ഗ്ലാമറില്‍ മോദിയെ തോല്‍പിക്കാനാരുണ്ട്?

Published: Saturday, August 16, 2014, 12:01 [IST]

ദില്ലി: കര്‍ശനമായ നിലപാടുകള്‍ കൊണ്ട് മാത്രമല്ല, മനോഹരമായ വേഷവിധാനങ്ങള്‍ കൊണ്ടും ശ്രദ്ധേയനാകുന്ന വ്യക്തിത്വമാണ് ഇന്ത്യയുടെ പ്രധാനമന്ത്രി നരേന്ദ്ര മോദി. രാഷ്ട്രീയ ജീവിതത്തിന്റെ തുടക്കം മുതല്‍ തന്നെ മോദിയുടെ ഡ്രസിംഗ് സെന്‍സ് അപാരമായിരുന്നു എന്നാണ് മോദിയുടെ അടുപ്പക്കാര്‍ പറയുന്നത്. വെട്ടിയൊതുക്കിയ താടിയും ചുളിവ് വീഴാത്ത വസ്ത്രങ്ങളും മോദിയെ വ്യത്യസ്തനാക്കി.

ആര്‍ഭാടം കൊണ്ടല്ല, വസ്ത്രധാരണത്തിലെ വൃത്തിയും കുലീനതയും കൊണ്ടാണ് മോദി ആളുകളെ കൈയ്യിലെടുക്കുന്നത്. കാവി കുര്‍ത്തയാകട്ടെ, വെള്ള പൈജാമയാകട്ടെ, നെഹ്‌റു ജാക്കറ്റ് ആകട്ടെ നരേന്ദ്ര മോദിക്ക് അത് നന്നായി ഇണങ്ങും. ഫോട്ടോജെനിക്കായ രൂപവും ഏത് വസ്ത്രവും ഇണങ്ങുന്ന പ്രകൃതവും തനിക്ക് ദൈവം തന്നതാണ് എന്നാണ് മോദിയുടെ വിശ്വാസം.

കഴിഞ്ഞ പ്രധാനമന്ത്രി മന്‍മോഹന്‍ സിംഗിന് എപ്പോഴും ഒരേ വേഷവും ഒരേ ഭാവവും ആയിരുന്നു. എന്നാല്‍ ഇപ്പോളത്തെ പ്രധാനമന്ത്രി മോദി നേരെ മറിച്ചാണ്. മോദിയുടെ വ്യത്യസ്തമായ രൂപഭാവങ്ങള്‍ കാണൂ.

സ്വാതന്ത്ര്യദിനത്തില്‍

അറുപത്തെട്ടാം സ്വാതന്ത്ര്യദിനത്തില്‍ വെളുത്ത പൈജാമയ്‌ക്കൊപ്പം കാവി തലപ്പാവും ധരിച്ചാണ് മോദി രാജ്യത്തെ അഭിസംബോധന ചെയ്തത്. സ്വാതന്ത്ര്യദിനത്തില്‍ ഗാര്‍ഡ് ഓഫ് ഓണര്‍ പരിശോധിക്കുന്ന പ്രധാനമന്ത്രി നരേന്ദ്ര മോദി.