കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ന്യൂയോര്‍ക്ക് ടൈംസിന് തെറ്റി, ഇത് ദിഗ്‌വിജയ് സിംഗിന്റെ മകളല്ല

  • By Muralidharan
Google Oneindia Malayalam News

നരേന്ദ്ര മോദിയുടെ കടുത്ത വിമര്‍ശകനാണ് കോണ്‍ഗ്രസ് നേതാവ് ദിഗ്‌വിജയ് സിംഗ്. എന്നാല്‍ നരേന്ദ്ര മോദി ഇതുവരെ ഒന്നും സിംഗിനെതിരെ ഒന്നും പറഞ്ഞിട്ടില്ല. എന്നാല്‍ പ്രധാനമന്ത്രി നരേന്ദ്ര മോദിയുടെ സെല്‍ഫി വിത് ഡോട്ടര്‍ ക്യാംപെയ്ന്‍ സിംഗിന് ഒരു പണികൊടുത്തു. മാധ്യമഭീമന്മാരായ ന്യൂയോര്‍ക്ക് ടൈംസിന്റെ രൂപത്തിലാണ് സെല്‍ഫി വിത് ഡോട്ടര്‍ സിംഗിന് പാരയായത്.

സെല്‍ഫി വിത് ഡോട്ടര്‍ പരിപാടിയെപ്പറ്റി ന്യൂയോര്‍ക്ക് ടൈംസ് എഴുതിയ ലേഖനത്തിലാണ് ദിഗ്‌വിജയ് സിംഗിന്റെ ചിത്രം പ്രസിദ്ധീകരിച്ചത്. അതിലെന്താണ് ഇത്ര വലിയ പ്രശ്‌നമെന്നാകും സംശയം അല്ലേ. പ്രശ്‌നമുണ്ട്. സിംഗിനൊപ്പം കൊടുത്തിരിക്കുന്ന ചിത്രം മകളുടേതല്ല എന്നത് തന്നെ പ്രശ്‌നം. മാധ്യമപ്രവര്‍ത്തകയും സിംഗിന്റെ കാമുകിയുമായ അമൃതറായിയുടെ ചിത്രമാണ് ന്യൂയോര്‍ക്ക് ടൈംസ് നല്‍കിയത്.

vijayamritarai

2014ല്‍ ലോക്‌സഭ തിരഞ്ഞെടുപ്പിന് തൊട്ടുമുന്‍പാണ് അമൃതറായിയുമായുള്ള ദിഗ്‌വിജയ് സിംഗിന്റെ ബന്ധം പുറത്തായത്. ഇരുവരുടെയും ചിത്രങ്ങള്‍ സോഷ്യല്‍ മീഡിയയില്‍ പ്രചരിക്കാന്‍ തുടങ്ങിയതോടെ സിംഗും അമൃതാ റായിയും പ്രണയം സമ്മതിച്ച് രംഗത്തെത്തിയിരുന്നു. ഈ സമയത്ത് പ്രചരിച്ച ചിത്രം ആരോ സെല്‍ഫി വിത് ഡോട്ടര്‍ ടാഗുമായി വീണ്ടും ട്വിറ്ററിലിട്ടു.

ഈ ചിത്രം കണ്ട് തെറ്റിദ്ധരിച്ച ന്യൂയോര്‍ക്ക് ടൈംസ് ചിത്രം അങ്ങനെ തന്നെ പേജില്‍ വെക്കുകയായിരുന്നു. മകള്‍ക്കൊപ്പമുള്ള സെല്‍ഫികളുടെ കൂട്ടത്തിലാണ് സിംഗും അമൃതാ റായിയും ഒരുമിച്ചുള്ള ചിത്രം പ്രസിദ്ധീകരിച്ചുവന്നത്. ന്യൂയോര്‍ക്ക് ടൈംസില്‍ തങ്ങളുടെ ചിത്രം പ്രസിദ്ധീകരിച്ചതിനോട് ദിഗ്‌വിജയ് സിംഗോ അമൃതാ റായിയോ പ്രതികരിച്ചിട്ടില്ല.

English summary
New York Times makes a mistake with Digvijay Singh picture over SelfieWithDaughter campaign
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X