സ്വര്ണത്തിന്റെ തിളക്കം കുറയുമോ...? വെല്ലുവിളിയാകുന്നത് ഈ ലോഹം... വെള്ളിയല്ല!
സ്വര്ണവില രാജ്യത്തും ആഗോള വിപണിയിലും പ്രതിദിനം വര്ധിച്ച് കൊണ്ടിരിക്കുകയാണ്. വിലയേറിയ ലോഹം എന്ന നിലയില് തിളങ്ങി നില്ക്കുകയാണ് സ്വര്ണം. എന്നാല് വരും വര്ഷങ്ങളില് സ്വര്ണത്തേക്കാള് ഡിമാന്ഡ് വെള്ളിക്കായിരിക്കും എന്ന് റിപ്പോര്ട്ടുകളുണ്ടായിരുന്നു. വ്യാവസായികാടിസ്ഥാനത്തില് വെള്ളിയുടെ ഉപഭോഗത്തില് വന്നിരിക്കുന്ന വര്ധനവാണ് ഇതിന് കാരണം.
സ്വര്ണത്തിന് വില കൂടുന്ന സാഹചര്യത്തിലും അതിന്റെ ഉപഭോഗവും ശേഖരണവും വലിയ തോതില് നടക്കുന്നുണ്ട്. എന്നാല് സ്വര്ണത്തേക്കാളും വെള്ളിയേക്കാളും വേഗത്തില് വളരുന്നത് സിങ്കിന്റെ ഉപഭോഗമാണ് എന്നാണ് ഏറ്റവും പുതിയ റിപ്പോര്ട്ടുകള് ചൂണ്ടിക്കാട്ടുന്നത്. ഇന്ത്യയില്, താമ്രം, വെള്ളി, അലുമിനിയം തുടങ്ങിയ ലോഹങ്ങളില് ഉപയോഗിക്കുന്ന സിങ്കിന്റെ ഉപഭോഗം അതിവേഗം വര്ധിച്ച് കൊണ്ടിരിക്കുകയാണ്.
അടുത്ത 10 വര്ഷത്തിനുള്ളില് ഇന്ത്യയില് സിങ്ക് ഉപഭോഗം 1.1 ദശലക്ഷം ടണ്ണില് നിന്ന് 2 ദശലക്ഷം ടണ്ണായി വര്ധിക്കുമെന്ന് ഇന്റര്നാഷണല് സിങ്ക് അസോസിയേഷന് കണക്കാക്കുന്നു. ''ഇന്ത്യയില് സിങ്കിന്റെ ഉപഭോഗവും ആവശ്യവും 1.1 ദശലക്ഷം ടണ്ണാണ്. ഇന്ത്യയിലെ നിലവിലെ ഉല്പ്പാദനത്തേക്കാള് കൂടുതലാണിത്. അടുത്ത 10 വര്ഷത്തിനുള്ളില് ഇത് 2 ദശലക്ഷം ടണ്ണിലെത്താനാണ് സാധ്യത,' ഇന്റര്നാഷണല് സിങ്ക് അസോസിയേഷന് എക്സിക്യൂട്ടീവ് ഡയറക്ടര് ആന്ഡ്രൂ ഗ്രീന് പറഞ്ഞു.
സിങ്കിന്റെ ഉപഭോഗം സ്വര്ണ്ണത്തേക്കാള് പലമടങ്ങ് കൂടുതലാണ് എന്നതാണ് ഇതിന്റെ പ്രത്യേകത. ഇന്ത്യയില് ഓരോ വര്ഷവും 700 ടണ്ണിലധികം സ്വര്ണ്ണ ഉപഭോഗം നടക്കുന്നുണ്ട്. ആഗോള സിങ്ക് വിപണിയില് പ്രാഥമിക ഉല്പാദനത്തിന്റെ അടിസ്ഥാനത്തില് പ്രതിവര്ഷം 13.5 ദശലക്ഷം ടണ് ഉപഭോഗമാണ് നടക്കുന്നത് എന്നും ആന്ഡ്രൂ ഗ്രീന് കൂട്ടിച്ചേര്ത്തു. സിങ്കിന്റെ പ്രതിശീര്ഷ ഉപഭോഗം നോക്കുമ്പോള് ആഗോള ശരാശരി ഇന്ത്യയിലെ ഉപഭോഗത്തേക്കാള് നാലോ അഞ്ചോ ഇരട്ടി കൂടുതലാണ്.
ആഗോള നിലവാരം പുലര്ത്തുന്നതിന് സിങ്കിന്റെ ഉപയോഗം വര്ദ്ധിപ്പിക്കേണ്ട നിരവധി മേഖലകളുണ്ടെന്ന് ആന്ഡ്രൂ ഗ്രീന് പറഞ്ഞു. ആഗോള ഓട്ടോമേഷന് വ്യവസായത്തില് ഉരുക്കിന്റെ 90 മുതല് 95 ശതമാനം വരെ ഗാല്വാനൈസ്ഡ് ആണ്. ഇന്ത്യയില് സ്റ്റീലിന്റെ സിങ്കിന്റെ അളവ് 23 ശതമാനം മാത്രമാണ്. ഗാല്വാനൈസ്ഡ് റീബാറിന് മാനദണ്ഡങ്ങള് നിശ്ചയിക്കാന് സര്ക്കാരുമായി ചര്ച്ചയിലാണെന്ന് ആന്ഡ്രൂ പറഞ്ഞു.
ഊര്ജ മേഖലയില് സിങ്കിന്റെ ആവശ്യം ആഗോളതലത്തില് 43 ശതമാനം വളരുമെന്നാണ് പ്രതീക്ഷിക്കുന്ന്. 2030 ഓടെ കാറ്റാടി ഊര്ജ്ജ മേഖല ഇരട്ടിയാക്കുമെന്നും അദ്ദേഹം പറഞ്ഞു.
Click it and Unblock the Notifications
Sign in with Google