പേരക്കുട്ടിയുടെ വിവാഹത്തിന് ഷെരീഫ് ധരിച്ചത് ഇന്ത്യന് തലപ്പാവ്; സമ്മാനിച്ചത് സാക്ഷാല് മോദി
ലാഹോര് : പേരക്കുട്ടിയുടെ വിവാഹത്തിന് പാകിസ്ഥാന് പ്രധാനമന്ത്രി നവാസ് ഷെരീഷ് ധരിച്ചത് നരേന്ദ്ര മോദി സമ്മാനിച്ച തലപ്പാവ്. പിങ്ക് നിറത്തിലുള്ള ഇന്ത്യന് രാജസ്ഥാനി തലപ്പാവ് ധരിച്ചാണ് ഷെരീഫ് വിവാഹ ചടങ്ങില് പങ്കെടുത്തത്.
മോദി ലാഹോര് സന്ദര്ശനത്തിനിടെ സമ്മാനിച്ചതാണെന്ന് നവാസ് ഷെരീഫിന്റെ അടുത്ത വൃത്തങ്ങള് അറിയിച്ചു. ഇന്ത്യയുമായുള്ള ബന്ധം ഊട്ടിയുറപ്പിക്കുന്നതിന്് ഷെരീഫ് നല്കുന്ന പ്രാധാന്യമാണ് ഇതിലൂടെ വെളിവാകുന്നതെന്ന് പി എം എല് എന് വൃത്തങ്ങള് അറിയിച്ചു.
ഷെരീഫിന്റെ പേരക്കുട്ടി മെഹ്റാന് നിസയും പ്രമുഖ വ്യവസായി ചൗധരി മുനീറിന്റെ മകന് റഹീല് മുനീറും തമ്മിലായിരുന്നു വിവാഹം. മോദിയുടെ പാക് സന്ദര്ശനത്തിനിടെ മെഹ്റാന് നിസയ്ക്ക് വിവാഹ ആശംസകള് സമ്മാനങ്ങളും നല്കിയിരുന്നു.
ഷെരീഫിന്റെ പിറന്നാളും പേരക്കുട്ടിയുടെ വിവാഹ പരിപാടികളും ചേര്ന്ന് സന്ദര്ശനം ഇരട്ടി മധുരമായെന്ന് മോദി ട്വിറ്ററില് കുറിച്ചു.