എന്റെ ബെഡ്റൂമില് എന്ത് നടക്കുന്നു എന്ന് ആരും ചോദിക്കേണ്ട: സാനിയ മിര്സ!
സാനിയ മിര്സ - ലോക ഡബിള്സ് റാങ്കിംഗില് ഒന്നാം റാങ്കുകാരിയാണ് ഇന്ത്യയുടെ ഈ ഗ്ലാമര് താരം. സ്വപ്നം പോലെ ഒരു വര്ഷമാണ് കളിക്കളത്തില് സാനിയയ്ക്ക് കഴിഞ്ഞുപോയത്. സ്വിസ് താരമായ മാര്ട്ടിന ഹിംഗിസിനൊപ്പം സാനിയ ഈ വര്ഷം കൊയ്തുകൂട്ടിയ വിജയങ്ങള്ക്ക് കണക്കില്ല. ഇന്ത്യന് ടെന്നീസിന് അന്താരാഷ്ട്ര മാനങ്ങള് നല്കിയ സാനിയ ബി ബി സിയുടെ 100 വനിതകളുടെ പട്ടികയിലും ഇടം കണ്ടെത്തി.
വീണ്ടും സാനിയ, വീണ്ടും ഹിംഗിസ്; 'ഒമ്പതാം' സ്വര്ഗത്തില് സ്വപ്നജോഡി!
എന്നാല് കളിക്കളത്തിന് പുറത്ത് സാനിയയുടെ ജീവിതം അത്ര സുഖകരമല്ല. തുടക്കത്തില് ഗ്ലാമര് കൊണ്ടുള്ള വിവാദങ്ങളായിരുന്നു. പാക് ക്രിക്കറ്റര് ഷോയിബ് മാലിക്കിനെ വിവാഹം ചെയ്തതോടെ അതായി വിവാദത്തിന് കാരണം. ഇപ്പോഴിതാ കുട്ടിയെക്കുറിച്ച് ചിന്തിക്കുന്നില്ലേ എന്നാണ് ആളുകളുടെ ചോദ്യം. ചോദ്യങ്ങളോട് 29 കാരിയായ സാനിയയ്ക്ക് പ്രതികരിക്കാനുള്ളത് ഇങ്ങനെ.. കാണൂ...
എന്റെ ബെഡ് റൂമിലേക്ക് വരല്ലേ
എന്റെ ബെഡ് റൂമില് എന്ത് സംഭവിക്കുന്നു എന്ന് ചോദിക്കാനുള്ള അവകാശം ആര്ക്കുമില്ല - ബി ബി സിയോട് സംസാരിക്കവേയാണ് സാനിയ മിര്സ രൂക്ഷമായ ഈ വാക്കുകള് പറഞ്ഞത്.
മികച്ച ഫോമില്
2015 സാനിയയ്ക്ക് മികച്ച വര്ഷമായിരുന്നു. രണ്ട് ഗ്രാന്ഡ്സ്ലാമുകള്, ഹിംഗിസിനൊപ്പം മറ്റ് എട്ട് വിജയങ്ങള് ഇത്രയുമാണ് ഈ വര്ഷം സാനിയയുടെ അക്കൗണ്ടിലുള്ളത്.
കരിയര് മൊത്തം സൂപ്പര്
എന്നാല് ഈ ഒരു വര്ഷം മാത്രമല്ല, തന്റെ കരിയര് മുഴുവനും നല്ലതായിരുന്നു എന്നാണ് സാനിയ പറയുന്നത്. കഴിഞ്ഞ കുറേ വര്ഷങ്ങള് തികച്ചും നന്നായിരുന്നു.
ഹിംഗിസിന് പറയാനുള്ളത്
ലിയാന്ഡര് പേസിനും സാനിയ മിര്സയ്ക്കും ഒപ്പം കളിക്കാന് പറ്റുന്നത് ഭാഗ്യമാണ് എന്നാണ് ഹിംഗിസിന് പറയാനുള്ളത്.