ആഗോള പ്രതിസന്ധിയിലും ഇന്ത്യയില് ഇന്ധനക്ഷാമം ഉണ്ടായില്ല: ഇന്ത്യാ ഫസ്റ്റ് പോളിസിയുടെ വിജയമെന്ന് മോദി
ആഗോളതലത്തില് ഉണ്ടായ കടുത്ത ഊര്ജ്ജ പ്രതിസന്ധിയുടെ കാലത്തും ഇന്ത്യയില് ഇന്ധനക്ഷാമം ഉണ്ടാകാതിരുന്നത് രാജ്യത്തിന്റെ ശക്തമായ നയതന്ത്ര നിലപാടുകള് കൊണ്ടാണെന്ന് പ്രധാനമന്ത്രി നരേന്ദ്ര മോദി. കേന്ദ്ര സര്ക്കാരിന്റെ 'ഇന്ത്യ ഫസ്റ്റ്' എന്ന നയമാണ് പ്രതിസന്ധി ഘട്ടത്തിലും രാജ്യത്തെ വലിയ പ്രത്യാഘാതങ്ങളില്ലാതെ സുരക്ഷിതമായി നയിച്ചതെന്നും അദ്ദേഹം അവകാശപ്പെട്ടു.
അന്താരാഷ്ട്ര തലത്തില് അസംസ്കൃത എണ്ണവില കുതിച്ചുയര്ന്നപ്പോഴും രാജ്യത്തെ സാധാരണക്കാരെ അത് ബാധിക്കാതിരിക്കാന്നയതന്ത്ര നീക്കങ്ങളിലൂടെ സര്ക്കാരിന് സാധിച്ചതായി പ്രധാനമന്ത്രി കൂട്ടിച്ചേര്ത്തു. ലോകമെമ്പാടും ക്രൂഡ് ഓയില് വില കുതിച്ചുയരുകയും പല വികസിത രാജ്യങ്ങളും ചരിത്രത്തിലെ ഏറ്റവും കടുത്ത ഇന്ധനക്ഷാമവും സാമ്പത്തിക പ്രതിസന്ധിയും നേരിടുകയും ചെയ്ത സാഹചര്യത്തിലാണ് ഇന്ത്യ ഈ നേട്ടം കൈവരിച്ചത്.
അന്താരാഷ്ട്ര വിപണിയില് ഡീസല് വിലയില് നാല്പ്പത് ശതമാനത്തിലധികം വര്ധനവുണ്ടായ ഘട്ടത്തിലും രാജ്യത്തെ നഗരങ്ങളിലും അടിയന്തര ആവശ്യ മേഖലകളിലും പെട്രോള്, ഡീസല് വിതരണം പൂര്ണമായും തടസമില്ലാതെ ഉറപ്പാക്കാന് കേന്ദ്ര സര്ക്കാരിന് കഴിഞ്ഞു എന്നും ഊര്ജ്ജ സുരക്ഷ കൈവരിക്കുന്നതില് രാജ്യം സ്വീകരിച്ച സവിശേഷമായ ആസൂത്രണങ്ങളുടെയും ആഗോള സൗഹൃദ നയങ്ങളുടെയും വലിയ വിജയമാണിതെന്നും അദ്ദേഹം പറഞ്ഞു.
പ്രതിസന്ധിയുടെ കടുത്ത നാളുകളില് രാജ്യത്ത് വലിയ ഇന്ധനക്ഷാമം ഉണ്ടാകുമെന്ന തരത്തില് പല കോണുകളില് നിന്നും കിംവദന്തികളും ആശങ്കകളും പരന്നിരുന്നു എന്നും എന്നാല് ഇതിനെയെല്ലാം ശക്തമായി പ്രതിരോധിച്ച് രാജ്യത്തെ ഒട്ടാകെയുള്ള വിതരണ ശൃംഖലയെ സുഗമമായി മുന്നോട്ട് കൊണ്ടുപോകാന് സര്ക്കാരിന് സാധിച്ചു എന്നും അദ്ദേഹം അവകാശപ്പെട്ടു. യാതൊരുവിധത്തിലുള്ള ഇന്ധനക്ഷാമവും ആഭ്യന്തര വിപണിയില് അനുഭവപ്പെട്ടില്ല.
ഇത്തരം കിംവദന്തികള് പരത്താന് ശ്രമിച്ചവര്ക്ക് രാജ്യത്തെ സുസ്ഥിരമായ സാമ്പത്തിക സാഹചര്യമാണ് യഥാര്ത്ഥ മറുപടി നല്കിയതെന്നും അദ്ദേഹം പറഞ്ഞു. ആഗോള ഭൗമരാഷ്ട്രീയ സാഹചര്യങ്ങള് അതിവേഗം മാറിമറിയുന്ന സമയത്തും ഇന്ത്യ താല്പര്യങ്ങള്ക്ക് തന്നെയാണ് പരമമായ മുന്ഗണന നല്കിയതെന്ന് പ്രധാനമന്ത്രി പറഞ്ഞു. രാജ്യത്തിന്റെ ഊര്ജ്ജ ആവശ്യങ്ങള് വെല്ലുവിളികളില്ലാതെ നിറവേറ്റുന്നതിനായി 40 ലധികം വിദേശ രാജ്യങ്ങളുമായി സഹകരിച്ചു.
അതുവഴി വിപുലമായ രീതിയില് ഇന്ധന ഇറക്കുമതി ഉറപ്പാക്കാന് ഇന്ത്യക്ക് കഴിഞ്ഞു. വിപണിയിലെ കടുത്ത സമ്മര്ദ്ദങ്ങള്ക്കിടയിലും സ്വന്തം രാജ്യത്തെ ജനങ്ങളുടെ ജീവിതസുരക്ഷയ്ക്കാണ് സര്ക്കാര് പ്രഥമ പരിഗണന നല്കുന്നതെന്ന് തെളിയിക്കാന് ഇതിലൂടെ സാധിച്ചതായി അദ്ദേഹം അവകാശപ്പെട്ടു. ഊര്ജ്ജ വിപണിയിലെ ഈ വലിയ വിജയം കേവലം പെട്രോളിലും ഡീസലിലും മാത്രം ഒതുങ്ങുന്നതായിരുന്നില്ല എന്നും മോദി പറഞ്ഞു.
പാചകവാതക വിതരണത്തിലും സമാനമായ രീതിയില് കൃത്യതയും അച്ചടക്കവും പാലിക്കാന് സര്ക്കാരിന് മികച്ച രീതിയില് സാധിച്ചിട്ടുണ്ട്. അന്താരാഷ്ട്ര തലത്തില് ഉണ്ടായ കടുത്ത വിലക്കയറ്റം ഇന്ത്യന് ഉപഭോക്താക്കളുടെ കുടുംബ ബജറ്റുകളെ ദോഷകരമായി ബാധിക്കാതിരിക്കാന് ആവശ്യമായ സബ്സിഡികളും സാമ്പത്തിക സഹായങ്ങളും സമയബന്ധിതമായി വിതരണം ചെയ്യുകയാണ് ഇതിനായി സര്ക്കാര് ചെയ്തതെന്ന് പ്രധാനമന്ത്രി പറഞ്ഞു.
അന്താരാഷ്ട്ര വിപണിയിലെ വിലക്കയറ്റ നിരക്കുകള് അതേപടി പ്രതിഫലിച്ചിരുന്നുവെങ്കില് ഇന്ത്യയില് എല്പിജി സിലിണ്ടറുകളുടെ വില 2000 രൂപയ്ക്ക് മുകളിലേക്ക് ഉയര്ന്നേനെ എന്നും അദ്ദേഹം വ്യക്തമാക്കി. എന്നാല് സാധാരണക്കാരായ ജനങ്ങള്ക്ക് താങ്ങാവുന്ന രീതിയില് ഏകദേശം 950 രൂപയോളം വരുന്ന നിയന്ത്രിത വിലയിലാണ് കേന്ദ്ര സര്ക്കാര് സിലിണ്ടറുകള് വിതരണം ചെയ്തത്.
ഇതിനുപുറമേ, കേന്ദ്ര സര്ക്കാരിന്റെ മുന്നിര സാമൂഹിക ക്ഷേമ പദ്ധതിയായ പ്രധാനമന്ത്രി ഉജ്ജ്വല യോജനയിലൂടെ രാജ്യത്തെ കോടിക്കണക്കിന് ദരിദ്ര കുടുംബങ്ങള്ക്ക് സൗജന്യമായി ഗ്യാസ് കണക്ഷനുകള് നല്കിയതും സാധാരണക്കാരുടെ ജീവിതത്തെ ഏറെ സഹായിച്ചുവെന്ന് അദ്ദേഹം ചൂണ്ടിക്കാട്ടി.
Click it and Unblock the Notifications
Sign in with Google