ട്രംപിനും തൊടാനായില്ല! ലോകനേതാക്കളെ ഞെട്ടിച്ച് പ്രധാനമന്ത്രി നരേന്ദ്ര മോദി

ഇൻസ്റ്റഗ്രാമിൽ 10 കോടി (100 Million) ഫോളോവേഴ്‌സ് എന്ന അപൂർവ്വ നാഴികക്കല്ല് പിന്നിടുന്ന ലോകത്തിലെ ആദ്യത്തെ രാഷ്ട്രീയ നേതാവായി പ്രധാനമന്ത്രി നരേന്ദ്ര മോദി മാറി. 2014-ൽ ആരംഭിച്ച തന്റെ ഇൻസ്റ്റഗ്രാം അക്കൗണ്ടിലൂടെ വെറും ഒരു പതിറ്റാണ്ടിനിടെയാണ് അദ്ദേഹം ഈ ചരിത്ര നേട്ടം സ്വന്തമാക്കിയത്. ആഗോളതലത്തിൽ ഏറ്റവും കൂടുതൽ സ്വാധീനമുള്ള നേതാവായി മോദി മാറിയതിന്റെ തെളിവാണ് ഈ വൻ കുതിപ്പ്.

ആഗോള നേതാക്കളേക്കാൾ ബഹുദൂരം മുന്നിൽ

സോഷ്യൽ മീഡിയയിലെ ജനപ്രീതിയുടെ കാര്യത്തിൽ ലോകത്തെ മറ്റ് പ്രമുഖ നേതാക്കളേക്കാൾ വലിയ മുന്നേറ്റമാണ് നരേന്ദ്ര മോദി കാഴ്ചവെക്കുന്നത്. യുഎസ് പ്രസിഡന്റ് ഡൊണാൾഡ് ട്രംപിനേക്കാൾ 4.32 കോടിയിലധികം ഫോളോവേഴ്‌സ് മോദിക്കുണ്ട്. ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ (1.5 കോടി), ബ്രസീൽ പ്രസിഡന്റ് ലുല ഡ സിൽവ (1.44 കോടി) എന്നിവരാണ് പട്ടികയിൽ മോദിക്ക് പിന്നാലെയുള്ള മറ്റ് ആഗോള നേതാക്കൾ.

ഇന്ത്യൻ രാഷ്ട്രീയത്തിലെ മേധാവിത്വം

ഇന്ത്യൻ രാഷ്ട്രീയത്തിലും സോഷ്യൽ മീഡിയ സ്വാധീനത്തിന്റെ കാര്യത്തിൽ നരേന്ദ്ര മോദി തന്നെയാണ് ഒന്നാമൻ. ഉത്തർപ്രദേശ് മുഖ്യമന്ത്രി യോഗി ആദിത്യനാഥ് (1.61 കോടി), ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി (1.26 കോടി) എന്നിവരാണ് ഫോളോവേഴ്‌സിന്റെ എണ്ണത്തിൽ ഇന്ത്യൻ നേതാക്കളിൽ രണ്ടും മൂന്നും സ്ഥാനങ്ങളിൽ. എന്നാൽ മോദിയുടെ 10 കോടി എന്ന സംഖ്യയുമായി താരതമ്യം ചെയ്യുമ്പോൾ ഇവർ ഏറെ പിന്നിലാണ്.

അടുത്തിടെ മോണിങ് കൺസൾട്ട് (Morning Consult) പുറത്തുവിട്ട ആഗോള റേറ്റിംഗിലും 67 ശതമാനം വോട്ടുകളുമായി നരേന്ദ്ര മോദി ഒന്നാം സ്ഥാനം നിലനിർത്തിയിരുന്നു. സ്റ്റാറ്റിസ്റ്റയുടെ കണക്കനുസരിച്ചും ലോകത്തിലെ ഏറ്റവും ജനപ്രിയനായ നേതാവ് അദ്ദേഹം തന്നെയാണ്. ഇന്ത്യയിലെ സാധാരണക്കാരുമായും യുവാക്കളുമായും ഡിജിറ്റൽ പ്ലാറ്റ്‌ഫോമുകളിലൂടെ സംവദിക്കുന്ന അദ്ദേഹത്തിന്റെ ശൈലിയാണ് ഇത്രയും വലിയൊരു ജനപിന്തുണയ്ക്ക് പിന്നിലെ പ്രധാന കാരണം.