ദേശീയ നീന്തൽതാരത്തെ ആത്മഹത്യയിലേക്ക് നയിച്ചതെന്ത്...?ദേശീയ ഗെയിംസ് ജേതാവ് തൂങ്ങി മരിച്ചു...!!!
കേരളത്തിൽ നടന്ന ദേശീയ ഗെയിംസിലെ വിജയി താനിയ ധാരയെയാണ് തൂങ്ങി മരിച്ച നിലയിൽ കണ്ടെത്തിയത്.
മുംബൈ: ദേശീയ നീന്തല്താരം തൂങ്ങി മരിച്ചു. റെയില്വേ ഉദ്യോഗസ്ഥയും നാഷണല് ഗെയിംസ് ജേതാവുമായ തനിക ധാരയെയാണ് മുംബൈയിലെ വീട്ടില് തൂങ്ങി മരിച്ച നിലയില് കണ്ടെത്തിയത്. റെയില്വേയില് ക്ലര്ക്കായി ജോലി ചെയ്യുകയായിരുന്നു 23കാരിയായ താനിക. യുവതിയെ കാണാനായി വാടക വീട്ടിലെത്തിയ സുഹൃത്തുക്കളാണ് മൃതദേഹം ആദ്യം കണ്ടത്.
കൊല്ക്കത്ത സ്വദേശിയായ താനിക മുംബൈയില് വാടക വീട്ടില് ആയിരുന്നു താമസിച്ചിരുന്നത്. വീട് തുറക്കാത്തതിനെ തുടര്ന്ന് സുഹൃത്തുക്കള് വാതില് പൊളിച്ച് അകത്ത് കയറി പരിശോധിച്ചപ്പോഴാണ് ജനല്ക്കമ്പിയില് തൂങ്ങി മരിച്ച നിലയില് യുവതിയുടെ മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രിയിലേക്ക് മാറ്റിയിരിക്കുകയാണ്.
കൊല്ക്കത്തയിലുള്ള താനികയുടെ ബന്ധുക്കളെ വിവരം അറിയിച്ചിട്ടുണ്ട്. എന്താണ് യുവതിയെ ആത്മഹത്യയിലേക്ക് നയിച്ചതെന്ന് വ്യക്തമല്ല. താനികയ്ക്ക് എന്തെങ്കിലും പ്രശ്നങ്ങള്് ഉള്ളതായി അറിയില്ലെന്ന് ബന്ധുക്കളും പറയുന്നു. അസ്വാഭാവിക മരണത്തിന് കേസെടുത്ത പൊലീസ് അന്വേഷണം തുടങ്ങി.