രാമായണത്തിലെ വിഭീഷണന്; സീരിയല് താരം മുകേഷ് റാവലിനെ മരിച്ച നിലയില് കണ്ടെത്തി
സീരിയല് താരം മുകേഷ് റാവലിനെ കണ്ടിവാലി റെയില്വെ ട്രാക്കില് മരിച്ച നിലയില് കണ്ടെത്തി. രാമായണം സീരിയലിലെ വിഭീഷണനിലൂടെയാണ് പ്രശസ്തനായ
ദൂരദര്ശനിലെ രാമായണം സീരിയല് കണ്ടവരാരും വിഭീഷണനെ മറന്നു കാണില്ല. രാവണന് സീതയെ തട്ടിക്കൊണ്ട് വന്നപ്പോള് സുരക്ഷിതമായി സീതയെ രാമന് കൈമാറാന് ഉപദേശിക്കുന്ന അനുജനെ അത്ര പെട്ടെന്നാരും മറക്കില്ല. രാമായണം ഉള്പ്പടെ നിരവധി സീരിയലുകളില് വേഷമിട്ട മുകേഷ് റാവല് അന്തരിച്ചു.
മഹാരാഷ്ട്രയിലെ കണ്ടിവാലി റെയില്വെ ട്രാക്കില് ചൊവ്വാഴ്ചയാണ് മൃതദേഹം കണ്ടെത്തിയത്. ട്രാക്കുകള്ക്കിടയിലൂടെ നടക്കുമ്പോള് അപകടം സംഭവിച്ചതാകാമെന്ന് റെയില്വെ പോലീസ് പറഞ്ഞു. അപകടം നടന്നയുടന് ആശുപത്രിയിലെത്തിച്ചുവെങ്കിലും അദ്ദേഹത്തെ രക്ഷിക്കാനായില്ല. ദൂരദര്ശനില് സംപ്രേഷണം ചെയത രാമായണമാണ് മുകേഷിനെ പ്രശസ്തിയിലേക്കെത്തിച്ചത്. നിരവധി ഗുജറാത്തി സീരിയലുകളിലും അഭിനയിച്ചിട്ടുണ്ട്.
അന്വേഷണം
രണ്ടു ദിവസമായി മുകേഷ് റാവലിനെ കാണാതായിട്ട്. പിന്നീട് ബന്ധുക്കള് നടത്തിയ തിരച്ചിലിനൊടുവിലാണ് മരണം സ്ഥിരീകരിച്ചത്.
തിരിച്ചറിയാന് കഴിഞ്ഞില്ല
കണ്ടിവാലി റയില്വെ ട്രാക്കില് അപകടം നടന്നയുടന് അപകടത്തില്പ്പെട്ടയാളെ ഹോസ്പിറ്റലില് എത്തിച്ചിരുന്നു. എന്നാല് ആളെ തിരിച്ചറിയാനുള്ള യാതൊരു വിധ രേഖകളും ഉണ്ടായിരുന്നില്ല. മൊബൈല് ഫോണ് പോലും ഇല്ലായിരുന്നു.
വസ്ത്രം കണ്ട്
മുകേഷ് ധരിച്ചിരിക്കുന്ന വസ്ത്രം കണ്ട് മകളാണ് മൃതദേഹം തിരിച്ചറിഞ്ഞത്.
അപകട മരണം
റെയില്വെ ട്രാക്കിനിടയിലൂടെ നടക്കുമ്പോള് ട്രയിന് ഇടിച്ചിട്ടതാവാമെന്ന് റെയില്വെ പോലീസ് പറയുന്നു.