Click it and Unblock the Notifications
Just In
Don't Miss
-
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ' -
മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം -
'പ്രണയത്തിൻ്റെ പേരിൽ ജാസ്മിൻ എന്നെ വിഡ്ഢിയാക്കി, ഞാൻ അനുഭവിക്കുന്നത് ഇനി അവൾ മനസിലാക്കും'; ഭാവി വരൻ അഫ്സൽ -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
നിര്‍ഭയ കേസ്; വധശിക്ഷയ്ക്ക് വിധിക്കപ്പെട്ട കുറ്റവാളികള്‍ ചീഫ് ജസ്റ്റിസിന് കത്തയച്ചു
ദില്ലി: ദില്ലി ബലാത്സംഗക്കേസില്‍ വധശിക്ഷ കാത്തുകഴിയുന്ന രണ്ടു കുറ്റവാളികള്‍ സുപ്രീം കോടതി ചീഫ് ജസ്റ്റിസിന് കത്തയച്ചു. വധശിക്ഷയ്‌ക്കെതിരെ പ്രതികള്‍ നല്‍കിയ അപ്പീലില്‍ രണ്ട് അമിക്കസ് ക്യൂറിമാരെ നിയമിക്കാന്‍ സുപ്രീകോടതി തീരുമാനിച്ചിരുന്നു. ഈ അമിക്കസ് ക്യൂറിമാരെ മാറ്റണമെന്നാവശ്യപ്പെട്ടാണ് കുറ്റവാളികള്‍ കത്തയച്ചത്.
രാജു രാമചന്ദ്രന്‍, സഞ്ജയ് ഹെഗ്‌ഡെ എന്നിവരാണ് കുറ്റവാളികള്‍ക്ക് വധശിക്ഷ നല്‍കുന്നകാര്യത്തെക്കുറിച്ച് റിപ്പോര്‍ട്ട് നല്‍കാന്‍ നിയോഗിക്കപ്പെട്ട അമിക്കസ് ക്യൂറിമാര്‍. എന്നാല്‍ ഇവര്‍ പക്ഷപാതപരമായി റിപ്പോര്‍ട്ട് തയ്യാറാക്കുമെന്നും ടിവി പരിപാടികളില്‍ തങ്ങള്‍ക്കെതിരെ രംഗത്തെത്തിയവരാണ് ഇവരെന്നും കുറ്റവാളികള്‍ പറയുന്നു.
ജസ്റ്റിസ് ദീപക് മിശ്ര, ജസ്റ്റിസ് സി നാഗപ്പന്‍, ജസ്റ്റിസ് ആര്‍ ഭാനുമൂര്‍ത്തി എത്തിവരാണ് നിര്‍ഭയക്കേസ് കുറ്റവാളികളുടെ അപ്പീല്‍ പരിഗണിക്കുന്നത്. കോടതി നിയോഗിച്ചവര്‍ കഴിവില്ലാത്തവരല്ലെന്ന് ജസ്റ്റിസ് ദീപക് മിശ്ര ചൂണ്ടിക്കാട്ടി. അഡ്വ. ആര്‍ എല്‍ ശര്‍മയാണ് കുറ്റവാളികള്‍ക്കുവേണ്ടി കോടതിയില്‍ ഹാജരാകുന്നത്. കേസ് ജൂലൈ 18ന് വാദം കേള്‍ക്കും.
കേസില്‍ കക്ഷിചേരാനുള്ള പ്രതികളിലൊരാളുടെ അമ്മയുടെ അപേക്ഷയിലും കോടതി വാദം കേള്‍ക്കാന്‍ തീരുമാനിച്ചിട്ടുണ്ട്. അപ്പെക്‌സ് കോടതിയാണ് മുതിര്‍ന്ന അഭിഭാഷകരെ അമിക്കസ് ക്യൂറിയായി നിയമിച്ചത്. വിഷയത്തില്‍ കോടതിയെ സഹായിക്കുകയാണ് അമിക്കസ് ക്യൂറിയുടെ പ്രധന ചുമതല.
