കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കാശ്മീര്‍ ദുരിതാശ്വാസത്തിന് മോദിക്ക് അമ്മയുടെ 5,000 രൂപ

  • By Gokul
Google Oneindia Malayalam News

ഗാന്ധിനഗര്‍: പിറന്നാള്‍ ദിനത്തില്‍ അമ്മയെ കണ്ട് അനുഗ്രഹം വാങ്ങാനെത്തിയ പ്രധാനമന്ത്രി നരേന്ദ്ര മോദിക്ക് അനുഗ്രഹത്തോടൊപ്പം അമ്മയുടെ 5,000 രൂപയും. ജമ്മു കാശ്മീരിലെ പ്രളയ ദുരിതാശ്വാസ ഫണ്ടിലേക്കാണ് അമ്മ ഹീരാ ബെന്‍ ഇത്രയും തുക കൈമാറിയത്. 64ാം ജന്മദിനത്തില്‍ രാവിലെതന്നെ പ്രധാനമന്ത്രി അമ്മയെകാണാനെത്തിയിരുന്നു.

പ്രധാനമന്ത്രിയായ ശേഷം ഇതാദ്യമായാണ് മോദി ഗാന്ധിനഗറിലെത്തുന്നത്. സത്യപ്രതിജ്ഞയ്ക്ക് മുന്‍പ് അദ്ദേഹം മാതാവിന്റെ അനുഗ്രഹം തേടാനെത്തിയിരുന്നു. ജന്മദിനത്തില്‍ അമ്മയുടെ കാല്‍തൊട്ടു വന്ദിച്ച മോദി അനുഗ്രഹം വാങ്ങി. അമ്മ മോദിക്ക് മധുര നല്‍കി. എല്ലാ പിറന്നാള്‍ ദിവസവും മോദി അമ്മയുടെ അനുഗ്രഹം വാങ്ങാനെത്താറുണ്ട്. അമ്മയ്‌ക്കൊപ്പം അല്‍പനേരം വിശേഷങ്ങള്‍ സംസാരിച്ചിരുന്നശേഷമാണ് മോദി മടങ്ങിയത്. സുരക്ഷാ ഉദ്യോഗസ്ഥരെ ഒഴിവാക്കിയാണ് മോദി അമ്മയുടെ വീട്ടിലെത്തിയത്.

modi-mother

കാശ്മീര്‍ പ്രളയത്തിന്റെ പശ്ചാത്തലത്തില്‍ തന്റെ ജന്മദിനം ആഘോഷിക്കരുതെന്ന് പ്രധാനമന്ത്രി ബിജെപി അണികളോട് നിര്‍ദ്ദേശിച്ചിരുന്നു. രാഷ്ട്രപതി പ്രണബ് മുഖര്‍ജി, ഉപ രാഷ്ട്രപതി ഹാമിദ് അന്‍സാരി, ജപ്പാന്‍ പ്രധാനമന്ത്രി ഷിന്‍സോ അബെ തുടങ്ങി രാഷ്ട്രീയ സാമൂഹ്യ രംഗത്തെ പ്രമുഖര്‍ പ്രധാനമന്ത്രിക്ക് ഫോണിലൂടെ പിറന്നാള്‍ ആശംസ നേര്‍ന്നു.

ഇന്ത്യയിലെത്തിയ ചൈനീസ് പ്രസിഡന്റ് സി ജിന്‍ പിങ്ങിനൊപ്പമായിരുന്നു പ്രധാനമന്ത്രിയുടെ അത്താഴം. ഗുജറാത്തിലെത്തിയ ചൈനീസ് പ്രസിഡന്റിനായി സബര്‍മതീ തീരരത്ത് ടെന്റുകള്‍ തയ്യാറാക്കിയിരുന്നു.

English summary
Narendra Modi's mother donated Rs 5,000 for the Prime Minister's Relief Fund for Jammu
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X