Click it and Unblock the Notifications
Just In
Don't Miss
-
റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം -
IPL 2024: 3 വിക്കറ്റിനു ഒരു വിലയുമില്ലേ? അവാര്ഡ് അര്ഹിച്ചത് മുകേഷ്! റിഷഭിന് എന്തിന് കൊടുത്തു -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ -
25 തികഞ്ഞ 'ധൂം' ബൈക്കിന്റെ സ്പെഷ്യല് എഡിഷനുമായി സുസുക്കി! വാങ്ങാന് എസ്യുവിയുടെ വിലയാകും -
കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
ബിജെപിക്ക് വീണ്ടും തിരിച്ചടി: കീര്‍ത്തി ആസാദിന്റെ ഭാര്യയും ആം ആദ്മിയിലേക്ക്!
ദില്ലി: നവ്‌ജ്യോത് സിംഗ് സിദ്ദുവിന് പിന്നാലെ കീര്‍ത്തി ആസാദിന്റെ ഭാര്യ പൂനം ഝായും ആം ആദ്മി പാര്‍ട്ടിയിലേക്ക് എന്ന് സൂചന. കഴിഞ്ഞ ദിവസം എം പി സ്ഥാനം രാജിവെച്ച സിദ്ദു ബി ജെ പി വിടുമെന്നും അരവിന്ദ് കെജ്രിവാളിന്റെ ആം ആദ്മി പാര്‍ട്ടിയില്‍ ചേരുമെന്നാണ് റിപ്പോര്‍ട്ടുകള്‍. ദില്ലി ബി ജെ പി വക്താവാണ് പൂനം ഝാ. മൂന്ന് തവണ ബി ജെ പി ദേശീയ എക്‌സിക്യുട്ടീവംഗമായിരുന്ന പൂനം ഇപ്പോള്‍ പാര്‍ട്ടി നേതൃത്വത്തില്‍ സജീവമല്ല.
ഇന്ത്യന്‍ ക്രിക്കറ്റ് ടീമംഗമായിരുന്ന കീര്‍ത്തി ആസാദ് ബി ജെ പി എം പിയാണ്. ബിഹാറിലെ ധര്‍ബാങയില്‍ നിന്നുള്ള ലോക്‌സഭാംഗമാണ് കീര്‍ത്തി ആസാദ്. ആസാദിനെ പാര്‍ട്ടി വിരുദ്ധ പ്രവര്‍ത്തനങ്ങള്‍ക്ക് ബി ജെ പി സസ്‌പെന്‍ഡ് ചെയ്തിരിക്കുകയാണ് ഇപ്പോള്‍. ഭാര്യ പൂനം ഝാ ആം ആദ്മി പാര്‍ട്ടിയില്‍ ചേരുന്നത് അവരുടെ വ്യക്തിപരമായ കാര്യമാണ് എന്നാണ് കീര്‍ത്തി ആസാദിന്റെ നിലപാട്.
ഏതാനും ദിവസങ്ങള്‍ക്കകം ആം ആദ്മി പാര്‍ട്ടി പത്രസമ്മേളനം വിളിച്ചുകൂട്ടി സിദ്ദുവിന്റെയും പൂനം ഝായുടെയും പാര്‍ട്ടി പ്രവേശനം പ്രഖ്യാപിക്കും എന്നാണ് കരുതുന്നത്. ദില്ലി കഴിഞ്ഞാല്‍ ആം ആദ്മി പാര്‍ട്ടിക്ക് ഏറ്റവും കൂടുതല്‍ പിന്തുണയുള്ള പഞ്ചാബില്‍ സിദ്ദുവിനെ മുന്‍നിര്‍ത്തി അസംബ്ലി തിരഞ്ഞെടുപ്പിനെ നേരിടാനാകും പാര്‍ട്ടിയുടെ ശ്രമം. എന്‍ ഡി എ സഖ്യകക്ഷിയായ ശിരോമണി അകാലിദളാണ് ഇപ്പോള്‍ പഞ്ചാബ് ഭരിക്കുന്നത്.
ദില്ലി ക്രിക്കറ്റ് അസോസിയേഷനുമായി ബന്ധപ്പെട്ട വിവാദത്തിലാണ് കീര്‍ത്തി ആസാദിന് ബി ജെ പിയില്‍ നിന്നും സസ്‌പെന്‍ഷന്‍ നേരിടേണ്ടി വന്നത്. ബി ജെ പിയുടെ പ്രമുഖ നേതാവായ അരുണ്‍ ജെയ്റ്റ്‌ലി ചെയര്‍മാനായിരുന്ന കാലത്ത് ദില്ലി ക്രിക്കറ്റ് അസോസിയേഷനില്‍ വന്‍ സാമ്പത്തിക ക്രമക്കേട് നടന്നു എന്നാണ് കീര്‍ത്തി ആസാദ് ആരോപിക്കുന്നത്.
