ഉത്തരേന്ത്യയില് നാശം വിതച്ച് മഴ; ഡല്ഹിയില് വെള്ളക്കെട്ട്, ഹിമാചലില് മേഘവിസ്ഫോടനം
ന്യൂഡല്ഹി: കഴിഞ്ഞ ദിവസം പെയ്ത കനത്ത മഴയില് ഉത്തരേന്ത്യയില് വലിയ നാശം. ഡല്ഹിയിലും ഉത്തരാഖണ്ഡിലും ഹിമാചല് പ്രദേശിലും വിരവധി പേരെ കാണാതായി. ഡല്ഹിയില് ഒറ്റ ദിവസം പെയ്തത് 14 വര്ഷത്തിനിടെയുള്ള റെക്കോഡ് മഴയാണ്. രാജ്യതലസ്ഥാനത്തിന്റെ പല ഭാഗങ്ങളിലും വെള്ളക്കെട്ട് രൂപപ്പെട്ടു. സുരക്ഷിതമെങ്കില് വീടിനുള്ളില് തന്നെ തുടരണം അനാവശ്യ യാത്രകള് ഒഴിവാക്കാനും ഐഎംഡി മുന്നറിയിപ്പ് നല്കി.
നഗരത്തിലെ എല്ലാ സ്കൂളുകള്ക്കും ഓഗസ്റ്റ് ഒന്നിന് അവധിയായിരിക്കുമെന്ന് ഡല്ഹി വിദ്യാഭ്യാസ മന്ത്രി അതിഷി പറഞ്ഞു. ലുട്ടിയന്സ് ഡല്ഹിയിലെ റോഡുകളിലും ഗുരുഗ്രാം, നോയിഡ, ഗാസിയാബാദ്, ഫരീദാബാദ് എന്നിവിടങ്ങളിലേക്കുള്ള റോഡുകളിലും ഗതാഗതം താറുമാറായി. കൊണാട്ട് പ്ലേസില് നിരവധി ഷോറൂമുകളിലും റെസ്റ്റോറന്റുകളിലും വെള്ളം കയറി. ഗാസിപൂരില് ഖോഡ കോളനിക്ക് സമീപത്തെ വെള്ളക്കെട്ടില് തെന്നിവീണ് അമ്മയും മകനും മുങ്ങി മരിച്ചു.
നോയിഡയില് രാത്രി പെയ്ത കനത്ത മഴയില് നിരവധി അടിപ്പാതകള് വെള്ളത്തിനടിയിലായി. ഗുരുഗ്രാമിലെ ഇഫ്കോ ചൗക്കില് വെള്ളം നിറഞ്ഞ റോഡിലേക്ക് കേടായ വൈദ്യുതികമ്പി വീണതിനെ തുടര്ന്ന് മൂന്ന് പേര് ഷോക്കേറ്റ് മരിച്ചു. പ്രതികൂല കാലാവസ്ഥ വ്യോമഗതാഗതത്തെയും തടസപ്പെടുത്തി. ഡല്ഹിയിലേക്കുള്ള 10 വിമാനങ്ങളെങ്കിലും ജയ്പൂരിലേക്കും ലഖ്നൗവിലേക്കും തിരിച്ചുവിട്ടു.
അതേസമയം ഷിംലയിലെ രാംപൂരില് മേഘവിസ്ഫോടനത്തെ തുടര്ന്ന് ഇരുപതോളം പേരെ കാണാതായി. സമേജ് ഖാദിലെ ജലവൈദ്യുത പദ്ധതിക്ക് സമീപം മേഘവിസ്ഫോടനം ഉണ്ടായതായി ദുരന്ത നിവാരണ അതോറിറ്റിക്ക് ഇന്ന് പുലര്ച്ചെ വിവരം ലഭിച്ചതായി ജില്ലാ ഭരണകൂടം അറിയിച്ചു. ദുരന്ത നിവാരണ സേന സംഭവസ്ഥലത്തെത്തിയിട്ടുണ്ട്. മേഘവിസ്ഫോടനം പ്രദേശത്തെ റോഡ് കണക്റ്റിവിറ്റിയെ ബാധിച്ചതിനാല് രക്ഷാപ്രവര്ത്തകര്ക്ക് അപകട സ്ഥലത്തേക്ക് എത്താനായിട്ടില്ല.
ഷിംലയില് നിന്ന് 125 കിലോമീറ്റര് അകലെ ഹിമാചല് പ്രദേശിലെ മാണ്ഡിയിലും മേഘവിസ്ഫോടനം ഉണ്ടായി. മുഹല് തെരാംഗിന് സമീപമുള്ള രാജ്ബാന് ഗ്രാമത്തിലെ മേഘവിസ്ഫോടനം മണ്ണിടിച്ചിലിന് കാരണമായി. ഉത്തരാഖണ്ഡിലും മഴക്കെടുതി രൂക്ഷമാണ്. തെഹ്രി ഗര്വാള് ജില്ലയിലെ ജഖനിയാലിയില് മേഘസ്ഫോടനത്തില് രണ്ട് പേര് മരിക്കുകയും ഒരാള്ക്ക് പരിക്കേല്ക്കുകയും ചെയ്തു.
ഇന്നലെ രാത്രിയുണ്ടായ മേഘവിസ്ഫോടനത്തില് മൂന്ന് പേരെ കാണാതായതായി വിവരം ലഭിച്ചതായി സംസ്ഥാന ദുരന്ത നിവാരണ സേന (എസ്ഡിആര്എഫ്) വക്താവ് പറഞ്ഞു. ഹരിദ്വാറില് കനത്ത മഴയെ തുടര്ന്ന് വീടിന്റെ മേല്ക്കൂര തകര്ന്ന് രണ്ട് കുട്ടികള് മരിക്കുകയും ഒമ്പത് പേര്ക്ക് പരിക്കേല്ക്കുകയും ചെയ്തു. പരിക്കേറ്റവരില് മൂന്ന് പേരുടെ നില ഗുരുതരമാണെന്ന് ജില്ലാ മജിസ്ട്രേറ്റ് ധീരജ് സിംഗ് ഗാര്ബിയല് എഎന്ഐയോട് പറഞ്ഞു.
-
യുഎഇയില് നാളെയും മറ്റന്നാളും മഴ കനക്കും! മോശം കാലാവസ്ഥയുടെ അവസാന തരംഗമെന്ന് മുന്നറിയിപ്പ് -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില്
Click it and Unblock the Notifications
Sign in with Google