Click it and Unblock the Notifications
Just In
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
സുമലത ബിജെപിയിലേക്ക്? മാണ്ഡ്യ സീറ്റില്‍ തന്നെ മല്‍സരിക്കും; പ്രചാരണം... യെദ്യൂരപ്പയുടെ പ്രതികരണം
ബെംഗളൂരു: അന്തരിച്ച കോണ്‍ഗ്രസ് നേതാവും നടനുമായ അംബരീഷിന്റെ ഭാര്യ സുമലത ബിജെപിയില്‍ ചേരുമെന്ന് പ്രചാരണം. കോണ്‍ഗ്രസ് ടിക്കറ്റില്‍ സുമലത മാണ്ഡ്യ മണ്ഡലത്തില്‍ മല്‍സരിക്കാന്‍ സാധ്യതയില്ലെന്ന് വ്യക്തമായതിന് പിന്നാലെയാണ് ഈ പ്രചാരണം. മാണ്ഡ്യ മണ്ഡലം സഖ്യകക്ഷി ജെഡിഎസിന് കോണ്‍ഗ്രസ് വിട്ടുകൊടുത്തതില്‍ സുമലതയ്ക്ക് കടുത്ത എതിര്‍പ്പുണ്ടെന്നാണ് വിവരം.
തുടര്‍ന്നാണ് ബിജെപി സുമലതയെ കൂടെ ചേര്‍ക്കാനും മാണ്ഡ്യയില്‍ ബിജെപി സ്ഥാനാര്‍ഥിയായി മല്‍സരിപ്പിക്കാനും ആലോചിക്കുന്നത് എന്നാണ് പ്രചാരണം. എന്നാല്‍ ബിജെപി സംസ്ഥാന അധ്യക്ഷന്‍ ബിഎസ് യെദ്യൂരപ്പ വിഷയത്തില്‍ പ്രതികരിച്ചത് മറ്റൊരു തരത്തിലാണ്....
മാണ്ഡ്യയില്‍ നിന്ന് ജയിച്ച വ്യക്തി
മാണ്ഡ്യയില്‍ നിന്ന് ജയിച്ച വ്യക്തിയാണ് അംബരീഷ്. അദ്ദേഹം അന്തരിച്ച സാഹചര്യത്തില്‍ ഭാര്യ സുമലതയെ മല്‍സരിപ്പിക്കണമെന്നാണ് ഒരുവിഭാഗം കോണ്‍ഗ്രസ് നേതാക്കളുടെ ആവശ്യം. എന്നാല്‍ സീറ്റ് പങ്കുവച്ചപ്പോള്‍ സഖ്യകക്ഷിയായ ജെഡിഎസ്സിന് മണ്ഡലം വിട്ടുകൊടുക്കാന്‍ കോണ്‍ഗ്രസ് തയ്യാറായി എന്നാണ് വിവരം.
ബിജെപി സ്ഥാനാര്‍ഥിയാകും?
ഇതോടെയാണ് പലതരത്തിലുള്ള പ്രചാരണം നടക്കുന്നത്. ബിജെപി സ്ഥാനാര്‍ഥിയായി മാണ്ഡ്യയില്‍ തന്നെ സുമലതയെ മല്‍സരിപ്പിക്കാനാണ് ബിജെപി ആലോചിക്കുന്നത് എന്നാണ് പ്രചാരണം. എന്നാല്‍ ഇതിന് വിരുദ്ധമായിട്ടാണ് യെദ്യൂരപ്പ പ്രതികരിച്ചത്.
ഇതുവരെ ക്ഷണിച്ചിട്ടില്ല
സുമലതയെ ബിജെപിയിലേക്ക് ഇതുവരെ ക്ഷണിച്ചിട്ടില്ലെന്നും മാണ്ഡ്യയില്‍ ബിജെപി ടിക്കറ്റില്‍ അവരെ മല്‍സരിപ്പിക്കാന്‍ തീരുമാനിച്ചിട്ടില്ലെന്നുമാണ് യെദ്യൂരപ്പ പറഞ്ഞത്. നിലവില്‍ ചര്‍ച്ച നടന്നിട്ടില്ല. വിഷയം പാര്‍ട്ടി പിന്നീട് ചര്‍ച്ച ചെയ്യുമെന്നും യെദ്യൂരപ്പ ഹൂബ്ലിയില്‍ മാധ്യമങ്ങളോട് സംസാരിക്കവെ വ്യക്തമാക്കി.
സുമലതയുടെ പ്രതികരണം
ബിജെപി നേതാക്കളാരും തന്നെ ബന്ധപ്പെട്ടിട്ടില്ലെന്ന് സുമലത പറഞ്ഞു. ബിജെപി തന്നെ ക്ഷണിച്ചാല്‍ അനുയായികളുമായി ചര്‍ച്ച ചെയ്ത ശേഷം തീരുമാനമെടുക്കുമെന്നും സുമലത വ്യക്തമാക്കി. ബിജെപിയെ തള്ളാതെയായിരുന്നു സുമലതയുടെ പ്രതികരണം. ഇതോടെയാണ് ബിജെപിയിലേക്ക് സുമലത കളം മാറ്റുമെന്ന പ്രചാരണം ശക്തമായത്.
22 സീറ്റില്‍ ജയിക്കും
കര്‍ണാടകയില്‍ ബിജെപി 22 സീറ്റില്‍ ജയിക്കുമെന്ന് യെദ്യൂരപ്പ അവകാശപ്പെട്ടു. മോദി തന്നെ പ്രധാനമന്ത്രിയാകും. 300 സീറ്റുകളുടെ ബലത്തിലാണ് മോദി വീണ്ടും പ്രധാനമന്ത്രിയാകുക എന്നും യെദ്യൂരപ്പ പറഞ്ഞു. മോദിയെ വീണ്ടും അധികാരത്തിലേറ്റുക എന്ന ലക്ഷ്യത്തോടെയാണ് പ്രവര്‍ത്തിക്കുന്നതെന്നും യെദ്യൂരപ്പ കൂട്ടിച്ചേര്‍ത്തു.
