മോദിയ്ക്ക് കൈ കൊടുത്ത ശേഷം മൈക്രോ സോഫ്ട് സിഇഒ സത്യ നടെല്ല കൈ തുടച്ചു, വീഡിയോ വൈറല്‍

ദില്ലി: പ്രധാനമന്ത്രി നരേന്ദ്രമോദിയുടെ വിദേശ യാത്രകളാണല്ലോ വിമര്‍ശകരുടെ ഇപ്പോഴത്തെ ഏറ്റവും മികച്ച ആയുധം. അമേരിയ്ക്കയിലെ സിലിക്കണ്‍വാലിയില്‍ ഡിജിറ്റല്‍ ഇന്ത്യ പദ്ധതിയുമായി ബന്ധപ്പെട്ട് നരേന്ദ്ര മോദി മൈക്രോസോഫ്ട് ഉള്‍പ്പടെയുള്ള കമ്പനികളുടെ തലവന്‍മാരുമായി കൂടിക്കാഴ്ച നടത്തിയിരുന്നു.

കൂടിക്കാഴ്ചയുടെ ദൃശ്യങ്ങളില്‍ നിന്നും മോദിയ്‌ക്കെതിരെയുള്ള അടുത്ത ആയുധം കണ്ടെടുത്ത് കഴിഞ്ഞു. കൂടിക്കാഴ്ചയില്‍ നരേന്ദ്രമോദിയ്ക്ക് ഷേക്ക് ഹാന്‍ഡ് നല്‍കിയ ശേഷം മൈക്രോ സോഫ്ട് സിഇഒ സത്യ നടെല്ല കൈ തുടച്ചു. ഈ വീഡിയോ സോഷ്യല്‍ മീഡിയയില്‍ ഹിറ്റാവുകയാണ്.

മോദിയെ അപമാനിയ്ക്കുകയായിരുന്നു നടെല്ലയെന്ന് ചിലര്‍ വാദിയ്ക്കുമ്പോള്‍ അദ്ദേഹത്തിന്റെ ശീലം മാത്രമാണിതെന്ന് മറ്റു ചിലരും വാദിയ്ക്കുന്നു. കൈ കൊടുത്ത ശേഷം തുടയ്ക്കുന്ന പതിവ് പലര്‍ക്കും ഉള്ളതാണ്. നടെല്ലയും ഇത് തന്നെയാണ് ചെയ്തതെന്നാണ് വാദം.

എന്തായാലും മോദിയ്ക്ക് കൈകൊടുത്ത സുക്കര്‍ബര്‍ഗിന് ഹാന്‍ഡ് വാഷ് അയച്ച് കൊടുക്കാനൊരുങ്ങി പ്രതിഷേധിച്ച വിമര്‍ശകര്‍ ഇത്തവണ നടെല്ലയ്ക്ക് എന്താണ് നല്‍കുകയെന്ന് കാത്തിരുന്ന് കാണാം.

English summary

Microsoft CEO Satya Nadella caught brushing hands after handshake with PM Narendra Modi