Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിമാനത്തില്‍ കയറ്റിയില്ല; എംപി എയര്‍ ഇന്ത്യ ഉദ്യോഗസ്ഥന്റെ കരണത്തടിച്ചു!
തിരുപ്പതി: വിമാനത്താവളത്തില്‍ വൈകിയെത്തിയ എം പി എയര്‍ ഇന്ത്യ ഉദ്യോഗസ്ഥന്റെ കരണത്തടിച്ചു. ആന്ധ്രപ്രദേശിലെ തിരുപ്പതിയിലാണ് ഞെട്ടിപ്പിക്കുന്ന സംഭവം. വൈകിയെത്തിയ എം പി വിമാനത്തില്‍ കയറാന്‍ അനുവദിക്കാത്തതിന്റെ ദേഷ്യം തീര്‍ക്കാനായി ഉദ്യോഗസ്ഥനെ അടിക്കുകയായിരുന്നു. വൈ എസ് ആര്‍ കോണ്‍ഗ്രസിന്റെ പാര്‍ലമെന്റ് അംഗമാണ് ഉദ്യോഗസ്ഥനെ മര്‍ദ്ദിച്ചത്. ഇദ്ദേഹത്തിന്റെ പേര് അറിയാന്‍ കഴിഞ്ഞിട്ടില്ല.
വിമാനം പുറപ്പെടുന്നതിന് 20 - 25 മിനുട്ട് മുമ്പ് മാത്രമാണ് എം പി തിരുപ്പതി വിമാനത്താവളത്തില്‍ എത്തിയത്. ബന്ധുക്കളും ഒപ്പമുണ്ടായിരുന്നു. എന്നാല്‍ എം പിയെയും കൂട്ടരെയും അകത്തുകടക്കാന്‍ ഉദ്യോഗസ്ഥര്‍ അനുവദിച്ചില്ല. ആഭ്യന്തര വിമാനങ്ങള്‍ പുറപ്പെടുന്നതിന് 45 മിനുട്ട് മുമ്പ് ചെക്കിംഗ് പൂര്‍ത്തിയാക്കി ബോര്‍ഡിങ് കൗണ്ടറുകള്‍ അടക്കണമെന്നാണ് നിയമം. ഇക്കാരണം കൊണ്ടാണ് ഉദ്യോഗസ്ഥര്‍ എം പിയെ വിമാനത്തില്‍ കയറാന്‍ അനുവദിക്കാതിരുന്നത്.
രണ്ടരയോടെ വിമാനത്താവളത്തിലെത്തിയ എം പി, തന്നെയും ബന്ധുക്കളെയും കൂടി വിമാനത്തില്‍ കയറ്റണമെന്ന് സ്റ്റേഷന്‍ മാനേജരോട് ആവശ്യപ്പെട്ടു. എന്നാല്‍ സമയം കഴിഞ്ഞു എന്നും എം പിയുടെ ആവശ്യം അനുവദിക്കാനാവില്ല എന്നും ഉദ്യോഗസ്ഥന്‍ ഖേദപൂര്‍വ്വം അറിയിച്ചു. എന്നാല്‍ പൊടുന്നനെ എം പി സ്റ്റേഷന്‍ മാസ്റ്ററെ അടിക്കുകയായിരുന്നു. സഹപ്രവര്‍ത്തകര്‍ ആവശ്യപ്പെട്ടെങ്കിലും എം പിക്കെതിരെ പരാതി നല്‍കാന്‍ സ്റ്റേഷന്‍ മാസ്റ്റര്‍ തയ്യാറായിട്ടില്ല.
