മഹാരാഷ്ട്രയിൽ നക്സലുകളും പോലീസും തമ്മിൽ ഏറ്റുമുട്ടൽ; 14 നക്സലുകൾ കൊല്ലപ്പെട്ടു...
നക്സലുകളുമായുള്ള ഏറ്റുമുട്ടൽ ഇപ്പോഴും തുടരുകയാണെന്നാണ് റിപ്പോർട്ട്.
മുംബൈ: മഹാരാഷ്ട്രയിലെ ഗഡ്ചിരോളി ജില്ലയിൽ പോലീസും നക്സലുകളും തമ്മിലുണ്ടായ ഏറ്റുമുട്ടലിൽ 14 നക്സലൈറ്റുകൾ കൊല്ലപ്പെട്ടു. ഞായറാഴ്ച രാവിലെയാണ് ഗഡ്ചിരോളിയിലെ വനപ്രദേശത്ത് പോലീസും നക്സലുകളും തമ്മിൽ ഏറ്റുമുട്ടൽ ഉണ്ടായത്. നക്സലുകളുമായുള്ള ഏറ്റുമുട്ടൽ ഇപ്പോഴും തുടരുകയാണെന്നാണ് റിപ്പോർട്ട്.
ഞായറാഴ്ച രാവിലെ തുടങ്ങിയ ഏറ്റുമുട്ടലിൽ നക്സലുകളുടെ രണ്ട് ജില്ലാ കമാൻഡർമാർ ഉൾപ്പെടെയുള്ളവരെ വധിച്ചെന്നാണ് ഐജി ശരദ് ഷേലാർ അറിയിച്ചത്. സായ്നാഥ്, സൈന്യൂ എന്നിവരാണ് ഏറ്റുമുട്ടലിൽ കൊല്ലപ്പെട്ട നക്സൽ കമാൻഡർമാർ. ഗഡ്ചിരോളി പോലീസിന്റെ പ്രത്യേക വിഭാഗമായ സി-60 കമാൻഡോസാണ് വനമേഖലയിലെ ഓപ്പറേഷന് നേതൃത്വം നൽകുന്നത്. ബംറഗാദിലെ ടാഡ്ഗോവ് വനമേഖലയിൽ ആരംഭിച്ച ഏറ്റുമുട്ടൽ ഇപ്പോഴും തുടരുകയാണെന്നും കൂടുതൽ വിവരങ്ങൾ പിന്നീട് വിശദീകരിക്കാമെന്നും ഐജി ശരദ് ഷേലാർ മാധ്യമങ്ങളോട് പറഞ്ഞു.
നക്സലുകളുമായി ഏറ്റുമുട്ടൽ നടത്തുകയും 14 നക്സലുകളെ വധിക്കുകയും ചെയ്ത സി-60 കമാൻഡോ ടീമിനെ മഹാരാഷ്ട്ര ഡിജിപി സതീഷ് മാത്തൂർ അഭിനന്ദനമറിയിച്ചു. നക്സലുകൾക്കെതിരെ അടുത്തകാലത്ത് നടന്ന പ്രധാനപ്പെട്ട ഓപ്പറേഷനാണ് ഗഡ്ചിരോളിയിലേതെന്നും ഡിജിപി കൂട്ടിച്ചേർത്തു.
തൂങ്ങിമരിച്ച അമ്മയുടെ മൃതദേഹത്തിനരികെ ഒന്നുമറിയാതെ ആറ് വയസുകാരനായ മകൻ! മൂന്ന് പകലും രാത്രിയും...
മുൻ സീരിയൽ നടിയെ കൊലപ്പെടുത്തി യുവാവ് ആത്മഹത്യ ചെയ്തു! മീരയും നൗഫലും കൊച്ചിയിൽ ഒരുമിച്ച് താമസം...