ഹര്ദിക് പട്ടേലിനെതിരെ ജാമ്യമില്ലാ അറസ്റ്റ് വാറണ്ട്: തിരഞ്ഞെടുപ്പ് അട്ടിമറിയ്ക്കാന് നീക്കം!
അഹമ്മദാബാദ്: പട്ടേല് പ്രക്ഷോഭത്തിന്റെ സൂത്രധാരന് ഹര്ദിക് പട്ടേലിനെതിരെ ജാമ്യമില്ലാ അറസ്റ്റ് വാറണ്ട്. 2016ല് ബിജെപി നേതാവിനെ ആക്രമിച്ച കേസിലാണ് അറസ്റ്റ് വാറണ്ട് പുറപ്പെടുവിച്ചിട്ടുള്ളത്. ഹര്ദികിന് പുറമേ ലാല്ജി പട്ടേലിനും മറ്റ് ചില പാട്ടീദാര് നേതാക്കള്ക്കുമെതിരെയും അറസ്റ്റ് വാറണ്ട് പുറപ്പെടുവിച്ചിട്ടുണ്ട്. ബിജെപി എംഎല്എ റിഷികേശിനെ ആക്രമിച്ചുവെന്നതാണ് ഇവര്ക്കെതിരെയുള്ള കുറ്റം. മെഹ്സാനയിലെ വിസ്നഗര് നഗരത്തിലൂടെ പോകുകയായിരുന്ന നേതാവിനെതിരെ സംഘം കല്ലേറ് നടത്തുകയായിരുന്നു.
ഗുജറാത്ത് നിയമസഭാ തിരഞ്ഞെടുപ്പ് നടക്കാനിരിക്കെ രാഹുല് ഗാന്ധിയും താനും തമ്മില് കൂടിക്കാഴ്ച നടത്തിയെന്ന വാര്ത്തകള് പുറത്തുവന്നതിന് പിന്നാലെയാണ് ഹര്ദികിനെതിരെ ജാമ്യമില്ലാ അറസ്റ്റ് വാറണ്ട് പുറപ്പെടുവിക്കുന്നത് കൂടിക്കാഴ്ച നടത്തിയെന്ന വാര്ത്ത നിഷേധിച്ച ഹര്ദിക് ഞാന് എപ്പോള് രാഹുലിനെ കാണുന്നുവോ അത് രാജ്യത്തോട് മുഴുവന് വിളിച്ചുപറയുമെന്ന് വ്യക്തമാക്കിയിരുന്നു. ട്വീറ്റിലായിരുന്നു രാഹുല് ഗാന്ധിയുമായി കൂടിക്കാഴ്ച നടത്തിയെന്ന വാര്ത്ത ഹര്ദിക് നിഷേധിച്ചത്.
അടുത്ത തവണ രാഹുല് ഗാന്ധി ഗുജറാത്ത് സന്ദര്ശിക്കാനെത്തുമ്പോള് ഇരുവരും തമ്മിലുള്ള കൂടിക്കാഴ്ച സാധ്യമാകുമെന്നും ഹര്ദിക് അവകാശപ്പെട്ടിരുന്നു. എന്നാല് ഇതിനെയെല്ലാം തള്ളിക്കൊണ്ട് ഹോട്ടലില് നിന്നുള്ള കൂടുതല് ദൃശ്യങ്ങള് ബുധനാഴ്ച പുറത്തുവരികയും ചെയ്തിരുന്നു.