1033 ഹെല്പ്പ്ലൈന് സേവനം പരിഷ്കരിക്കാന് ദേശീയപാത അതോറിറ്റി; എഐ ഫീച്ചറും ഉള്പ്പെടുത്തും
നാഷണല് ഹൈവേ അതോറിറ്റി തങ്ങളുടെ 1033 എന്ന ദേശീയപാത ഹെല്പ്പ്ലൈന് സംവിധാനം അത്യാധുനിക സാങ്കേതികവിദ്യ ഉപയോഗിച്ച് നവീകരിക്കാന് പദ്ധതിയിടുന്നു. ആര്ട്ടിഫിഷ്യല് ഇന്റലിജന്സ്, തത്സമയ ലൊക്കേഷന് ട്രാക്കിംഗ്, സ്മാര്ട്ട് എമര്ജന്സി റെസ്പോണ്സ് സംവിധാനങ്ങള് എന്നിവ ഈ നവീകരിച്ച ഹെല്പ്പ്ലൈനില് ഉള്പ്പെടുത്തും. ദേശീയപാത ഉപയോഗിക്കുന്നവര്ക്ക് വേഗത്തിലും മികച്ച രീതിയിലും സഹായം ലഭ്യമാക്കുകയാണ് ഈ നീക്കത്തിന്റെ ലക്ഷ്യം.
സഹായത്തിനായി വിളിക്കുന്നവരുടെ സ്ഥാനം തത്സമയം കണ്ടെത്താന് പുതിയ സംവിധാനം സഹായിക്കും. വിവിധ ഇന്ത്യന് ഭാഷകളിലുള്ള കോളുകള് കൈകാര്യം ചെയ്യാനും ഇത് സഹായിക്കും. ഇതുവഴി, വിളിക്കുന്നവര്ക്ക് തങ്ങളുടെ പ്രശ്നങ്ങള് വിശദീകരിക്കാനും സഹായം നേടാനും എളുപ്പമാകും. വ്യക്തികള് തന്നെയായിരിക്കും കോളുകള് കൈകാര്യം ചെയ്യുന്നത് തുടരുക.
പ്രത്യേകിച്ച് അടിയന്തര സാഹചര്യങ്ങളില് അവരുടെ പങ്ക് നിര്ണായകമായിരിക്കും. വിളിക്കുന്നവരെ വേഗത്തില് കണ്ടെത്താന് അടിയന്തര സേവന വിഭാഗങ്ങളെ പുതിയ സംവിധാനം സഹായിക്കും. വിളിക്കുന്നയാളുടെ ലൊക്കേഷന് ഈ സംവിധാനം സേവന സംഘവുമായി പങ്കുവെക്കും. സാഹചര്യത്തിനനുസരിച്ച് അനുയോജ്യമായ വാഹനം അയക്കാനും ഇത് സഹായിക്കും. ആംബുലന്സ്, ക്രെയിന് അല്ലെങ്കില് പട്രോള് വാഹനം എന്നിവ ഇതില് ഉള്പ്പെടാം.
ദേശീയപാതകളിലെ അടിയന്തര സാഹചര്യങ്ങളില് പ്രതികരണ സമയം കുറയ്ക്കുകയും ഏകോപനം മെച്ചപ്പെടുത്തുകയും ചെയ്യുക എന്നതാണ് ഇതിന്റെ ലക്ഷ്യം. നാഷണല് െൈഹവേ അതോറിറ്റിയുടെ കീഴിലുള്ള ഇന്ത്യന് ഹൈവേ മാനേജ്മെന്റ് കമ്പനി ലിമിറ്റഡ്, കമ്പനികളില് നിന്നും കണ്സോര്ഷ്യങ്ങളില് നിന്നും താല്പ്പര്യപത്രം ക്ഷണിച്ചിട്ടുണ്ട്. തിരഞ്ഞെടുക്കപ്പെടുന്ന ഏജന്സികള് പുതിയ ഹെല്പ്പ്ലൈനിന്റെയും കോള് സെന്ററിന്റെയും വികസനം, രൂപകല്പ്പന, നടപ്പാക്കല്, പ്രവര്ത്തനം, പരിപാലനം എന്നിവയില് പ്രവര്ത്തിക്കും.
ഇന്ത്യന് ഹൈവേ മാനേജ്മെന്റ് കമ്പനി ലിമിറ്റഡ് വ്യവസായ രംഗത്തെ വിദഗ്ധരില് നിന്ന് നിര്ദ്ദേശങ്ങളും സാങ്കേതിക വിവരങ്ങളും തേടും. പുതിയ സംവിധാനത്തിനായുള്ള മാനദണ്ഡങ്ങള് അന്തിമമാക്കുമ്പോള് വ്യവസായ രംഗത്തെ മികച്ച പ്രവര്ത്തനരീതികള് പരിഗണിക്കും. നവീകരിച്ച ഹെല്പ്പ്ലൈന്, ഹൈവേ ഉപയോഗിക്കുന്നവര്ക്ക് അപകടങ്ങള്, മറ്റ് സംഭവങ്ങള്, പ്രധാനപ്പെട്ട വിവരങ്ങള് എന്നിവയെക്കുറിച്ച് കൃത്യസമയത്ത് മുന്നറിയിപ്പുകളും നിര്ദ്ദേശങ്ങളും നല്കും.
ഇത് ഹെല്പ്പ്ലൈന്, അടിയന്തര സേവന വിഭാഗങ്ങള്, ദേശീയപാത പ്രവര്ത്തന വിഭാഗങ്ങള് എന്നിവ തമ്മിലുള്ള ഏകോപനം മെച്ചപ്പെടുത്തും. സാങ്കേതികവിദ്യയും മനുഷ്യസഹായവും സംയോജിപ്പിച്ച് ഉപയോഗിക്കുന്നത് ദേശീയപാതകളിലെ സഹായം വേഗത്തിലാക്കാനും കൂടുതല് ഏകോപിപ്പിക്കാനും സഹായിക്കുമെന്ന് നാഷണല് ഹൈവേ അതോറിറ്റി അറിയിച്ചു. അതിനിടെ, ടോള് പിരിവിലെ ക്രമക്കേടുമായി ബന്ധപ്പെട്ട് ഇഡി ഈ മാസമാദ്യം 14 സ്ഥലങ്ങളില് പരിശോധന നടത്തി.
ഉത്തര്പ്രദേശ്, രാജസ്ഥാന്, മഹാരാഷ്ട്ര, ജമ്മു, മധ്യപ്രദേശ്, എന്സിആര്, കൊല്ക്കത്ത എന്നിവിടങ്ങളിലാണ് പരിശോധനകള് നടന്നത്. വ്യാജ ടോള് രസീതുകള് ഉണ്ടാക്കുന്നതിനും ഔദ്യോഗിക അക്കൗണ്ടിംഗ് സംവിധാനത്തിന് പുറത്തേക്ക് ടോള് വരുമാനം വഴിതിരിച്ചുവിടുന്നതിനും അനധികൃത സോഫ്റ്റ്വെയര് ഉപയോഗിച്ചതായി അന്വേഷണത്തില് കണ്ടെത്തിയെന്ന് ഇഡി അറിയിച്ചു.
Click it and Unblock the Notifications
Sign in with Google
