ത്രിപുര ബിജെപി കയ്യടക്കും: ബിജെപി സഖ്യത്തിന് 37ലധികം സീറ്റ് ലഭിക്കും, സിപിഎമ്മിന് തിരിച്ചടി!

ദില്ലി: ത്രിപുര നിയമസഭാ തിരഞ്ഞെടുപ്പിൽ വിജയം ബിജെപിയ്ക്കൊപ്പമെന്ന് ന്യൂസ് എക്സ്- ജന്‍ കി ബാത് എക്സിറ്റ് പോൾ ഫലം. ബിജെപിയ്ക്ക് 31 മുതൽ 37 വരെ സീറ്റുകൾ ലഭിക്കുമെന്ന് ന്യൂസ് എക്സ്- ജന്‍ കി ബാത് എക്സിറ്റ് പോൾ ഫലം. ത്രിപുരയില്‍ ബിജെപി സഖ്യത്തിന് 37ലധികം സീറ്റുകള്‍ ലഭിക്കുമെന്നും എക്സിറ്റ് പോൾ ഫലം ചൂണ്ടിക്കാണിക്കുന്നു. ത്രിപുര നിയമസഭാ തിരഞ്ഞ‍െടുപ്പിന് ശേഷം പുറത്തുവരുന്ന ആദ്യത്തെ എക്സിറ്റ് പോൾ ഫലമാണിത്. ത്രിപുരയില്‍ സിപിഎമ്മിനെ മറികടന്ന് ബിജെപി അധികാരത്തിലെത്തുമെന്നാണ് എക്സിറ്റ് പോള്‍ ചൂണ്ടിക്കാണിക്കുന്നത്. സിപിഎമ്മിന് 9 മുതല്‍ 15 സീറ്റുകളാണ് ലഭിക്കുകയെന്നും എക്സിറ്റ് പോൾ ഫലം ചൂണ്ടിക്കാണിക്കുന്നു.

നാഗാലാന്‍ഡ്, മേഘാലയ നിയമസഭാ തിരഞ്ഞ‍െടുപ്പുകള്‍ പൂര്‍ത്തിയായതിന് പിന്നാലെയാണ് ദേശീയ മാധ്യമങ്ങള്‍ എക്സിറ്റ് പോള്‍ഫലം പുറത്തുവിടുവന്നനത്. ത്രിപുരയിൽ ബിജെപി ഭരണം കയ്യാളുമെന്നാണ് ആക്സിസ് മൈ ഇന്ത്യ സർവേ ഫലം സൂചിപ്പിക്കുന്നത്. ആകെയുള്ള 60 സീറ്റിൽ 44 മുതല്‍ 50 വരെ സീറ്റുകള്‍ നേടി ബിജെപി അധികാരത്തിലെത്തുമെന്നാണ് ആക്സിസ് മൈ ഇന്ത്യ സര്‍വേ ഫലം സൂചിപ്പിക്കുന്നത്.

English summary

First Exit Poll by News X-Jan ki Baat predicts 31-37 seats for BJP and 37+ for BJP alliance in Tripura.