നാഷണല് ഹെറാള്ഡ് കേസ്: സോണിയയ്ക്കും രാഹുലിനും കോടതി നോട്ടീസ്
ന്യൂഡല്ഹി: നാഷണല് ഹെറാള്ഡ് കള്ളപ്പണം വെളുപ്പിക്കല് കേസില് കോണ്ഗ്രസ് നേതാക്കളായ സോണിയ ഗാന്ധിക്കും രാഹുല് ഗാന്ധിക്കും നോട്ടീസ് അയച്ച് ഡല്ഹി കോടതി. എന്ഫോഴ്സ്മെന്റ് ഡയറക്ടറേറ്റ് കഴിഞ്ഞ മാസം സമര്പ്പിച്ച കുറ്റപത്രത്തിന്റെ പശ്ചാത്തലത്തില് ആണ് ഇരുനേതാക്കള്ക്കും കോടതി നോട്ടീസ് അയച്ചിരിക്കുന്നത്. പ്രതികള്ക്ക് എന്താണ് പറയാനുള്ളത് എന്ന് കേള്ക്കണം എന്ന് പ്രത്യേക ജഡ്ജി വിശാല് ഗോഗ്നെ ചൂണ്ടിക്കാട്ടി.
'കക്ഷികളെ ഏത് ഘട്ടത്തിലും കേള്ക്കാനുള്ള അവകാശം ന്യായമായ വിചാരണയ്ക്ക് ജീവന് പകരുന്നു,' ജഡ്ജി ഗോഗ്നെ നിരീക്ഷിച്ചു. കേസിലെ അടുത്ത വാദം കേള്ക്കല് മെയ് 8 ലേക്ക് മാറ്റി. ബിജെപി നേതാവും മുന് എംപിയുമായ സുബ്രഹ്മണ്യന് സ്വാമി 2014 ജൂണില് സമര്പ്പിച്ച സ്വകാര്യ ക്രിമിനല് പരാതി മജിസ്ട്രേറ്റ് കോടതി ഏറ്റെടുത്തതിനെ തുടര്ന്ന് 2021 ല് ആണ് നാഷണല് ഹെറാള്ഡ് കേസില് ഇഡി അന്വേഷണം ആരംഭിച്ചത്.
നാഷണല് ഹെറാള്ഡ് പത്രവുമായി ബന്ധപ്പെട്ട് ഉന്നത കോണ്ഗ്രസ് നേതൃത്വം ഉള്പ്പെട്ട ക്രിമിനല് ഗൂഢാലോചനയും സാമ്പത്തിക ദുരുപയോഗവും ഉണ്ടായി എന്നാണ് പരാതിയില് പറയുന്നത്. പത്രത്തിന്റെ മാതൃ കമ്പനിയായ അസോസിയേറ്റഡ് ജേണല്സ് ലിമിറ്റഡ് (എജെഎല്) ഏറ്റെടുക്കുന്നതിലും തുടര്ന്ന് സോണിയയ്ക്കും രാഹുല് ഗാന്ധിക്കും 38 ശതമാനം ഓഹരികള് കൈവശം വച്ചിരിക്കുന്ന ലാഭേച്ഛയില്ലാത്ത സ്ഥാപനമായ യംഗ് ഇന്ത്യന് രൂപീകരിക്കുന്നതിലും കേന്ദ്രീകരിച്ചാണ് ആരോപണങ്ങള്.
എജെഎല്ലിന്റേതായി ഉണ്ടായിരുന്ന 2,000 കോടി രൂപയിലധികം വിലമതിക്കുന്ന പ്രൈം റിയല് എസ്റ്റേറ്റ് ആസ്തികള് പരോക്ഷമായി ഏറ്റെടുക്കുന്നതിന് വേണ്ടിയാണ് ഇത് രൂപകല്പ്പന ചെയ്തിരിക്കുന്നത് എന്നാണ് ഇഡിയുടെ കണ്ടെത്തല്. എജെഎല്ലിന് കോണ്ഗ്രസ് ഏകദേശം 90 കോടി രൂപയുടെ ഈടില്ലാത്ത വായ്പ നല്കിയതായും പിന്നീട് ഇത് യംഗ് ഇന്ത്യന് നാമമാത്രമായ 50 ലക്ഷം രൂപയ്ക്ക് നല്കിയതായും ഇഡി അവകാശപ്പെടുന്നു.
ഇത് യംഗ് ഇന്ത്യന് എജെഎല്ലിന്റെയും അതിന്റെ സ്വത്തുക്കളുടെയും നിയന്ത്രണം നേടാന് അനുവദിച്ചതായി അന്വേഷണ ഏജന്സി പറയുന്നു. ഡല്ഹി, ലഖ്നൗ, മുംബൈ എന്നിവിടങ്ങളിലെ വിലപ്പെട്ട റിയല് എസ്റ്റേറ്റ് സ്വത്തുക്കളും ഇതില് ഉള്പ്പെടുന്നു. ഈ കരാറിലൂടെ ഗാന്ധി കുടുംബവും മറ്റ് കോണ്ഗ്രസ് വ്യക്തികളും ഏകദേശം 988 കോടി രൂപ വെളുപ്പിച്ചതായി ഇഡി ആരോപിച്ചു.
അതേസമയം കേസ് രാഷ്ട്രീയപ്രേരിതമാണ് എന്നാണ് കോണ്ഗ്രസ് പ്രതികരണം. അന്വേഷണ ഏജന്സികളെ രാഷ്ട്രീയ പ്രതികാരത്തിനുള്ള ഉപകരണങ്ങളായി കേന്ദ്രം ഉപയോഗിക്കുന്നതായി കോണ്ഗ്രസ് ആരോപിച്ചു. പ്രതികാര മനോഭാവത്തോടെയുള്ള നടപടിയില് പാര്ട്ടി ഭയപ്പെടില്ല എന്നാണ് കോണ്ഗ്രസ് പ്രസിഡന്റ് മല്ലികാര്ജുന് ഖാര്ഗെ പറഞ്ഞത്. യംഗ് ഇന്ത്യന് ഒരു ലാഭേച്ഛയില്ലാത്ത കമ്പനിയാണെന്നാണ് കോണ്ഗ്രസ് വളരെക്കാലമായി വാദിക്കുന്നത്.
-
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര്
Click it and Unblock the Notifications
Sign in with Google