‍ സൈന നേവാള്‍, ഹോക്കി ടീം ക്യാപ്റ്റന്‍ സര്‍ദാര്‍ സിംഗ് തുടങ്ങിയവരും ക്ലീന്‍ ഇന്ത്യ ക്യാംപയിന്‍ പരിപാടിയുമായി മുന്നോട്ട് വരണമെന്ന് മറ്റൊരു ട്വീറ്റില്‍ മോദി പറഞ്ഞു. നേരത്തെ സച്ചിന് പുറമേ, കമല്‍ഹാസന്‍, അനില്‍ അംബാനി, സല്‍മാന്‍ ഖാന്‍, പ്രിയങ്ക ചോപ്ര തുടങ്ങിയവര്‍ മോദിയുടെ വെല്ലുവിളി ഏറ്റെടുത്ത് ക്യാംപെയ്‌നിന്റെ ഭാഗമായിരുന്നു.
