Click it and Unblock the Notifications
Just In
Don't Miss
-
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
ഹൃദയം തകർത്ത് ഓഹരി വിപണി, ഇന്നും ഇടിവോടെ തുടക്കം, നാല് ദിവസത്തെ നഷ്ടം 9 ലക്ഷം കോടി -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
മോദിക്ക് മുന്നില്‍ കളക്ടര്‍ക്ക് സണ്‍ഗ്ലാസ് വെക്കാം, നോട്ടീസ് വിഡ്ഡിത്തം
ബസ്തര്‍: പ്രധാനമന്ത്രി നരേന്ദ്ര മോദിയുടെ മുന്നില്‍ സണ്‍ഗ്ലാസ് ധരിച്ചെത്തിയ ഐ എ എസ് ഓഫീസര്‍ക്ക് നോട്ടീസ് അയച്ചത് വിഡ്ഡിത്തമാണ് എന്ന് ഐ എ എസ് ഏസോസിയേഷന്‍. സിവില്‍ സര്‍വ്വീസ് മാന്വലില്‍ ഇങ്ങനെ ഒരു ഡ്രസ് കോഡിനെക്കുറിച്ച് പറയുന്നില്ല എന്നും അസോസിയേഷന്‍ പ്രതിനിധികള്‍ പറഞ്ഞതായി സി എന്‍ എന്‍ - ഐ ബി എന്‍ റിപ്പോര്‍ട്ട് ചെയ്തു.
പ്രധാനമന്ത്രിയെ കളക്ടര്‍ കാണാന്‍ പോകുമ്പോഴാണ് ഡ്രസ് കോഡ് പാലിക്കേണ്ടത്. എന്നാല്‍ ഇവിടെ സംഭവിച്ചത് അങ്ങനെയല്ല. 45 ഡിഗ്രിയില്‍ അധികം ചൂടില്‍ സഞ്ചരിക്കുമ്പോള്‍ എല്ലായ്‌പോഴും ഡ്രസ് കോഡ് നോക്കാന്‍ പറ്റി എന്ന് വരില്ല. പ്രധാനമന്ത്രിയെ താഴ്ത്തിക്കെട്ടാന്‍ വേണ്ടിയല്ല, കടുത്ത ചൂടില്‍ നിന്നും കണ്ണ് സംരക്ഷിക്കാനാണ് കളക്ടര്‍ സണ്‍ഗ്ലാസ് ധരിച്ചത്. നോട്ടീസ് അയച്ച സര്‍ക്കാര്‍ നടപടിയെ അസോസിയേഷന്‍ വിമര്‍ശിച്ചു.
മാര്‍ച്ച് 9ന് പ്രധാനമന്ത്രി ബസ്തര്‍ സന്ദര്‍ശിച്ചപ്പോഴാണ് കളക്ടര്‍ അമിത് കതാരി സണ്‍ഗ്ലാസ് ധരിച്ചെത്തിയത്. കളക്ടര്‍ പ്രോട്ടോക്കോള്‍ അനുസരിച്ചില്ലെന്ന് കാണിച്ച് ഛത്തീസ്ഗഢ് സര്‍ക്കാര്‍ അമിത് കതാരിക്ക് നോട്ടീസ് അയച്ചിരുന്നു. കളക്ടര്‍ നിയമലംഘനമാണ് നടത്തിയതെന്നും അതിനാല്‍ മറുപടി നല്‍കണമെന്നുമായിരുന്നു നോട്ടീസ്.
അമിത് കതാരിക്ക് നോട്ടീസ് അയച്ച സംഭവം സോഷ്യല്‍ മീഡിയയില്‍ വളരെയധികം ചര്‍ച്ച ചെയ്യപ്പെട്ടു. കോണ്‍ഗ്രസ് പാര്‍ട്ടി അടക്കമുള്ള പ്രതിപക്ഷ പാര്‍ട്ടികളും അമിത് കതാരിയെ ന്യായീകരിച്ച് രംഗത്തെത്തിയിരുന്നു. എന്നാല്‍ കളക്ടര്‍ വിശദീകരണം നല്‍കിയേ പറ്റൂ എന്ന ആവശ്യത്തില്‍ ഉറച്ചുനില്‍ക്കുകയാണ് സര്‍ക്കാര്‍.
